أكثر شخص يضحكني بالدنيا

مسا الخير

انا اليوم الأخ المؤدب الحلو الجميل

الي راح اودي بيتنا اعشيهم بره

وقلت دام السالفة جذي ما يحتاج اتغدى

لووول والحين متحقرص مو عارف اقعد

انا يا اكل عدل او ما اكل

تدرون منو اكثر شخص ممكن يضحكني بثواني معدوده

بدون جهد

بمجرد النظر اليه تضحك

فما بالكم اذا قام يسوي حركات

مشاعري لهذا الشخص شيئين

يا اني ميت عليه من الضحك

او انه يكسر خاطري

ما اذكر مره اني كرهته او استثقلته

دايما لابس بدلته الرسمية لجميع المناسبات

مستر بيين

Mr.Bean

من اروع الممثلين الكوميديين

ما يمديك تطالع ثواني من الحلقة الا تشووف نفسك تضحك

مو بس اضحك ساعات افصل من الضحك

تعابير الويه والله من تشوفها تضحك

بعض المقاطع الي لازم تشوفونها







مستر بين مهندس كهرباء

وقبل فترة كانوا دازين صورة بنته

ماشاء الله عليها جميلة

من زمان كانوا مطلعين عنه اشاعه انه توفى

ولكن مثل هالشخصية اذا مات العالم كله راح يدري عنه

طبعا مستر بين توقف عن التمثيل

فقامت احدى الشركات بإنتاج مسلسل مستر بين انميشن او الكرتون

ولكن ما حقق النجاح الي كان يحققة الممثل نفسه

فعلا هذا هو الكوميديان

توافر النص الكوميدي والعنصر التمثيلي

ولا شرايكم


هههههه نكته والله