صباح الضحى العوود

الويه متفخ

والعيون نعسانه

والراس يفتر

والجسم متكسر

والسبيل للإنتهاء من كل هذا انك تكتب بوست

ليش؟؟

لإن كتابة البوست راح تحرك عقلك وتصحصح تفكيرك

وهي بداية لتحريك العينين و اصابع اليدين مع بعض

وبهذا شوي شوي راح تحرك جسمك كله

والنصيحه بجمل على قولة خويتنا سبيس توون

عاد هالبوست ترا ما في شي مفيد بس مجرد اقرق واصحصح

هههههههههههههه

يعني الي عنده شغل ضروري لا يضيع وقته اهني

بعد نهاية الكورس الاول

في وحده من درجاتي ما عجبتني

والدكتور خوااره

ماكو لا امتحان قصير ولا مدتيرم

والبحث ما عطانه درجاته

والحضور و المشاركة ما عطانه درجاتهم

كله يقول بعدين بعدين وما شفنا شي لما الفاينل

ودخلت امتحان الفاينل وقدمت احسن تقديم

ولما ينزل الدرجات انصدم بدرجتي

وان حالي حال الي ما كان يداوم ولا يشارك و شاري البحث

في واحد كان كل اسبوعين يداوم محاضره وحده وماخذ
A

والي يداوم كل يوم وشغله نظيف ماعطي
B

وطبعا مو بس انا الي منزلني في اكثر من طالب

بس والله ما سكت عنه

تعال تعال يا اخ دكتور

احنا محترمينك طول الكورس ومقدرينك وعلى العين والراس

اتيي وانت دايخ ولا ما تدري شنو تقول ولسانك ثقيل وحركات ايدك ما ادري اشلون صايره

اعتقد فهمتوا شنو اقصد

كل هذا طوفناااه حقك

وفوق هذا كله قالها لنا

انا ما احط الإمتحان وحتى ما اصلحه

يعني الإمتحان الي سويناه كان بس منظر لا اكثر

ولكن هذا كله مو مبرر انك تظلم ناس لها الحق انها تاخذ الدرجه الي تستحقها

والله وبعد ما ارتفع ضغطي خلاص جان اطير عمادة الآداب

قلت حق المسؤوول هناك شنو وضعي

يمين يسار ومني ومناك

جان يقترح علي اقدم تظلم

التظلم حسب ما قالي

ان ورقة الإمتحان ياخذونها ويراجعها دكتورين من القسم

بعدها تنحط درجتك الي تستحقها

ولكن الدرجه غير قابله للنزول ولكنها ترتفع

علشان جذي انا تشجعت وكتبت التظلم وكل المعلومات المطلوبه

وراح يتم النظر بالتظلم بداية الفصل الأول

ونحن بالإنتظار يا دكتور

والله اذا تحسون انكم مظلومين وهذا شي عادي بجامعة الكويت

قدموا على تظلم ترا ما تخسرون شي

وبالنهاية قلت الي بخاطري

ولكن لازم احطلكم صوره فريش

اخذتها من المطبخ

من درج البطاط

وهي تمثل الحياة والإمتزاج بين النبات وعالم الحيوان

لوووووووووول انا شفيني على هالتشبيهات



لووول جمل دوده وفقمه

هههههههههههه

والآن ما عندنا غير ان السلام مسك الختام

اما رحة الستيك الي مسوينه مو صج

متى يطيح الغدا بس