مساكم الله بالخير
ديكاتي يكتب مبطل عين ومسكر االثانية
يا وييلييي
والله هاليوم شطولة
من الصبح مجابل هالقطوه
ما ادري شمدخلها عند الدريشة
بس طول اليوم هذا كله يهون جدام الوقت الي خذيته علشان احل مسألة رياضيات
لووول والله انا وين والرياضيات ووين
الي متابعيني من زمان يعرفون معاناتي مع الرياضيات وكلية العلوم
وا قلبي قلباه
اليوم كان اول امتحان
ودام ان يوم السبت خو العموم موقف سيارته داخل عند القاعات
طبعا د.عالية اعتقد انها حاطه االإمتحان بمزاج
لوووووول تعرفون الي انا قاعد احل واحس ان الأسئلة محطوطه على مزاج رااايق حده
لإن كان يبيلها تفكير ومزاج احلى بعد
اسئلة صح وخطأ حسيت ان امتحان فيزيا من كثر ما قريت السؤال اكثر من مره
انا اكتشفت ان الصح والخطأ ساعات يشكك بمعلوماتك لو ما كنت دارس عدل
والله هالإمتحان يا فوق فوق يا تحت تحت مااكو شي بالنص
لا والسالفة ان خلصت الإمتحان 12 وربع
ولكن من هالحزة لما الساعه 1 وانا احل مسألة رياضيات
المفروض انها بسيطة
بس يا ديكاتي انت وين وهالسالفة وين
واكسر حساباتي وها
واراجع ويطلع عندي خطأ
والسالفة الي ابيخ منها ان لما تبني المسألة على عملية ضرب خطأ
تعيد كل شغلك
دكتورة عالية راح تعانين مع ورقتي ادري
والله بس ما قصرت الدكتورة على هالكيك
اما كيكة الأوريو يا جماعه شي عجيب
صج كانت الكيكة بالوقت المناسب
لإن من كثر ما المسألة فرت مخي احس يبيلي شي حلو
اليوم راح انام نومه ما يعدها نومه
بس انشالله ما يسوون ازعاج اليهال
عالآخر دايخ
الا بقولكم
شرايكم بالعرض هذا يسوى؟
ترا بس اليوم هالعرض
والله جنه صار ارخص من الآيفون
ههههههههههه
والله ما يندرا بس عموما ما راح اشتريه
نشوفكم على خيرر
خووووووووووووخييييييييييييييييييييشششششششششششششش
8 comments:
بالتوفيق ان شالله
حلو إن الدكتورة يايبتلكم حلو، شكلها تحب طلبتها ومادتها، بس بالنسبة لي لو عندي امتحان ما راح أفكر أخذ حلو وأقوم من مكاني، لان بكون مشدود الأعصاب لحد ما أخلص الورقة واراجعها.. وبالنسبة للقطوة الظاهر تبي ظل وتبتعد عن الشمس الحارة لول
موووفق وان شاء الله الفل مارك XD
بس عجبني ان الدكتورة حاطتلكم حلو
وتصبح على خيييير :)
مو اهي اللي بتصلح الامتحان ..
العاده تصلحه عاليه اللي مادري شنو مسماه بالضبط..
هذي اي ماده مناهج؟
وموفق يارب..
انا كل ماضاق خلقي وبنص لوية الكلية, والاعصاب دشيت بلوق ديكاتي اغير جو, والمزاج يصير عال العال..,
موفق بامتحاناتك ويعطيك العافية على خفة طينتك ;P
احلى شي كب كيك شوقر اند سبايس هههههه
بالعافيه
وموفق :)
waay a7la shy lig6aiwa wa5ty wallah mskeena ga3da 3ind idereesha ittibarrad! lool
قلم ومساحة
لا عاد الي يسمعك قمنا
بس هذي تشجيع علشان تطلع من الإمتحان وتاكل ككاو وترتفع معنوياتك
هديل
اي خوش دكتورة حلوها حلو وانشالله درجاتها حلوه بعد هههههه
رورو الشخبوطه
اي مناهج بحث
والله ما ادري بس جني سمعتها قالت ان اهي الي تبي تصلحة وما يندرا
حتى لو ما صلحته على الأقل راح تراجعه
AMD
بعد راسي والله
المكان مكانكم وانشالله على طوول يكون دديكاتي مصدر سعادة لكم
احم احم حياوي ولدنا
هههههههه
شاي الضحى
اي بالضبط حده عجبني
JUST A BUNCH
اي حدها تدور البرد
ولا تشوفينهم لما كلهم قاعدين عند اعتبت الباب
الوالد كل يوم معصب منهم
هههه
Good luck in your exams XD
I love the cat :) I will take it inside if I were you!
Post a Comment