صباح الخيرات
وصباح الكريشات
وصباح الأكل والعيوش وكل شي يترس البطينات
لووووووول
ما ادري اشلون اوصل لكم اني حدي حدي شبعان
يا ساتر يا ديكاتي
اليوم هدمت كل اسس الرجيم والرشاقة والصحه
بصراحه ما خليت شي
كل شي مو صحي وغلط كليته اليوم
والمشكله ان كل شي فوق شي ولا يوقف لا يوقف عاشوووو
هالإسبوع اتفقت مع الشباب ان نقعد عندي بالدوانيه
لإن من سوينا الدوانيه ولا مره يمعت الشباب كلهم وسويت عشى
اتفقت معاهم ان يوم اليمعه الي اهوه امس القعده عندي
ولما الحين ماكو تللفزيون ولا اكو شي غير ان راح نقعد نسولف
فقلت لهم يا جماعه التجمع الساعه 8 ونص يدوب نقعد ساعه ويوصلو العشى
وبعد العشى جاي وسوالف وبعدها العموم يدوخ ويمشي
طبعا اول شي رحت الجمعية شريت المشاريب والمستلزمات
وبعدين رحت بيت يدتي الزواره
ولا خالتي الله يخليها مبدعه بالغدا بشكل مو طبيعي
هالبرياني الزين
بس والله ما كثرت لأن انا محرص على الشباب ما يكثرون على الغدا استعدادا حق العشا
بس الي يشوف هالبرياني الي يقط الوان ما يقدر يطوف بصراحه
المهم ويصير الليل واييون الشباب واحد ورا الثاني
وتزيد السوالف والضحك
واذا به المطعمو يصلوا
ونروح نستلم الطلب
والله يعطيهم العافيه الشباب فرشنا وحطينا كل
واهني الصوره الأولية
وبعدين الصوره بعد رفع الستاره
ههههههههههه يشوق مو
هم برياني هذا بس شغل مطاعم ولكن طيب
الشباب وايد عجبهم المطعم
انا ما احب العيش يكون لين بس يالله كان اوكي
لووووووول مو خبركم العيش اللين يخليني ازييد الجيله وعليكم الحسبه
وهاللبن الزين فوقه شي عظييم حده
وبعدها الجاي والحلو وسلطة الفواكه
والله ما ادري متى اخر مره اكلت بالقدر هذالووووول الحمدلله على النعمه والله يستر من عواقب الأمور
وخوش قعده كانت ضحكنا وسولفنا
من زمان ما شفت الشباب وقعدنا كلنا جذي
انشالله اليايات اكثر
والأوزان تكثر بعد
لوووووول
سؤال الحلقة
هل سيحرق ديكاتي ما اكله اليوم في هذا الإسبوع ؟
ما يندرا والله لإني مضغوط دراسيا
بس بحاول اضبط وقتي واروح النادي
لووووول اي هين
انا صارلي يومين ساحب على النادي
بس لا لا انشالله كل شي راح يصير اوكي
الأمور طيبه وديكاتي بخير
6 comments:
بالعافيه عليكم :)
من وين العيش الصراحه اشوق :)
خوش زولية بالدوانية، وشي متوقع ان يمعتكم فيها اكل. وبالعافية :D
مبروك افتتاح الديوانيه
وعليكم بالعافيه
بالعافية
بس إنشاء الله بتحرق اللي كلته، و يفضل إنك تكسر النظام الغذائي مرة في الإسبوع، و لا تخاف هذا ما بيخرب على رجيمك ..
يم يم يم يمييييييييي شكله غداكم و هم عشاكم كان لذييييييييذ لوول بالعافية يا رب و الله يجمعكم على الخير دوم
عجبني تعليق يعقوب يقول خوش زولية لووووول شوف شنو لاحظ هههههههههه
عليكم بالعافية:)
Post a Comment