سوالف آباء

اليوم ابوي ما ادري شسالفته احس ما عنده شغل ما ادري زهقان ما ادري

وانا بالمحاضرة دق علي طبعا مارديت عليه قلت خل اخلص بعدين اشوفه

خلصت المحاضرة الأولى ورحت حق المحاضرة ثانيه قلت هم مالي خلق ادق عليه

المهم طلعت من المحاضرة الثانيه ولا رفيجي داق علي فكلمته وانا قاعد اكلمه دش الوالد خط ثاني

قلت حق رفيجي خل اششوف ابوي شنو يبي ذبحني من الصبح واهوه يتصل

المهم صار الحديث الثالي

أبوي: ها ديكاتي وينك ما ترد
ديكاتي:والله شسوي عندي محاضرات
أبوي:انزين بغيت اسألك شنو الغدا اليوم
ديكاتي:والله ما ادري ما سألتهم قبل لا اطلع
أبوي:انزين الشغاله طلعت ربيان ولا لأ
ديكاتي:ما ادري عنها يبه
أبوي :انزين طابخين عيش ولا لأ
ديكاتي:أكيد طابخين ما يبيله كلام
أبوي:انزين اذا وصلت قول حق الشغالة لا تطلع ربيان
ديكاتي:خلاص ماشي
أبوي:انت تبي ربيان
ديكاتي:لا مو مشتهي
أبوي:انزين متى تبي ترجع
ديكاتي:الحين بطلع من الجامعه
أبوي:يالله فمان الله.

آه يا قلبي يعني يا يبه يا حبيبي انا شدراني الشغاله طبخت ولا طلعت ولا شنو الغدا

يعني انا مداوم يجامعة الكويت ولا بمطبخ البيت تكفه اسأله تحسسني ان ابوي لك عليه ساعات

لا والفشله اني قاعد امشي بالممرات والناس يمي بالله يعني هذا منظر انا بالجامعه وقاعد اسولف عن الغدا وربيان وعيش وشنو طبخت

يمون يمون الوالد بس لا يكثر من هالسوالف:)