مساء الليل
كيف الحال
ما يطييق الصبرة يا مله قلبن
نطول على اضاءة الشاشة
ممتاز
الرؤية ممتازة
الصوت ممتاز
ماخذين اماكنكم
كلاكيت رقم 1
اكشن
اشلونكم
طبعا اخيرا السينما الكويتية أضافوا صنف يديد بالقائمة المعهودة
السلاش المتعارف عليه
طبعا الي موجود نكهتين
ازرق واحمر وبالنص مخلوط
سعره نص دينار
حجمه عادي
قتله حطلي بقلاص البيبسي قال ما يصير
قتله انزين حطلي نصه احمر ونصه ازرق
قال ما يصير
انزين اشلون يعني ما ابي الي انتوا خالطينه
ابي نص ونص
خذيت الأحمر
ممم انا اسف بس مال الجمعية احلى
مال السينما وايد حالي ومركز حيل
ما كملته
الله يرحم ايام دبي
فروزن كوك
كان شي ماكو منه بصراحة
بس يالله
وهم دخلنا فلم ريو
RIO
والله الفلم حليو يعني
بس اعتقد حق يهال اكثر من ما اهوه حقنا
ماكو ضحك وايد مثل ما تعودنا بالنوعيه هذي من الأفلام
وشائت الصدف اني اليوم نزلت لعبة
ANGRY BIRDS RIO EDITION
لوول نفس موضوع قصة الفلم
حلوه اللعبة
لما الحين ما جابلتها عدل
ولكن التغيير ممتاز
اعتقد مسوين الفلم حق اللعبة
مو اللعبة حق الفلم
ديكاتي صبح صبح
وانتوا بعد صبحون على خير
3 comments:
من صجك دوكاتي !!
فيلم ريو واااااايد عجيب
احلى لقطة يوم قعد الببغاء ( بلو) مع الببغانة (البنت) وهذوليك يحاولون يضبطونه ويغنون علشانه يعني يسوون جو رومانسي
الفيلم اجواءه واغانيه الصرااااحة عجيب منعش ويرد الروح
Oyoon al maha
لا حرام عليج الاغاني كانت اقل من عادية
لوول ما خذاني الطرب
انا عجبني الفلم
و العبه اتونس
خلصت اول مرحلتين
"الايديت" اليديد راح ينزلونه شهر 5
Post a Comment