مساء الخير
وقرائك ملوا منك انا ادري
صاير ما اكتب انا ادري
وصاير مو مثل قبل انا ادري
ولكن ما زلت تاكل وايد انا ادري
وما زلت تحاول ترجع إلى امجادك انا ادري
لحظه خل اكل لقمه انا ادري
ههههههههههههههه
مشتاق لكم دودي
يعني مشتاق لكم كثير كثير
طبعا حاليا يمي صحن من البطيخ الخالص 38 قيراط
والساعه الآن السادسه مساءا حسب التوقيت المحلي لمدينة الرميثية
قاعد على طاولة الطعام حتى امارس طقوسي الخاصه
وانتهت المقدمه يا ديكاتي بس لا تمصخها
بس شوفوا صحن البطيخ قبل لا اخلص من المقدمه
يالله
طبعا الكل كان معاي لما قدمت على الرابطو
طبعا تم قبولي بناءا على رغبتي في شركة السينما الكويتية
معناته يا ديكاتي راح تداوم في شركة السينما
معناته راح تصير مشرف مثل الشباب الي نشوفهم بالسينما الي مغترين
المهم
طبعا طلع مكاني في احد المجمعات القريبه من بيتنا
مسافة الدرب يعني 10 دقايق بالضبط
دوامي 4 ساعات يتنوع ما بين الظهر والليل
طبعا الزامي بالدشداشه والغتره
انا قبل كنت متى ما طق في بالي البس غتره ابدع وانا البسها لإن يكون لي مزاج
اما الحين والله مليت وانا كل يوم البسها
صج ان الكل يقول اني احلى بالدشداشه والغتره
بس هم لابد من اظهار رشاقتنا شوي عاد
لووووووووول صل على النبي بس
والله احلى شي بالدشداشه انك تاكل وايد والدشداشه تخش الإنتفاخات
بس مشكلتها بسرعه تتوصخ
ولكن هانت
طبعا انا يسموني مشرف
اراقب السينما والكافتيريا او مثل ما نسميه بالإداره البوفيه
وطبعا اي واحد يبي يبدل تذاكر او عنده مشكله بالحجز
انا اكون المسؤول واسويله شغله
والشباب الي يتحرشون ولا يستهبلون اتصرف معاهم
بيني وبينكم الحين عرفت ليش ابوي كان يقولي حياة المجمعات كلها مشاكل
والله اشوف هوايل كل يوم
والله يا جماعه ان كل جم يوم تصير هوشه ودم وحالة
ولا الي سكران
ولا البنات الي ما ابي اقولكم شسوون مع الشباب داخل السينماا
راح اسوي موضوعين انشالله عن هالسوالف
طبعا من كثر ما صرت طول اليوم بالمجمع قمت اعرف المباحث الي موجودين
اي نعم اي نعم
المباحث موجودين بالمجمعات بشكل مدني ومحد يدري
وشوف عيني والله
وحتى لما يصيدون واحد ما يسوون ازعاج او يلفتون النظر
ياخذونه بهدووء وجنه الوضع عادي
شنو الحلو في دوامي هناك
اول شي النفيش شبعت منه
ثاني شي لما يقولك اي واحد مو محصله او تبيه روح هالمجمع بالويك اند وراح تشوفه
والله شفت وايد من الربع والأهل اهناك
ثالث شي
لوووووووووول راح احركم ادري
ادش اي فلم ابي واقعد اشوفه
فالحين صرت ادش الأفلام اشوف منهم شويه واذا عجبني اروحله مع الشباب
وفي افلام شفتها كلها لإن ما رحنالها
والله السينما وناسه
بس اعتقد الشغل بالصج متعب خصوصا لما يكون 8 ساعات
الملل يقتل اهناك
ولكن الحياة حلوه
اغلب الشباب الي اهناك من اخوانا البدون بس والله طيبين وخوش ناس
بسرعه خذيت عليهم وصرنا نتغشمر ونضحك ونسولف
انشالله يايلكم بأقرب وققت بالتفاصيل
------------------------------
عزيزتي الممثله
بصراحه لا تعليق
4 comments:
مرحبا .. عليك بالعاااافية ..
مطرح مايسري يمري ومطرح مايهدم يعمر ويبني هع ..
بالنسبة للمجمعات واللي يصير فيها .. صايرن الشباب مايطقون خبر للناس اللي حوالينهم .. وكلهم من فئة المراهقين ..
زين تسوي الوظيفة ابرك من الفرارة ..
^_^
مساء النور
وينك ياخوي ؟ اي والله من زمان عندك
اثاريك صاير بيزنس مان من ورانا :p
وناسة شغلك حلو ومو ممل يمكن يكون ممل لا كان على طول
يلا ناطرين سوالفك عن بلاوي المجمعات لوول
قواك الله =)
احس وناس بالسينما
و احلى شي تشوف الافلام
:)
اخييييييه ,, البوب كورن كراميل حاطينه لك بطشت و ببلاش و احنا مساكين ندفع اشي و شويات عشانه ;p
Post a Comment