صباح الخير اول شي
ممم لا لا طافت ال12 عيل مساء الخير
والله يا دكتورة انتي عجيبه والغلط مو عليج كلش
احد الطلبه اسبوع الي طاف اقترح ان نأجل الإمتحان الي بتاريخ 15
وطبعا اهوه من الطلبة الي تسمعهم الدكتوره ورايه مهم
المهم عاد اليوم فتحت الدكتورة الموضوع
جان يقول الحبيب لا دكتوره خليه مثل ما اهوه
انا قاعد اطالعه شنو الي غير رايك
انا يومها عندي امتحانين يعني من صالحي ان نأجل الإختبار
صار تصويت اول شي الي رفعوا ايديهم حق ان الإختبار ما يتأجل
كانوا ستة المهم
قوم يا الولد المزعوم وقول حق الطلبه الي يمه رفعوا ايدكم حتى لو ما عندكم امتحان
يعني غصب يبي يمشي الي يبيه
عاد قعدت اسمع الطلبه ولا طلعوا ما عندهم مشاكل لو أجلوا الإمتحان
انا مو زعلان ترا بس حركته وايد بايخه
يعني انت مالك شغل بالطلبه الآخرين
الحين الي عليك يا ديكاتي تشد حيلك وتروح تبط هالإمتحانين وتريح بالك
والدكتوره ثارت على طالب اليوم بشكل مو طبيعي الي انا خفت منها
احس هالمحاضرة عفست الموود كله
عموما بالربع خل اروح ادرسلي كلمتين
هالأيام صاير ماكو وقت كلش
واعذروني اذا ما قمت اكتب وايد
2 comments:
لوووول
ذكرتنا بأيام الجامعة
!!
الله يوفقك
جان فلعته بشي جنك ماتدري خخ
بس صج اكره شي امتحانين بيوم واحد عذاب :s
بس اشوه مرحله وعدت على خيير
موفق
Post a Comment