أيبك بموضوع كويست نت

طبعا اشكر التفاعل الجميل الي صار مع موضوع الي كانت امي تبيني فيه

لوووووول

وانتوا على طول قلتوا بتزوجك

كااااااااااااك

بيني وبينكم انا كنت شاك بعد بالموضوع

بس كالعادة هذا الإسلوب الي يستخدمه جماعة الكويست نت

اعتقد ماره عليكم

الي اهي تسويق شبكي وتشتري منتج وتقنع ناس تحتك وتاخذ ارباح

يعني سالفة عويصه ما حبيتها

اقنعت امي اني ما راح اروح معاها حق رفيجتها الي بتقولنا عن الكويست نت لإني شبعت من كلامهم

انا قاعد مع 3 قروبات وهم ماكو شي اقنعني

وبصراحه يبيلها وقت اصلا

عاد قفلت الموضوع خلاص


بس والله ضحكتوني على تعليقاتكم يا شباب

لوووووووووول ولا الحبيب الي داش على طول منك المال ومنها العيال

ويقولي صرف الصاحب

يمعود انا الكل شاك فيني لإني شيطان بس يحليلي على نياتي

قطوه مغمضة

اويييييلااااااااااااااه يا ديكاتي

وبعدي صغير على الزواج

لووووول يتراوالي الي باخذها اول شرط بتحطه اسكر هالمدونه

لوووول لا واذا ابوها يبي يسأل عني بس اعطييه اللنك واقوله هذا تاريخي كله

يا ويلي عاد ديكاتي انت فاضح نفسك وقاعد اهني

بس يالله الله كريم

ديكاتي وبحوثه

مساء الخير

لوول ادري العموم مثلي يقول ما بغى يصير هالويك اند

شنو اسبوع ملييق اففففففف

العموم مشتط هالإسبوع

اليوم خلصت رجعت نمت على طول

وبس للأسف ما قدرت اتخطى حاجز الساعتين من النوم

والسبب طبعا كما اعرف وانتوا تعرفون اليوع كافر

استوعبت ان صارلي وايد مو ماكل

قعدت من النوم جان اكل مرقة البامية الموعودة

واللإخت مشاعرها

ترا المرقة ماكو عليها

لوووول صج صارلها يومين بالثلاجه بس ماكو شي مستحيل مع ديكاتي

الحين كل الأمور تمام

اول ما خلصت غدا جابلت النت عندي بحث عن وسائل الإعلام الدولية

والله لقيت جم شي يفيدوني

من الأشياء الي لفتت انتباهي

صحيفة الوول ستريت جورنال

و صحيفة الجورديان

دايما كنا ندرس عنهم بس عمري ما رحت شفت شنو فيهم

بس والله طلع شغل مرتب

صج بالإنجليزي بس تحليلاتهم وايد حلوه

قريت اخبار رياضية عالسريع

شغلهم حلو وايد والله

من عذر الوول ستريت تطبع مليونين نسخه باليوم

لوووووول على طاري الرياضة برشلونه وانتر مباراتهم فلم

المهم

اسبوع الي طاف كان عندي واجب

المشكله ما كانت بالواجب كمسمى

المشكله بالموضوع

طبعا صج كان يبيله شغل

وطبعا بعد ما تحوس بالنت تدور معلومات موثوقة ودراسات من قبل باحثين

لازم يا اخ ديكاتي تقعد تشوف القناة لمدة يومين بأوقات متفرغه

علشان تشوف نوعية البرامج والمواضيع والكلمات التي تستخدم

والله ماكو احد ما خزني بالبيت وانا قاعد اطالع

لوووووول الوالد قام يطق على راسه

يقولي بلاي ستيشن وطوفتها

بي اس بي وطوفناها

بس تقعد تطالع سبيس توون هذي ما ادري وين اصرفها لك يا ولدي

لوووول والله مو بإيدي يا جماعه لازم اطالع علشان اقدر اكمل البحث

لووووووول وبيني وبينكم اندمجت الا شوي

هههههههه

وطبعا دكتورة عالية المتروك اتمنى تسامحيني ترا خايرها شوي لإن كان عندي امتحانات هالإسبوع ما قدرت اعطي الواجب حقه عدل

اي والدراسة الثانية كانت عن البلاي ستيشن

عاد هذي سهالات لإن نص الدراسات انا مطبقها على نفسي

والله اكتشفت اني ملاحظ نفسي وانا العب وانفعل واتحرك مع الشخصية الي قاعد العب فيها

يالله سهالات

والله انا قاعد اكتب موضوع والناس كلها طالعه بالويك اند

بس دام اني مو طالع بكتب
-----------------------------------
Tuesday

مشكلة لما اليهال يبدعون

نراكم على الف خير

ابيك بموضوع

مرحبااااز

تفريغ ما في العقل لا اكثر

احبني لما اتكلم كلام فصيح وعلمي

المهم

يوم السبت الوالده قالتلي ضبط حالك يوم الأثنين الساعه 7 ونص

قتلها خير شنو في

قالتلي بنروح بيت ناس

انزين منو وحق شنو وليش

ما جاوبت على سؤالي

لوووول

المشكله تدري ان ولدها ملقوف وبجذي ما ينام الليل

وانا عاد كلش ما احب هالسالفه هذي

يعني لو قايلتلي حزتها ونروح على طول احسن من هالنطره

الحين قاعد افكر وافكر وافكر شنو تبي ومنو الي بنروح لهم

صار يوم الأثنين جان تقولي اجلنا الموعد حق يوم الخميس نفس الساعه

يا ربيييييي

انا ما صدقت صار يوم الأثنين

الحين تبيني انطر لما يوم الخميس

وهذا كله حتى ما تقولي شنو الموضوع ومنو الي بنروح لهم

المشكله ان ديكاتي وسواسي ادري بعمري والله

الحين اقعد افكر بوايد اشياء

اول شي تفكر فيه

يمكن طاحت علي بشي غلط سوييته وتبي تكلمني فيه؟

عاد مسكين انا شمسوي حدي حدي مخربها يعني اتمشى عالبحر بالويك اند

هذي قمة الخراب عندي

ماكو شي اكبر من جذي

مممممممم

شاكه ان عندي علاقة يمين او يسار ؟

اعرف سوالف الحريم انا

خو مكالماتي زايده مو معناته اني عندي علاقه يا يمه

يمكن تبي خدمه او مساعده؟

والله شي جايز هم

تهقون تبي بس نطلع نتمشى وطلعه خفيفه وفيها عشى؟

والله يجوز

بس البلوه انها قالت يمكن نروح بيت ناس

معناته في احتماليه ان كل افكاري السابقه غلط ويكون الموضوع بيت ناس

انزين منو هالناس

حو قوليلي بيت عمك عمتك خالتك الي يصير

اما بيت ناس هذي مبهمه وايد

مممم شنو بعد شنو الإحتمالات

يا ربي على هالتفكير واخر شي يطلع شي تافه ترا كلش مو شي

انزين منو هالناس الي ينروح لهم

اسأله كثيره براسي

والحين مالنا غير ننطر لما يوم الخميس

اللهم الهمني صبرا

صيفنا وجبرتنا

موسم الصيف احلى شي فيه صج صج الجبره

الوالد الله يحفظه ويخليه لنا يكبر يكروشنا ويخلينا ننمو ونكبر

كل اسبوع يروح الجبره يتشرا

طبعا ابوي مو من مؤيدين الجمعيات ولا الأسواق التجاريه

على قولته كل شي تحصله بالجبره شغل فرش ونظيف والسعر مناسب

يعني يحمل السياره كلها واهوه مستانس

عاد امس الوالد ياي من الجبره

وداق علي

ديكاتي ييب العربانه وتعالي عند الباب

انا قلت صاررت يا ديكاتي

واروحله

والله شكله ما فيها نادي من كثر ما شلت

وانزلهم من السياره وتالي نزلهم داخل البيت هم هذي سالفة ثانيه

عادي اهني ايي دور الوالده لما تسويلك سلطة الفواكه الي تطيب الخاطر

وانا صارلي اسبوع كل ما اروح الدوام اخذلي تفاحه بالطريج

يقولون التفاح من الصبح زين

واهني العده كلها

لووووول بعد ما نزلت كل شي قلت لازم اكافئ نفسي و اوصور

هااااا منو قال فراوله

الحياة حلوه

---------------------------

شكلي بجرب اسوي ملك شيك بالبيت

الفكره صارلها جم يوم في بالي

لووووول بعدين يبين

الجامعه ماخذه من وقتي

لازم انا ديكاتي المذكور اسمه بالأعلى آنفا

والموقع ادناه

يعطوني تفرغ تدويني

ماكو وكت اكتب على مزاج والله

اشوفكن على خير اعزائي

ديكاتي مع اكشن الأمس

مساء الخير

جميل انك تكون مسيطر على الوضع

لووووول مو من شويه مسيطر الله يسلمكم

نايم 12 ساعه

الي صار امس خصبق حساباتي كلها

امس بأمان الله طلعت من الجامعه حالي حال اي بطيني بالدنيا

اول ما طلعت من بوابة الجامعه دقيت على البيت اسأل شنو الغدا

واذا به مرقة باميه الي يحبها قلبي

قلت حلو الحين اقلاع يا ديكاتي

جرندايزر انطلللق

واذا به زحمه من اول جسر عند الجامعه على الغزالي

يا ربي ليش ليش

عاد انا كنت متحلف بالمرقه حدي

غيرت الطريج ورحت شارع ثاني ولا هم زحمه

بس كانت زحمة حادث ومن بعده اقلعت

عاد وانا مقلع جيكت على التويتر ولا العموم يتحلطم على الدائري الخامس

يقولون زحمه ومو حاله ومن هالكلام

اختصرت الموضوع وكملت لما الدائري السادس

ولا سااااااااااااك

جان اطلع واعطييييه الي في بطنها

وانا امشي على اليسار وسرعه قانونيه والأمن والامان مستتبان وديكاتي يوعان زين ما مشى بحارة الأمان ودان دان(مؤثر صوتي)المهم

ماشي وصلت عند صباح السالم

وديكاتي عيونه تلمع لإن جسر المسيله قام يبين من بعيد

وجدر مرقة الباميه اراه امامي يتلئلئ

والريحه الطيبه تخطف على خشمي ما ادري من وين يت وانا بالسياره بس لازم اكمل الفلم

وذاك العيش النثري

اخيييييييه ويمه قلاص لبن بارد

لاااااااااااه لاااااااااه هذا الغدا الصح ولا بلاش

اول ما طفت جسر صباح السالم

بوووووووووووووووووووط

جان تطفي السياره

لاااااااااااااااااااااااااااااااااااااااااااااااااااااا

عاد كنت عاليسار اشوه مداني اشقح حارة الأمان

لإن الحبايب الي وراي يايين مشوتين

المهم انا على حارة الامان اليسار

والسياره طفت وما تدق سلف

دقيت على الوالد قتله اييب العده واييني

سيناريو الحوار

ديكاتي:قوه يبه الله يسلمك السياره وقفت علي

الوالد:من شنو شفيها اكيييد انت لاعب فيها

عاد الوالد يدري انا العب وايد

الوالد:اي اي طوووط مخربها ما ادري شتسوي طوووووووووط

طووووووط مقطع مشفر لووووووووووول

ديكاتي:(منقص ويهه)ادري اي معاك اي نعم لا صحيح طال عمرك لا عدل كلامك

الوالد:طووووووووووووط يالله كاني يايلك طووط

لووووول اخر طوط كانت صغيره

ديكاتي:اوكي ماشي


انا نزلت

يا جماعه تدرون شنو الوضع يخرع على حارة الأمان اليسار

والله انا قاعد بالسياره والي يطوفون يمي من السرعه السياره تهتز فيني

قلت خل انزل منها احسن

بطلت الكبوت اشوف شالمشكله

ماكو شي لإنه كل شي طبيعي وتحت السيطره

الوالد وصل وسوا فلم على ما وصلني الحاره اليسار

عاد الوالد تعبث تعبث جان يقولي خل نسويلها اشتراك جود من البطااريه

والله وسويتلها واشتغلت وكل شي امان

انا اول مره اشوف بطاريه تفصل وانا ماشي 120

رجعت البيت وخذيت اغراض حق السياره ورحت حق رضوان الكهربائي

قالي البطاريه زينه وفحص شويه جان يقولي عندك مشكله بالكهربه

احم احم انا لاعب فيها شوي الله يسلمكم

عاد والله ضبطت كل شي ورديت كل شي مكانه

اهم شي سلامتي خل تولي السياره بس ما تسوى اوقف بالشمس وحالتي حاله

والله وخلصت كل شي امان ورحت غسلت السياره وشريتلها فلاتر وكل شي

طبعا وانا بطريق الرجعه كان الجو اكثر من روعه

بس كانت تمطر وانا توني مغسل السياره بس اشوه مطر نظيف

وصلت البيت جان يشوفني الوالد

ويعطيني طووووووووووووووووووووووط مو صج

لوول المشكله بكل طوووط انا اضحك واهوه تنبط جبده

الكويت منذ الساعه 7 صباحا

صباح الخير

ديكاتي يتحدث من المخده

الجو معفوس على الآخر بره

من الساعه 7 ونص والدنيا ظلمه

ولما الحين الظلامم مستمر

هالصوره ماخذينها الساعه 8 ودقيقتين


اللهم ارحمنا رحمة تغنينا بها عمن سواك

استغفر الله

اللهم الطف بنا واحفظ اهل الكويت واكشف عنا السوء يا ارحم الراحمين




بعض المناطق فيها بردي من مصادر ديكاتي المنتشره بالكويت

الصوره من المصدر

sakbaboy

اول يمعه بدوانية ديكاتي

صباح الخيرات

وصباح الكريشات

وصباح الأكل والعيوش وكل شي يترس البطينات

لووووووول

ما ادري اشلون اوصل لكم اني حدي حدي شبعان

يا ساتر يا ديكاتي

اليوم هدمت كل اسس الرجيم والرشاقة والصحه

بصراحه ما خليت شي

كل شي مو صحي وغلط كليته اليوم

والمشكله ان كل شي فوق شي ولا يوقف لا يوقف عاشوووو

هالإسبوع اتفقت مع الشباب ان نقعد عندي بالدوانيه

لإن من سوينا الدوانيه ولا مره يمعت الشباب كلهم وسويت عشى

اتفقت معاهم ان يوم اليمعه الي اهوه امس القعده عندي

ولما الحين ماكو تللفزيون ولا اكو شي غير ان راح نقعد نسولف

فقلت لهم يا جماعه التجمع الساعه 8 ونص يدوب نقعد ساعه ويوصلو العشى

وبعد العشى جاي وسوالف وبعدها العموم يدوخ ويمشي

طبعا اول شي رحت الجمعية شريت المشاريب والمستلزمات

وبعدين رحت بيت يدتي الزواره

ولا خالتي الله يخليها مبدعه بالغدا بشكل مو طبيعي

هالبرياني الزين

بس والله ما كثرت لأن انا محرص على الشباب ما يكثرون على الغدا استعدادا حق العشا

بس الي يشوف هالبرياني الي يقط الوان ما يقدر يطوف بصراحه

المهم ويصير الليل واييون الشباب واحد ورا الثاني

وتزيد السوالف والضحك

واذا به المطعمو يصلوا

ونروح نستلم الطلب

والله يعطيهم العافيه الشباب فرشنا وحطينا كل

واهني الصوره الأولية

وبعدين الصوره بعد رفع الستاره

ههههههههههه يشوق مو

هم برياني هذا بس شغل مطاعم ولكن طيب

الشباب وايد عجبهم المطعم

انا ما احب العيش يكون لين بس يالله كان اوكي

لووووووول مو خبركم العيش اللين يخليني ازييد الجيله وعليكم الحسبه

وهاللبن الزين فوقه شي عظييم حده

وبعدها الجاي والحلو وسلطة الفواكه

والله ما ادري متى اخر مره اكلت بالقدر هذا

لووووول الحمدلله على النعمه والله يستر من عواقب الأمور

وخوش قعده كانت ضحكنا وسولفنا

من زمان ما شفت الشباب وقعدنا كلنا جذي

انشالله اليايات اكثر

والأوزان تكثر بعد

لوووووول

سؤال الحلقة

هل سيحرق ديكاتي ما اكله اليوم في هذا الإسبوع ؟

ما يندرا والله لإني مضغوط دراسيا

بس بحاول اضبط وقتي واروح النادي

لووووول اي هين

انا صارلي يومين ساحب على النادي

بس لا لا انشالله كل شي راح يصير اوكي

الأمور طيبه وديكاتي بخير

منع البلاك بيري بي بي أم في البحرين

اليوم تناقلت الخدمات الإخبارية عن منع البي بي أم بالبحرين

وطبعا هذا نظام المحادثة او الجات الموجود بالبلاك بيري

وسبب المنع هو تناقل الإشاعات وانتشارها بسرعه عن طريقة البي بي أم

ومن التويتر

سراي نيوز

البحرين تمنع خدمة 'بي بي ام' بحجة نشر الإشاعات

الوطين نيوز

المنامة / وكيل وزارة الاعلام عبدالله يتيم: البحرين تمنع خدمة الدردشة

(BBM)

عبر أجهزة البلاك بيري بسبب ما يبث من إشاعات عبرها تسبب بلبلة

هذي الأخبار الكويتية الي وصلتني

وايضا عبر أحد الأقارب من البحرين

وصلني اللنك والبرودكاست هذا

وداعا لعالم البلاك بيري في البحرين :

وزارة الاعلام تشن حملة على جروبات البلاك بيري وتهدد بتحويل جميع الذين يتناقلون الاخبار بكل انواعها والحوادث واخبار المرور والرادارات عبر الهاتف باتخاذ الإجراءات القانونية والقضائية بحق المخالفين بالقوانين والأنظمة المعمول بها.

اقرأ الخبر بالكامل:

اللنك

ممم بصراحه يا اهل البحرين لا تعليق

او يمكن يكون مجرد تحذير

ممم ما يندرا والله

بس كلش مو خوش حركه

لووول شفايدة البلاك بيري بدون البي بي ام

اهوه يمشي الحال بس حلاته الشي كامل

مع اني كنت اكلم الي اهناك من البي بي ام

معناته لما الحين الأمور طيبه واهما بخير

والي عنده خير خل يفيدنا

وباجر نطروا البوست الي من اوله لما اخره اكل

يعني اصحاب القلوب الضعبفه لا يدشون باجر

نشوفكم على خير

man.u راحت عليكم لوول

بصراحه ما اقدر اكتم فرحتي

والله انا هاليوم هون علي الإسبوع هذا بكبره

اليوم اشهد يا عاالم بخسارة المانشستر يونايتد من بايرن ميونج

انا بس مو باط جبدي غير ان الي يشجعون مانشستر احسهم متعجرفين

الي يسمعهم مساهمين بالنادي

وكل ما اقالوا قالوا روني

اقول طال عمركم المانيو والريال نفس الشي شايفين عمركم على الفاضي

والله بس خلاص انا ما ابي شي من المباريات الباجي

الحين قلبي ارتاح

والي زعلوا مني علشان خسارة المانيو

اقولكم هاردلك

هههههههههه بصراحه اهمه ما قصروا فيني لما خسروا الميلان من مانشستر

والحين رديتها لكم

انا مستانس يا جماعه

مجرد بطلع الي براسي

صباح الخير اول شي

ممم لا لا طافت ال12 عيل مساء الخير

والله يا دكتورة انتي عجيبه والغلط مو عليج كلش

احد الطلبه اسبوع الي طاف اقترح ان نأجل الإمتحان الي بتاريخ 15

وطبعا اهوه من الطلبة الي تسمعهم الدكتوره ورايه مهم

المهم عاد اليوم فتحت الدكتورة الموضوع

جان يقول الحبيب لا دكتوره خليه مثل ما اهوه

انا قاعد اطالعه شنو الي غير رايك

انا يومها عندي امتحانين يعني من صالحي ان نأجل الإختبار

صار تصويت اول شي الي رفعوا ايديهم حق ان الإختبار ما يتأجل

كانوا ستة المهم

قوم يا الولد المزعوم وقول حق الطلبه الي يمه رفعوا ايدكم حتى لو ما عندكم امتحان

يعني غصب يبي يمشي الي يبيه

عاد قعدت اسمع الطلبه ولا طلعوا ما عندهم مشاكل لو أجلوا الإمتحان

انا مو زعلان ترا بس حركته وايد بايخه

يعني انت مالك شغل بالطلبه الآخرين

الحين الي عليك يا ديكاتي تشد حيلك وتروح تبط هالإمتحانين وتريح بالك

والدكتوره ثارت على طالب اليوم بشكل مو طبيعي الي انا خفت منها

احس هالمحاضرة عفست الموود كله

عموما بالربع خل اروح ادرسلي كلمتين

هالأيام صاير ماكو وقت كلش

واعذروني اذا ما قمت اكتب وايد

invictus - how to train your dragon movies

ويك اند مليء بالأكشن والطلعات الظريفه

حدي طلعت حرة الإسبوع الي طاف عدل

طبعا امس بعد اداء الواجب والزوارات والنادي

طلعت مع معاذ إلى التمشي والترفيه عن النفس وما إلى ذلك

وعاد كنا مقررين نروح السينما

والله وحجزت فلم
INVICTUS

الفلم سياسي شوي

يتحدث عن جنوب افريقيا والعنصريه الي فيها

واشلون الرئيس الي مسك الحكم حاول يغير نظرة العنصريه عن طريق كرة القدم او الركبي

وبصراحه وايد حلو الفلم عجبني واستمتعت فيه

وخلص الفلم وطلعنا من سوق شرق نتمشى

جان يقولي معاذ جنه يبيله بعد فلم

والله وبعد بحث مطول واحنا نحوس بالسياره

والنت بالتلفون لكم عليه شوي

وحجزنا فلم

HOW TO TRAIN YOUR DRAGON

بس قبلها استراحة المحاربين من بعد الفلم الاول

رحنا جوني روكتس الأفنيوز

وتزودنا بالطاقه

وطلبت فيلي تشييز ستيك

استانس على هاالوجبه مع التباسكو طبعا

اكلنا والحمدلله

ودخلنا الفلم

وايد حلو بصراحه صج انيميشين بس والله حلو

القصه وايد حلوه والرسم روعه كل شي فيه زقرتي

وايد تونسنا فيه

ودخلناه
3D

مو
IMAX

التذكره ب3 ونص

والنظاره اصغر من مالت ال
IMAX

لا بأس فيها

والله كان يوم طويل وتونسنا

انشالله الويك اند الياي احلى

-----------------------------

في اشاعه بالبيت تقول

ان الوالد يبي يقطع تلفون البيت و معناته ماكو نت

لووول لا لا يتغشمر ما يسويها

الحين بروح اتباحث بالموضوع

اول يوم من كذبة ابريل

خلصتوا جذب

اوكي يالله الحين اقول الي في بالي

اي اي اعزائي الربع الي قاعد تقرون والربيعات ايضا

طحت بجذبت ابريل ولكن العواقب ما كانت سليمه

اليوم شخصين اعزهم جربوا فيني كذبت ابريل

بس لما الحين متحسفين

لوووول اعتقد المفروض انهم يتمنون لو لم يدخل هالشهر وديكاتي ينفس عليهم بالطريقه هذي

اول شي ابي اقول ياللي طلعت جذبة ابريل مالت عليك

هذا رقم واحد

ثاني شي ترا في ناس مو كفو تعرف شي عن كذبة ابريل

ثالث شي كذبة ابريل ليست للتلاعب بمشاعر الآخرين

رابعا كذبة ابريل عادة تكون بعيده عن المشاعر وتكون خفيفه بحيث لا تؤدي إلى انفعال عنيف

خامسا انا كنت كاتب بالتويتر من الصبح الي يبي يقولي جذبة ابريل ما راح يلقى شي يعجبه

سادسا الي ما يطيع يضيع

سابعا انا المذكور اسمه آنفا ما احب هالشغله وخاصه اذا كانت عنيفه تخليني احاتي وتخرب الويك اند الي المفروض استانس فيه

ثامناا عمرها ما كانت كذبة ابريل نوع من التغيير او حركه يديده

تاسعا الكلام موجه حق الشخصين الي قالوا كذبتهم ترا ما هميتوني ورحت كليت كباب وشورما عند بدر البدور

عاشرا وليس اخرا اي محاوله لسد شهيتي عن الأكل هي فاشله بنسبة 90% وازيدكم من الكباب صمونه ترا اذا عصبت اكل اكثر

الحادي عشر من سبتمبر

لووووووووووول اقصد الحادي عشر انا غير مسؤول عن اي تصرف اتجاه الي يبي يشلخ علي

الثاني عشر اخيرا بردت جبدي وطلعت الي بقلبي وارتحت

الثالث عشر بروح اكل ايس كريم واجابل النت واشوف فلم
the blind side

الرابع عشر والسلام عليكم ورحمة الله وبركاته

ملاحظة: هذا البوست ليس ضمن نطاق كذبة ابريل