احم مرحبا
اكسكيوز ماي انقلش يا الربع
لوووول
ادري صاير ما امر على مدوناتكم ولكن لكل حجه ظروفها
ما ادري شكو بس يالله مشوها
:)
تذكرون في موضوع سابق قتلكم عن البحث هل تاخذونه من مكتبة او تسوونه
طبعا اكثر الردود قالوا انهم يسوونه احسن
والأسباب معروفه
انا هالكورس عندي ماده عليها بحث
والقروب الي طحت معاه 5 وانا سادسهم
من اول شي اتفقوا الحبايب انهم ياخذونه من مكتبة
ولما قتلهم خل نسويه احنا ما عجبهم الوضع
اييييييييه يالله صوتك ما وصل يا ديكاتي
المهم
وصار اليوم الموعوود
قمت الصبح مبجر لإني مو محضر ولا شي حق البحث وبصراحه ما قريته لإنه ما ينفهم
قمت قريت كلمتين الي المفروض اقولهم وطلعت
وانا بالطريج ماشي بحالي يا زيني
الحبيب الي جدامي كييييييييييييع طق بريك انا انتبهت بس حسيت اني ما راح الحق فشوي دنيت على حارة الأمان
جدام الشرطي واقف ويأشرلي اوقف اوقف
انا ها اوقف ولا اطنش فيه
المهم وقفت
كالعاده الكلمه المعهوده الإجازه والدفتر
عطيته راح وطول وانا بروحي متأخر وراي برزنتيشن والحبيب يتمخطر
يالي وعطاني المخالفه شرحتله الوضع جان يقولي مو مشكله وقع
قتله اي يالله بوقع اخاف تتصيد علي وتقولي ليش مو رابط الحزام
خذيت مخالفتي وحركت
المخالفه والبحثشسويله بعد
صج فال بايخ عالصبح
وصلت الكلية واسرع سريع انزل ورحت القاعه
الشباب واقفين ها يالله دخلنا يا جماعه
الإتفاق كان ان كل 3 يوقفون مع بعض علشان محد يضل بروحه
طبعا الموضوع نظري حيل
فالشباب كان بس يقرون الي جدامهم بدون اي تفاعل
ولا تشوفون الكلاس الي حاط ايده على خده والي كلش النومه قضت عليه
طبعا الدكتور زهق على الآخر
قمنا انا والثلاثه الي معاي طبعا انا اخر واحد
وصل دوري والمفروض ان الي يمي واقفين انا ما مداني قريت سطرين ما لقيت احد يمي
وييييييييييه صاار حر توهقت جان اقط بدليه انا شسويييييييييييييت
واحد منهم حس فيني جان ايي يوقف يمي
خلصت الي عندي جان امسك الموضوع من اول واعطيه كلام بالعاميه وقتلهم الموضوع نظري جدا ما راح تقدرون تفهمونه بسهوله يعني ترقيع للموضوع
خلصت جان اقول في اسأله طبعا البنات خاموش
جان واحد يطمر من وره اي عندي سؤال
سأل خلص انا ييت بجاوب جان الي يمي يقول خله انا اجاوبه
رفيجي قاله احنا ما تناولنا هالنقطه بالبحث وجذي
جان ادش عرض واجاوب على سؤاله
جان يقولي عندي بعد سؤال
ويسأل وجاويته وسؤال ثالث وهم جاويته الدكتور قاعد يطالعني اشلون ارد بإسلوب علمي بحت الي حسيت اني انا الي مسوي البحث صج
يوم خلص اسألته جان اقوله ادري صدمتك
ولا عموم الكلاس يضحكون هيهيهيههي
قلت يالله زين لطفنا الجو شويه
على قولة القروب الي معاي والله ختامها مسك يا ديكاتي انقذتنا
احم احم وانا اخذت موقف البطل اهني
بوريكم صور سريعه عن البحث
علشان تشوفون انه صج شغل اي شي
طبعا بين كل سطر وسطر حاطين سطر فاضي
والخط 16
غصب يبي يترس الأوراق
لا والرسمه الي حاطينها ما ادري اشلون تنفهم وما ادري مالت شنو
بس المهم كل شي طاف على خير
عسى بس الدكتور ما يكسر فينا
:)
12 comments:
وشنو سبب المخالفة ؟؟
دايخ الأخ يمكن
:/
والبحث مادري الخربوطة
توني ياية بقول وايد صغير الخط
ههههه
ولا بس عشان يملون الورقة
عاد هالدوريات اللهم يكافي مادري من وين يطلعون لك
بحثك كذا مرااا عجييب ;p
اي عادي الدوريات بس يبون يتصيدون
انا بدوار حولي مخالفيني على الحزام معنى الدوار صغير والشرطي الله ياخذه وقتها كان محنج الظاهر إلا يخلص دفتر المخالفات وله ناذر مادري عنه عاد
احلى يا هيرو .... زين رقعت و غطيت خرابيط بحثكم مادري بحث المكتبه لوول
موفق يارب..
دايما شغل المكاتب خرطي..
احنا نودي لهم بس مجرد يطلعونهم يخورون وينسون فقرات ويحذفون كلمات غير البدليات..
عشان تربط الحزام مره ثانيه
@@
ما عليه شرطتنا مرات تحكهم ايدهم ودهم يخالفون
;p
اكره شي عندي برسنتيشن
اول كورس لي بالجامعه
كنا كل يوم كل يوم برسنتيشن
@@
فيني فووووبيا
:(
زين يسوي فيك الشرطي
علشان تتعلم مرة ثانية
وتمشي على القانون :P
يا كره البحوث و البريزينتيشنز
متى راح تتخرج وتفتك؟
واااي مخالفه و عندك برزنتيشن
بس زين ان ختامها مسك :D
تعالي سو البرزنتيشن يوم اثلاثا بدالي :p
لووول
اي والله انت ال"هيرو" انقذت ربعك صح !
لول
بس شالاحباط من بداية الدوام مخالفة ؟
ليش مخالفينك ؟؟
شكلهم القروب الي معاك مو شي ومالهم خلق الشغل
حياتي هدف مو عبث
ماكو سبب بس حطها على انها السير على كتف الطريق
لووول الخط صغيير حرامون عليكوم
المباركية
اي والله اي والله
3beedo
انت كله متخاف من عرفتك
مو منك من كثر ما تحوس ما تقعد راحه
لوول ترا قاعد اضجك بس
:)
msha3erha
لوول اي والله على قولتج لو ما الترقيع جان احنا بالنازل
رورو الشخبوطه
لووول اشوه انج مجربه شغل المكتبات
والله ما منه فايده
shlalat
يندم اذا طاف عليه يوم وما خالف احد ما يقدر
:)
اول كورس بالنسبه لي كان فلم هندي
بانوراما
اشوه اني شارح السالفه ومبين اني مو غلطان
والله شكلك شفت الصوره وحطيت تعليق على طول
اقرا ترا ما ياخذ من تايمك
bloggarista
ايييه يالتخرج
بعد باقي سنتين
malak
لول جم بنيه جدامي وخفت هالمره كلاس كله بنات لاااع صعبه
:)
hashimoto
لووول اي شفت اشلون فال مليق عالصبح
makintosh
على قولة عمي الشرطي اني قاعد اسير على كتف الطريق
:)
حدع مالهم خلق يشتغلون
بس شنقول بعد
Post a Comment