اليوم موضوع باط جبدي من فترة
فقلت دام ان مزاجي اكتب هالأيام خل اطرحه وتشاركوني فيه
كلنا نشوف راعي الزي الأصفر كل يوم الصبح واحنا طالعين من البيت نبي نركب سياييرنا
تشوفونه مسكين قاعد يخم وينظف
ولكن
الحبيب اكيد عارفين لعبته
انا خل اقولكم الي قاعد اشوف هاليومين
اول شي هالصوره
هذا الحبيب الي مداوم بفريجنا
الأخ بو الأصفر شسوي
يكون ماشي بحال سبيله بين البيوت على مود ان قاعد ينظف
انا اطلع اسوي ثلاث جكات
جكات يايه من جكجكه يعني الصوت الي يطلع لما تبطل او تسكر شي
اول شي جكت باب البيت جك انا فتحت الباب وطلعت وسكرت الباب
اهني اهوه الأصفراني سمع النداء الأول فيبلش بالإستداره فوق تحت
الجكه الثانيه اهي فتحت باب السياره وسكرته
اهني الحبيب كمل الإستدارة وبالطريق إلى موقف سيارتي لإن انا اعتقد وبحسن نية مني ان في وصخ يم سيارتي ونسا ينظفه فالحين راجع لي
الجكة الثالثه لما اشغل السياره
اهني صاحبنا يبلش بالجري السريع
انا انزل راسي اكون قاعد احط اغراضي واشغل التكيف وما إلى ذلك
في هذه اللحظه ارفع راسي ولا الحبيب واقف يم جامت سيارتي
انا اهني حالتين يا ان اخترع لإن الحبيب فاجئني وما ادري من وين طلع
او اذا كنت للحين بتأثير النومه
فأطالعه بنظره هادئه جدا
وطبعا اول ما يشوفك يرفع ايده ويقول السلاااااااااااام عليكككككككككككككم
ايييه انا ارد السلام واشوفه للحين واقف
انزين انت سلمت خلاص واقف ناطرني حق شنو يعني شنو المطلوب اكثر من السلام
طبعا كلكم عارفين شنو يبي
الحين انتقل إلى الصورة الثانية
وللحين ما زلنا بصاحب اللباس الأصفر
هذا الطيب يوقف عند اشاره كل يوم امر عليها انا بطريجي للدوام
هذا سالفته سالفة
هذا ولدنا تقنيته حديثه جدا ما شفت منها
اشلووووووون يا ديكاتي
هذا مبرمج طال عمركم
اذا صارت الإشاره خضرة يوقف مكانه
ما يسوي شي كلش بس يطالع السيايير
واذا صارت الإشارة حمرة ينظف ويخم على طول الشارع والسيايير واقفه
وعند كل سيارة عنده برمجة السلاااااااااااام عليككككككم
يعني على اقل تقدير 10 سيارات واقفين يم الرصيف اهوه يسلم عشر مرات
وطبعا أيضا الهدف معروف
خلص الموضوع
النقظه الي ابيها انا
هل صارت كلمة السلام عليكم هدفها استغلالي هالكثر
يعني انت اتيي تسلم علشان يمكن اعطيك شي
انزين
هل اذا ما سلمت علي ما راح اعطيك مثلا؟
في شي اسمه نية مثلا انا اقول اليوم بطلع صدقه عن عمري او دفعة بلا او شي من هذا القبيل
على طول من اشوف واحد سواء سلم او لا راح اعطيه
فليش صاروا يستخدمون السلام عليكم و حاطين في بالهم انهم لو سووا جذي الشخص راح يعطيه شي
الموقف الي صار
في احد الإخوان يسولفلي
يقول ذاك اليوم بالدوام مريت صوب غرفة العمال
يقول واسمع واحد من الجنسيات المزعومه يسولف حق واحد مصري
يقوله الكويتيين ميانين او فيهم شي انا امر عليهم اسلم اهمه يعطوني فلوس
بصراحه هذا مو ويه نعمه ويمكن احنا علمناهم على هالشغله ما ادري بس انا مو مرتاح لها
انتوا اكيد مريتوا بالسالفه هذي
هل اذا سلم عليكم تعطونه شي ولا تكون على نيتكم ؟
فقلت دام ان مزاجي اكتب هالأيام خل اطرحه وتشاركوني فيه
كلنا نشوف راعي الزي الأصفر كل يوم الصبح واحنا طالعين من البيت نبي نركب سياييرنا
تشوفونه مسكين قاعد يخم وينظف
ولكن
الحبيب اكيد عارفين لعبته
انا خل اقولكم الي قاعد اشوف هاليومين
اول شي هالصوره
هذا الحبيب الي مداوم بفريجنا
الأخ بو الأصفر شسوي
يكون ماشي بحال سبيله بين البيوت على مود ان قاعد ينظف
انا اطلع اسوي ثلاث جكات
جكات يايه من جكجكه يعني الصوت الي يطلع لما تبطل او تسكر شي
اول شي جكت باب البيت جك انا فتحت الباب وطلعت وسكرت الباب
اهني اهوه الأصفراني سمع النداء الأول فيبلش بالإستداره فوق تحت
الجكه الثانيه اهي فتحت باب السياره وسكرته
اهني الحبيب كمل الإستدارة وبالطريق إلى موقف سيارتي لإن انا اعتقد وبحسن نية مني ان في وصخ يم سيارتي ونسا ينظفه فالحين راجع لي
الجكة الثالثه لما اشغل السياره
اهني صاحبنا يبلش بالجري السريع
انا انزل راسي اكون قاعد احط اغراضي واشغل التكيف وما إلى ذلك
في هذه اللحظه ارفع راسي ولا الحبيب واقف يم جامت سيارتي
انا اهني حالتين يا ان اخترع لإن الحبيب فاجئني وما ادري من وين طلع
او اذا كنت للحين بتأثير النومه
فأطالعه بنظره هادئه جدا
وطبعا اول ما يشوفك يرفع ايده ويقول السلاااااااااااام عليكككككككككككككم
ايييه انا ارد السلام واشوفه للحين واقف
انزين انت سلمت خلاص واقف ناطرني حق شنو يعني شنو المطلوب اكثر من السلام
طبعا كلكم عارفين شنو يبي
الحين انتقل إلى الصورة الثانية
وللحين ما زلنا بصاحب اللباس الأصفر
هذا الطيب يوقف عند اشاره كل يوم امر عليها انا بطريجي للدوام
هذا سالفته سالفة
هذا ولدنا تقنيته حديثه جدا ما شفت منها
اشلووووووون يا ديكاتي
هذا مبرمج طال عمركم
اذا صارت الإشاره خضرة يوقف مكانه
ما يسوي شي كلش بس يطالع السيايير
واذا صارت الإشارة حمرة ينظف ويخم على طول الشارع والسيايير واقفه
وعند كل سيارة عنده برمجة السلاااااااااااام عليككككككم
يعني على اقل تقدير 10 سيارات واقفين يم الرصيف اهوه يسلم عشر مرات
وطبعا أيضا الهدف معروف
خلص الموضوع
النقظه الي ابيها انا
هل صارت كلمة السلام عليكم هدفها استغلالي هالكثر
يعني انت اتيي تسلم علشان يمكن اعطيك شي
انزين
هل اذا ما سلمت علي ما راح اعطيك مثلا؟
في شي اسمه نية مثلا انا اقول اليوم بطلع صدقه عن عمري او دفعة بلا او شي من هذا القبيل
على طول من اشوف واحد سواء سلم او لا راح اعطيه
فليش صاروا يستخدمون السلام عليكم و حاطين في بالهم انهم لو سووا جذي الشخص راح يعطيه شي
الموقف الي صار
في احد الإخوان يسولفلي
يقول ذاك اليوم بالدوام مريت صوب غرفة العمال
يقول واسمع واحد من الجنسيات المزعومه يسولف حق واحد مصري
يقوله الكويتيين ميانين او فيهم شي انا امر عليهم اسلم اهمه يعطوني فلوس
بصراحه هذا مو ويه نعمه ويمكن احنا علمناهم على هالشغله ما ادري بس انا مو مرتاح لها
انتوا اكيد مريتوا بالسالفه هذي
هل اذا سلم عليكم تعطونه شي ولا تكون على نيتكم ؟
14 comments:
عالنييييييه اكييييييييييد
خوش بوست *
يكسرون الخاطر فأعطيهم سواء كنت ناوية أعطيه من الأول أو لأ
لأنه حرام الشركات ما تعطيهم معاشاتهم فمساكين شيسوون
=(
لازم لازم تروح مواقف ليلى جاليري اللي ورا و تشوف الأخ اللي مبدع هناك و الله اذا ما عطيته يزفك زفه و يصارخ جنك انت اللي تبي منه و الله ابداااااع
أنا اللي ينرفزني من قلب مال مواقف مارينا كرسنت, ما يخم و لا يشتغل و لا حتى يمثل انه يشتغل بس شغلته يقول حق الأوادم في مصفط فاضي و يعطونه فلوس
هذا أعتقد يحصل بالشهر مو أقل من 1000 دينار
سزلام عليكوم بابا
مو كلهم يكسرون الخاطر بعضهم يكون عندهم سوالف من تحت لي تحت
سواء سرقة او جريمة اغتصاب ووايد
توقعوا منهم اي شي
الصبح تشوفونه خمام وبليل يشتغل بمحل او مطعم عادي عادي فري كويت
يعطيك العافية
العزيز دوكاتى
ما الومك..بس خلنا نفر الكرسي و نقعد الصوب الثانى
انا دوامى 12 ساعة..الراتب 30 دينار..و كل الرسوم على
و وقت التجديد يبى الفيل منى 300 الى 500 دينار..يعنى ىخر السنة أطلع مطلوب
بديرتى عايلة على الاقل فيها 5 أشخاص معتمدة على..يعنى هالامية فلس ممكن توكل لها نفر هناك
يعنى انا عندى ثلاث حلول
1- أقول السلام عليكم يمكن أحد يعنى
2- اشتغل بصناعة اعادة التدوير و اجمع قواطي
3- ابوق او اسوى شى مو زين
تظل الطرارة..مع انها منظر مو حضارى احسن الموجود
لو بيدى..البس اللى كافلة البلسوت الاصفر يوم و اخليه يفتر عشان يعرف ان الله حق
و تقبل الاطالة:)
والله هذيله شوف
الناس علموهم على جذي لانه معروفين الكويتين اي واحد يسوي نفسه مسكين يعطفون عليه ويعطونه فلوس
وبعدين هذيله لو الشركه يعطونهم معاشهم كامل جان ماتوقع سوو جذي بس الحين حتى لو عطوهم المعاش كامل راح يسون نفس الشغله لانهم تعلمو عليهااا فلازم الحين واحد من المرشحين يسوي حمله انتخابيه عليهم :P
موضوعك مأرقني
في بنغالي من اللي تقول عنهم داق مسمار كل يوم الصبح عند باب الفرع اللي يم بيتنا
ماتقدر تدش او تطلع الا تمر يمه شطف
عطيته مره مرتين
خلاص حل عن سماي
تم له اكثر من سنتين على هالحاله
اخر شي كلمت ادارة الجمعيه تكلم البلديه او اللي اهو يوخرونه
وخر يوم يومين تالي رد وانا استسلمت للأمر الواقع
في اوادم ما يبين بعينها السنع مثل
هالإنسان ..
يعني جم مره يصادف امي تقولي طلعي صدقه عطيه دفعة بلا عنا .
مو حباً فيه !
بس الصدقه تجوز على جذي ناس
وإنما الاعمال بالنيات ,
وعلى نياتكم ترزقون
وشكرا :×
السلام عليكم
انا انصح انه اول ما تشوفون واحد من هالنوعية تهوشونله بالسيارة واذا تقدرون تدعمونه هم يكون احسن
فكر اب مركز قلب الدفاع Ducati
انا ماحب اعطيهم الا اذا انا ناوية. يعني اذا يه و سلم و انا ماكنت ناوية ما راح اعطيه.
اول كنت اعطيهم دايما بس قاموا يمسخونها.
فما قمت اعطيهم و الحين اللي بالجمعية اذا صفطت والا ياية بطلع يقرب يم سيارتي انا و لا جني شايفته ... ما يطول و يروح. بس انا لو معودتهم جان شيفكني.
مرة واحد بط جبدي حيييييييييييييييل
ما كان من الصفر كان هندي و لا بنغالي لبسه عادي، يه و قالي ابي دينارين عشان سيارته مادري شفيها ... المهم، كان ظهر و حدي خلاص تعبانة و رمضان قمت و ما حققت وايد معاه و عطيته دينارين. تدرون شسوه بعدين؟
راح و لا بالبال .. يتمشى جان يوقف فجأة عند البرادة و يشرب ماي.
انا اول شي ما استوعبت.
قاعدة انطره يروح حق السيارة. بس ما راح و انا اصلا حركت سيارتي و بشوف طريجي الحين و الاشارة جدامي حده زحمة ... بعدين استوعبت!ّ!!
شرب مااااي!!! برمضان!
يعني اشكره قاص علي قايل هذي صايمة ما راح تردني!
جبح ويه!
حقدت عليه والله!
استغفر الله!
بس حرام الظليمة شينة،
في واحد من الصفر ينّن، كلش مو من هالنوعية ابد. و صج مو جذب. شهور و يمكن سنين بعد و انا اشوفه يخم و ينظف من قلب و لا يسلم على هذا و ذاك كلش. هذا صج يستاهل . الناس اهي توقف و تناديه عشان تعطيه فلوس مو اهوه اللي ايي و يطلطل بوييهم!
عنده كرامة.
ما شاء الله عليه
والله ساعات اعطيهم وساعات لأ
يعني الشخص الي متعود على جذي تعرفه
و تشوفه اكثر من مره في نفس المكان و له طريقة معينه بالطراره يمكن اعطيه مره بس اذا تكرر الموقف لأ
اكيد محتاجين ورواتبهم ما تكفي
بس هذي مب حل.. كل يوم السلام عليكم و هات !!! الله يعين عبيده
اهما صج يكسرون الخاطر لانه معاشاتهم كلش بالارض واغلب الاوقات الشركات تكشت فيهم ماتعطيهم شي
بس خل اقولك سالفه واحد . عقب ما خلص شغله بالكويت وراح دوله ثانيه .. قايل حق ناس نعرفهم بهالدوله .. كويتي حمار قول سلام عليكم يعطي ربع
يعني هم يكسرون الخاطر وهم مو وي نعمه شنسوي
الحقيقه انا مفهمتش كل الكلام
لان اللهجه غير لكن اللى فهمته
زى اللى عندنا برده
ساعة الاشارة ما تحمر الاقى اللى يجى مش يقول السلام عليكم
لا بصراحه بيمسح ازاز العربيه
طبعا اديله اللى فيه النصيب
هما برده مساكين
بس الامريرجع لك
عاوز تدى اوكى
مش عاوز محدش هيلومك
تشرفت بزيارتكم
Post a Comment