ورتبنا الغرفه من بعد 3 كورسات

مساء الخير

اشلونكم احبائي واعزائي وقرائي الي ماكو منهم

والله اكثر من شخص طلب مني اكتب بوست علشان نرفه عنهم وقت الإمتحانات

والله يوفقكم جميعا

والي ما خلصوا انشالله تخلصون

ويا حلاتي معطل صارلي 3 ايام

طبعا الواحد لما يعطل البيت ما يصدقون خبر

على طول يعطونك جدول المشاوير

والله وامس اطلع من الصبح واسوي مشاويرهم ولما الحين ما خلصت

امس بليل بعد مباراة المانيا الي كانت اكثر من رائعه

رجعت ونمت احلى نومه لدرجه اني حطيت تلفوني سايلنت كلش

مسكينه امي كانت تبي مني جم شغله الصبح بس ما رديت لإني نايم بعمق عشر قدم تحت المخده

قعدت تغديت وتنشطت

مع ان السمج الي مسوينه اليوم ما عجبني كلش

المهم

عاد ديكاتي قعد يفكر


ممممممم

يبيلة نعدل الغرفة

اخر مره شلت اوراقي ودثرتي من 3 كورسات

يعني الحالة حدها كانت مزرية

والله ابلش بالغرفه من الساعه 2 ونص

ما خلصت الا الساعه 6

وايييييييييييييلااااااااااه واااااااااااااااااااايلاااااااااااااااااااااااه

صج تعبت

بس الله يعطيني العافية

والله الدار الحين تفتح النفس

قبل كل مكان اوراق وحالة ودثرة

اما الحين عدلت كل شي

الله يعطيها العافية بيبي شغالتنا ساعدتني بالموضوع وعطتني افكار

انا فيني طبع ان اوراق كل ماده ايمعهم واحطهم بالمكتبة مالتي

وبناءا على اني من 3 كورسات مو مسوي ولا معدل

فالحين طلع معاي وايد اوراق وكتب

ولكن كل شي تحت السيطره وانا بو ديكاتي

لا وانا اعدل اوراق لقيت بين اوراق الجامعة هالإعلان

ديكاتي ببساطه انت ما منك فايده

تكفه اعلان بيتزاهت شيايبه بين اوراق الجامعه

يالله شنسوي بعد هذا النصيب

ولقيت فنيله حدها صغيره ما ادري حق شنو شريتها والله

وما ادرري اذا كنت كاتب عنها ولا لا من قبل بس لقيتها

جان ارتبها واعدلها واحطها بالكبت مع ملابس

لووووووووول مشروع تي شيرت حق ولدي انشالله

واهني الأوراق الي شققتهم لإن فيهم كلام ما ابي احد يقراه ومعلومات مو لازم احد يطلع عليها

واهني اوراق ودثره ما ابيها

وبعدين شلت كل شي وكنسنا ونظفنا ورتبنا

والحين منشكح بفراشي

مجابل لابي

اكتب بوستي

واضحك مع قرائي

واكل سنيكرزي لأني بذلت جهد كبير

وراح انطر تصير الساعه 9 علشان اشتري العشا حق البيت

ومن بعدها انطلق إلى بيت خالي علشان اشوف مباراة ايطاليا

وهذاهو الموج الأزرق لا تطب البحر تغرق

هالله هالله شوفوا ماشالله

انت محبوب يا ديكاتي وفوز بتفوز

احنا غيرك ما نعششق

لووووووووووول فصلت

اشوفكم على خير ربعي وربيعاتي