good morning q8

صباحوووون عليكوووووووووم

تعرفون الحاله الي لو شنو انت تعبان بس تنام 4 ساعات وتقوم مصحصح

هاليومين هذا الي صاير معاي بس 4 ساعات واقوم

المهم

اشلونكم عساكم بخير على هالصبح

اي اي عيال الجامعات والمعاهد مقزرينها والي ربع المدارس والدوامات ماكلينها دوامات

تبون الصج عاد ودي ايي الدوام خلاص مليت

والله حياة بدون هدف قاعدين بس نفسفس فلوسنا

عاد مو خبركم صارلي يومين اقوم الصبح ويكون موودي فيني مطبخ

والله عاد امس واليوم ادش المطبخ اسويلي ريوق وهات يا ابداع

تدرون بعد النظام الغذائي يتطلب الوجبات كلمه كل يوم معناته لازم اتريق

امس كان الطبخه قديمه مسويها من قبل بس هالمره اكلت فواكه معاها

فراوله وتفاح اخضر وعليه عسل

حطيته بالفريزر على ما اكل اخلص الا يكون بارد والعسل يصير خفيف وطعم حده عجيييب

طبعا الحليب في دارسين وعسل بعد

البيض تررا مو محترق بس حاط عليه رشة زعتر

لووول يعني بسويه رول البيض جان اعفسها

اما اليوم قلت حده يبيله حلووم

قمت طلعتلي حلوم وسويته وضبطته وكل شي تحت السيطره

طبعا الصمونه المدوره اقتراح من احد الأضدقاء والله كانت حلوه

بس طبعا مالنا غنى عن الخبز مال قطعه 4

ايييي وعلشان النظام الغذائي

والسعرات الحراريه الدكتور قالي لازم اكل كورن فلكس معين

طبعا انا لأجل احافظ على جسمي قلت لازم ادفع الغالي والرخيص في سبيل الإراده وتحقيق هدفي

عاد واروح مركز سلطان واخك الرف كله

لووووووووووول انزين ليش مو ماخذ عربانه يعني

كااااااااك والله حتى وانا رايح حق الكاشير قاعد يطالعني وانا اطالعه واضحك

اشوه كنا رايحين الفير

لووووول طبعا هذا ما كان حقي كان حق عبيدو

اشكالنا عجيبه واحنا شايلين هذا كله ورايحين نحاسب

Salad Boutique

لووول

منو يقول رجع ديكاتي حق سوالفه

كل بوست لازم عن اكل

يالله شنسوي بعد هذا نصيبنا بالدنيا

طبعا الكل يدري اني ماشي بنظام غذائي منظم ورجيم قاسي

المتن يتعب يا ناس

عاد الجدول الي ماشي عليه كان من المقرر فيه اني امس اتعشى سلطة وبس

الكميه ما تهم اهم شي القيمه الغذائية

اويلااااااه عليك يا ديكاتي

اوكي المشكله اني مالي خلق اسوي سلطه و ثاني شي اهوه في سلطه بالثلاجه امي مسويتها حق غدانا اليوم

يعني لو كليتها كانت راح تشق حلجي ولوووووووووووول

عاد قاعد احوس بالبيت وواطالع مسلسل واخربط شوي

جان ايي في بالي محل سلطه قالي عنه مستر جوكلت من قبل

عاد كلمته جان يقولي كل شي وعطاني السايت و ارقامهم

والله دخلت السايت ولا شي مرتب جدا

هذا الموقع

والله وكل شي مبين فيه المنيو واالأسعار وطريقة الإتصال ومكانهم

المهم

والله قلت نحو الصحه والرشالقه لازم ما اخلف بالجدول ولازم اكل سلطه

قلت مبدئيا اختار شي معروف لإني اول مره اجرب اكل من عندهم

طلبت فتوش ولو ان كان في انواع واشكال من السلطات اضافه حق الوجبات والسندوتشات ومقبلات وحلو

يعني المحل مو حق سلطه بس

المهم اتصلت وقلت حق الإخت اني ابي فتوش قتلها شكثر يبيله على ما يوصل قالتلي ساعه

قتلها سلامتج والله جهزيلي الطلب وانا اخذه جان تقولي بعد نص ساعه

حلو الكلام

والله ونص ساعه وانطلق حق الي بالجابريه

صاير ورا نادي تشامبيون بالضبط

والله رحت المكان داخل المطعم صغير جدا 3 طاولات وبصراحه حسيته مو مريح

وبره اربع طاولات بس راهين

وطبعا ليش فلنتاين كان مضبطين المكان

الفتوش طلع 3.500 مبدئيا قلت اوكي يعني على هالسعر المفروض يكون شغلهم حلو ومضبوط

والله واعطيها عشره جان تردلي 5 والباجي كله خرده

لوووول حتى الخرده بقراطيسها

رجعت البيت وصورت العده

لا والله طلع شغلهم حلو

يعني الجيس مرتب وايد والشريطه الي عليه حركه حلوه

و المكونات داخل مرتبه والصوصات عليهم لزاق علشان ما يتحركون

لووول انا طمرت خوش مطبه بالجابريه قلت راحت السلطه بس لا والله مثبتينها بلزاق

قلت اول شي احط علبه وحده من الصووص واجرب

ولا طعمها حلو يازلي جددا

جان احط الثانيه واكل

شوي قلت لا ما ينفع جذي جان اروح اييب ملح وليمون وازيده

لووووووول اهني صار الطعم عجييييييييييييب حده

والله تجربه حلوه وما تحسفت كلش

واعتقد اني راح اطلب منه بالمرات اليايه في حال استدعى الرجيم اني اكل سلطات

--------------------------------

موقف سريع

بعد ما خلصت اكلت شلت العده بوديها المطبخ ولا على دخلة ابوي

المهم شاف الجيس بإيدي ولونه احمر واليوم عيد الحب هااااااااااا شالموضوع

جان يقولي شنو هذا

قتله تدري بعد عيد الحب ولزوم الشغل

شوي راح جان يرجع

عاد انا خليت الجيس يالمطبخ

ولا ايي الوالد يطالع شنو داخل جان يقولي الحين وعيد الحب وخاب عمرك اخر شي دازينلك سلطه

اشوفه يطلع الأغراض الي بالجيس جان اقول شفيك شتدور

يقولي ادور الكرت بشوف منو هالنحيسه الي دازتلك سلطه ومتعبه عمرها

جان اقول يعني لو في كرت مثلا بحطه بالجيس

لوووول احرجته وحياتكم

اي حب اي valentine day

صباح الخير

ههههههههههههه

لا صدقوني صدقوني مو جوي ولا من سوالفي عيد حب ما ادري شنو

لوووووول على قولت الوالد اي قصوا على عمركم حبني واحبك وسوالف بطالية

اليوم كالعاده النومه خربانه

اول ما قعدت بليل كلمت معاذ وقلنا نروح سينما


يعني مو مو فلم رومنسي ولا كوميدي ولا اكشن ولا شي من هذا القبيل

ونحجز فلم على قولة معاذ ان فلم رعب

لووول والله ونروح انا مع الحبيب

ههههههههه الناس الي طالعين مع حبايبهم(حبيباتهم)والي مع مرته والي مع اهله

ويروحون مطعم وايد خوش وقعده هاديه وموسيقى

اما احنا طالعين وضحك وفصله لا وبدال لا نسمع شي مثل الناس حاطين اغنية الجسمي وراشد غرق الغرقان اكثر

لووووووول شنو هالبؤس الي عايشين فيه انتوا

ونروح الأفنيوز والي ماسكه ورده حمره والي مبسوط واحنا يالله يالله بناكل نفيش كراميل

لووووووووووول

المهم

ونروح نشتري العده وكل شي وندش

اسم الفلم
carriers

ومن الحين اقولكم لا تدشونه

فلم سخيف وبايخ والرعب الي فيه مو شي

احس القصه مو ماخذه حقها لإنهم مو تاعبين عليه

والله اشوه اني كنت مستمتع بالنفيش

لا وصالة 8 بالافنيوز مو صج جنها صالة بيتنا

المهم والله ونطلع بعيد الحب يعني

ونروح الكافيه الشباب قاعدين وسوالف ونطلب العشى الشاعري والرومنسي

طلبنا من كنتاكي يعني كاشخين


الله يستر ما يحوشنا شي اليوم

لا وطلب وجبة بانيني الي اعلاناتها تارسه الشوارع

وبصراحه مالت عليهم لو طالب زنجر سوبريم احسنلي

مو حلوه وما فبها ولا لمسه ابداعيه

وهذي كانت مغامراتي بالساعات الأولى من عيد المصاخه

بدعه بدعه احم احم

لووووووووول

صباح الخير

اصبحنا واصبح الملك لله الواحد الأحد

لووول شكلي لوعت جبدكم يا قاعد من النوم او مو نايم

بس االوضع الي انا فيه الحين اني مو نايم

مشكله والله لما يكون النوم معفوس

اشوه ان دوامي تاريخ 21

من جم يوم دخل الوالد البيت من بعد من رجع من دوانيته الي عروقها بالماي

عاد الله يحفظه الوالد ماله شغل بالتكنولوجيا ولا الكمبيوترات

بس اول ما دخل قالي اذا طلعلك ان تسويي ابديت حق الوندوز لا تسويي ترا في مشكله

المهم قلت خل احاول اخذ من تفاصيل اكثر بس للأسف ما قدر يوصل المعلومه ولا انا قدرت افهم شي

المهم والله ورحت شغلت الاب جان تطلعلي مالت التحديث

قلت مالي خلق الحين خله بعدين

نفس الليله سألت الخبير الفني معاذ قالي يمكن ابوك قصده على الوندوز الي يكون مو اصلي

في حالة اذا سويتتله ابديت راح يوقف شغلك كله بعد مهله معينه

ولكن اليوم وانا قاعد معاه بالكافيه جان يقولي لا تسوي ابديت

قتله ليش

جان يقولي ان طلع في مشكله بالأبديت الأخير وان راح يخلي الجهاز يعلق حتى لو كان وندزك اصلي

هذا حق وندوز اكس بي يا جماعه

فقلت اخبركم اخواني

---------------------------------

الوالد مسويه البيت محمية طيور

والله انا قاعد بغرفتي ومسكر الباب و قاعد اسمع منوعات بالتلفون

وهم اسمع صوتهم واهمه يكاكون

كلهم جم بلبل وكاسكو

هذول الي داخل

الي بره معشر الدياي

ما ادري شكثر صار عددهم بس وايد

اناا اقول خل اقعد اقره جريدة اليوم ابرك دام ماكو شي

والمشكله اني الساعه9 لازم اروح بيت عمي

يالله الله يسهل

جمعة مباركه عليكم يا جماعه

اسعى يا ديكاتي

صباح المساء

هاللمره مو توني قاعد من النوم

هاللمره انا لما الحين مو نايم

ليش يا اخ ديكاتي ما نمت؟

علشان اودي امي الطبيب نشوف موضوع العصب الي ما ادري شسالفته

واتييكم السالفه

واصلت من امس وانا قاعد اطالع مسلسل ديكسنر لما يتلي امي وقالت هيا يا بني

لوووووول هيا يا بني ها؟!! اي خير انشالله

المهم والبس واتجهز وكل شي تمام وننطلق إلى الأميري

وصلنا 7 ونص يمكن طبعا ما لقينا موقف قتلها تنزل ورحت وقفت بعيد ورجعت

المهم عاد الحجيه دخلت وانا ناطر

تقريبا مدة الإنتظار كانت ساعتين بالوفى والتمام

قزرة فيهم على شيئين

اول شي على تويتر ومسنجر

وثاني شي على رفيجتي ساره

لوووووول هذي بنيه صغيره اسمها ساره مصاصتها يحلجها

والأم فلبينو

بس ماشالله عليها هالساره هذي شيطانه وعليها عيون الله يحفظها

تمنيت عيونها حق بنتي انشالله

والله وتقزر على هالموضوع

وطبعا تطلع هذي الي تنادي اسامي علشان يدشون على الدكتور

المهم وصل اسم واحد اسمه بارني

وتنادي اللحجيه بارني و بارني

يا بارني يا بارني

والله شقتنا الا شوي ما صارت هالبارني هذا

طبعا بما اني دايخ وتفكير فعتوهي تخيلت بارني الدينصور البنفسجي يدش من الباب ويقول انا وصل كاني كاني

لاحظو ان اللهجه كويتيه

ما عليكم ديكاتي فاصل ومواصل

خلصت ردينا البيت خذيت فلوس وطلعت بسيارتي

رحت المنطقه الحره بجدد اشتراكي من كيمز كلمتهم قالولي جدد بالنت يطلع عليك 66 ونص والسررعه من 256 تصير 512

قلت حلو والله واطلع واممر كندا دراي اغسل السياره وارجع رميثيه

رحت الوطني اسوي ايداع حق الفلوس علشان ادفع بالنت حق الإشتراك

طبعا من الكثر العيله الي فيني وقليل من طفاقة المكينه

الحين المكينه سحبت الفلوس كلها

شوي

وبعد شوي

ولا تطلعلي عشره شاقتها نصين

والله مو شغله هذي

انزين ليش جذي سويتي انا شمسويلج يعني

وادخل داخل بدلتها ورديت سويتلها اييدااع

وانا الحين مننشكح بفراشي اكتب البوست وجددت الإشتراك

وبيني وبينكم يوعان لما النخاع

والحلو ان ماكو غدا بالبيت اليوم

يعني ديكاتي يطق اصبع

وخل اروح اصلي احسنلي

وبلا سوالف وايد

واترككم بحفظ الله ورعايته

بباي

مشاركة خارجيه افرحتني

مسا الخير

يوووبووووووووووووووي

توني قاعد من النوم طبعا

ما كليت شي لإن اصلا ماكو شي

مجابل ماكس واشوف افلام

الحياة هاليومين بدون هدف

لوووووووووووول

يا انا يابو هدف

من يومين وصلني ايميل من احدى المتابعات من السعوديه

لووووول ماشالله ديكاتي صار على المستوى الخليجي معروف

والله فرحتني

هههههههههه ترا السالفه عن اكل طبعا

تذكرون من قبل لما سويت ريوق

وهذا اللنك حق الي يبي يشوف الموضوع كامل



المهم عاد الإيميل الي دازته كان محاوله لعمل نفس الريوق الي انا مسويه

بس طبعا البنات عندهم لمساتهم الإبداعية الخاصه فيهم

لوووووول انا همي اني اكل

بس ماشالله شي لطيف منها انها تشاركنا

وهذي اكلتها الي سوتها


لووووول طبعا مقارتة بيني وبينها

الكميه تختلف حدها

اهي اضاقة الخبز المحمص

اما انا ما يبيله من عيال رميثيه اشكره من خباز قطعه 4

البيض عندي مستوي لما النخاع

اما اهي البيض مالها مو مستوي وايد وطبعا سمعت ان جذي يكون صحي اكثر

لوووووووووول يا ويلي عليك يا ديكاتي والله اني مبدع في نظامي الغذائي

وعموما بالنهايه اشكرها من قلبي على انها شاركتنا

وكانت كاتبه ملاحظه انها ما تدخل المطبخ خير شر

يعني احييها على هالشجاعه وانها دشت وسوت شي مفيد وحلو

لووول طلع ديكاتي له فايده اجتماعية بعد

يالله حلو حلو منها للأعلى للجميع انشالله

ابتسموا فالحياة ابتسامه

pizza 2 go

مسا الخير جميييع جماعه

الحين راح ابلش اكتب بس اخلص االجاي الي بإيدي


جاي بنكهة الخوخ من لبتون ترا جيد انصحكم فيه

يالله باقي اخر جقمة

وهووووبا توكلنا على الله

اشلونكم اصدقائي من كل بلاد الأرض

عساكم كلكم بخير

والله وبالله اشهد اني احبكم بالله لله

لوووول هذي الجمله من جم يوم كانو حاطين ملتقى ديني مال هلا فبراير

والشيخ الي قاعد يخطب قالها مليون مره ما ادري شفيه ناقصه حنان ما ادري شموضوعه

المهم

عاد اقولكم

لوووول ما ادري شفيني لما الحين مو قادر ادش على الموضوع

في اغنيه معلقه بممخي الي تقول يا قوو عينا يكلمني بنفسيه

يعني يمكن مو حلوه هل كثر بس طريقتها او لحنها يعلق بالمخ

المهم خلاص خلاص صارت

امس اغلب الجرايد يابت اعلان مطعم بيتزا

ببصراحه اول مره اسمع عنه

واذا ماني غلطان جني شفت فرع لهم كانوا قاعد يبنونه بحولي بعد نادي المعاقين بس مو متأكد

المهم

امس كانوا مسوين عرض حلو تشترين 2 بيتزا بسعر وحده

قلت دام السالفه جذي خل اطلب حق البيت واشوفه اشلونه

وهذا الإعلان

ورقمهم 22266555

طبعا احنا يمنا فرع قريب الي اهوه عند دوار الجوازات بعد المباحث الجنائيه

طبعا شغلههم وصل حار لا بأس فيه يعني بالنسبه حق برودت الجو امس

وحاطينه بجياس مع ان البيتزا ما تحتاج هالشي



طلبت 3 انواع

بيبروني

واللحوم المشكله

و بيتزا لحم مطويه


طبعا بالنسبه حق الصور الإضاءة ما كانت مساعدتني

ولا البيتزا شكلها وايد احلى من جذي

المهم

البيتزا المطويه فكرتها مبدئيا عجبتني بس كانوا يبيلهم يهتمون بالمكونات الي داخلها

يعني كان الزيتون اكثر من الازم والجبن توزيعته حدها عالسريع

بشكل عام لا بأس فيه

يعني راح اطلب منه لو اشتهيت اكل بيتزا بس راح يكون بابا جونز فوقه

لما اكلت خلصت حسيت اني ماكل من بيتزا هت يعني شبعت بسرعه بس مو منغث

بيتزا انن نفس طعم بيتزا هت بس ما يغث والبيتزا خفيفه و حلوه

والي له خاطر يقدر يجرب وبشكل عام عادي

وامس الموظف الي كلمني كان نفسيته وايد حلوه وارتحت له

------------------------------------------

طبعا لإني سهران امس واخترب السستم كله سهرت مع معاذ بره

والله ولما كنا نبي نرجع تغير المشروع بشكل لا ارادي و قررنا نروح نتريق

طبعا على هالبرد وجذي كان المشروع ان نروح فرسان المنتخب بحولي

لا تقولون ما تعرفونه

عليه فطاير يا ويييلي

والسبانخ مالته عجيبه

والله ما يهزنا رييح رحنا وطلبنا واكلنا احلى فطاير

والحلو ان الدنيا بدت تصبح عللينا والقمر كان موجود
وبالهنا والشفا

لوووووول جني مخربها كله قاعد اكل سوالف عجين

الله يستر من الوزن هالإسبوع

نينو nino

مساكم الله بالخير

اييييه توني قاعد من النوم ما ادري شسوي

عموما لما الحين قاعد بالبيت

وانا اطالع الصور بتلفوني ولا اشوف شكثر مطاعم رايح ومصور


عاد قلت دام ان ماكو شغل خل كل مره احط مطعم والصور واعلق عليه

مطعم نينو

ذاك اليوم رحت مع معاذ الي بالأفنيوز

ما ادري ليش وايد ناس يقولون ان نينو مكان القز مال قبل

يعني اشلون فرايديز قايم سوقه الحين

نينو كان قوي ومن هالسوالف

المهم

دخلنا والله

الغريب ان مكان غير المدخنين صغير حده ومكان المدخنين شكبره

اول مره اشوف مطعم عكس الأوادم


المهم دخلنا والله وقعدنا

ناهيكم عن الطاوله الي 15 ابنيه يمنا يا ربي شنو مزعجين

بس اشوه انهم راحوا قبل لا توصل وجبتي

اول شي السيرفس نوعا ما بطيئ شوي

وطبعا اول شي اييبون سله فيها انواع من الخبز او الصمون

عاد كلش مو حلو ما عجبني

يعني الخبز مال جوني كارينوز الي اييبونه اول شي وايد احلى

اي وحتى الجبن الي حاطينه ما حبيته

لوووووووووول طيحت حظ المطعم ولا لما الحين

لا لا ترا كان لابأس فيه يعني لا تاخذون فكره

المهم انا طلبت شي بس لا تقولون ليش رايح نينو وطالب جذي

طبعا المقبلات خذينا تشيلي فرايز

حده يكسر الخاطر والله

البطاط ضعيف وايد ما استمتعت وانا اكله

الطعم اوكي بس يعني حركة البطاط غبيه ومزعجه

وهم شويه مو وايد يعني

لووول الحين وجبتي

ههههههه ما ادري شنو هالمزاج بس كان اوكي يعني

طلبت بيتزا بيبروني

كانت جيده وانا فيني طبع اي بيتزا لازم اكسترا جبن مهما كان المطعم

والله حلوه اكلتها كلها ولما وصلت اخر قطعه جان اطق بريك

ومعاذ طلب دياي ويمدحه يقول حلو

طبعا البطاط الي بصحن معاذ حاطينه نحلف عليه

بالنهايه السعر معقول والأكل لا بأس فيه

واكتشفت بعد ما كتبت هالبوست اني بعدها بيوم كليت بيتزا مره ثانيه

الظاهر كنت فاصل على البيتزا ايامها

لووووول ونحطلكم الصوره

من بابا جونز لوول

ودمتم سالمين

هبة الدبلجة

مساكم الله بالخير

بوست سريع طياري

يعني راجع البيت اقعد مع الأهل لإن باجر بسافرون بس ما اشوف احد ملقيني ويه
العموم لاهي

المهم

عاد ااقولكم على سالفة هالدبلجه الي لوعت جبدي

دام اني قاعد بالصالة وحاط على احدى قنوات
mbc

المهم

يعني اول شي طلعتلنا سالفة الأفلام الهنديه الي مدبلجينها

لا والي يضحك ان الدبلجه باللهجه الكويتيه

يعني صج صج يضحكون

ما ادري هل ام بي سي لما فكروا يسوون هالسالفه هل شافوا راي الجمهور

يعني ممكن الجمهور يتقبل مثل هالتغيير

بصراحه مالها داعي يعني ترا كلش مو عيزان اقرا الترجمه

انا مشكلتي مو مع الدبلجه نفسها بس يعني لما اشوف فلم احب اسمع السيناريو بأصوات الممثلين الأصليه

مو حاطينلي جم واحد يسولفون مع بعض

يعني بالله اشواريا تقول حق الي معاها هاي بنات اشلونكم شخباركم مع مراعاة اللكنه الكويتيه

ترا والله والله مو راكب كلش

مو مشكله يبه افلام هنديه وطوفناها

بس لما تحطلي فلم اجنبي ليش الدبلجه

يعني من طلعة الأفلام الأمريكيه واحنا متعودين على الترجمه من ايااااااااااااااااااااام ما ادري منو

انزين ليش الحين بعد ما انتشر العلم والثقافه واغلب الناس قامت تعرف تقرا حطيتوا هالدبلجه

لا المشكله ان الترجمه مالت الأفلام الأجنبيه باللهجه اللبنانيه يعني كاشخين فيها عرفتوا

لووووووول بالفلم ايدي ميرفي يقول حق الي معاه بو شنب هذا

شووو لييه هيك عم تعمول

مو ناقص الا يقول يا عيب الشوم بعد

ولا يقول يبعتلك حمى

اقول اشلونكم انتوا زينين

اشوه اني بطلع بعد بروح اشوف فبلم محمد الهنيدي بالسينما

عاد هالممثل عادة يفطسني من الضحك و انشالله يكون موفقف بالفلم هذا

ولا شقال بو ميرفي تعيي بحكيلك ها

وا خزياااااااااه

عموما توني جربت اغير اللغه من الرسيفر نفسه وطلع اقدر احوله انجليزي اشوه

يعني الي مو عاجبته السالفه يحول انجليزي ويفك عمره

لووول ودمتم على الخير والمحبه محدثكم ديكاتي من الصالة الرئيسيه مجابلا التلفاز

خلصنا والأجر على الله - ديكاتي يكافئ نفسه

لوووووووووووول

هههههههههههههههه

كااااااااااااااااااااااااااااااك

نيهاهاهاهاهاهاهاهاها

ديكاتي فاصل

مساكم الله بالخير

او صبحكم الله بالخير

كل الطروف تؤدي إلى الفصله

ولكن الظرف الي حاشني قوي

اي اي بالضبط

خلصصصصصصصصصصصصصصصت امتحاااااانااااااااااااات

وووووههههووووووو

ما بغيت والله لاعت جبدي

شنو هذا ليش جذي هل كيف يحدث هذا

والله شي شي مو طبيعي

الحين الواحد يقدر يقول ان رجع حق حياته الطبيعية

ماكو قومه الصبح ماكو محاتات ماكو قلق

ولكن الي شاق ويهي ان في شوية ارق ما بعد الإمتحانات

بس مو مشكله اهم شي اني مرتاح نفسيا وجسديا وعقليا

طبعا حالت السياره بعد كل كورس معانااااة حدها

اوراق بكل مكان

لا تسألوني شنو موضوع قوطي الماي الي ورا

لوووول اي اي انا نظامي مو مرتب ترا

بس ترا الحين شلتهم خلاص هههههههه

عاد قلت دام اني مخلص امتحانات وكل شي ماشي تمام التمام

رجعت البيت من امتحاني وقعدت اسولف مع معاذ بالمسنجر

جان اقوله ياخوك ييبيله نروح نتغدا بالخفجي

طبعا الحبيب ما ردني يا بعد راسي

على طول وافق على الموضوع

والله وانام لما الساعه 3 قمت سبحت وخذيت فلوس سعوديه من الوالد والجواز

وهووووووووبا اذا به عبيدو يمرني ونروح حق معاذ

ومن عنده طلعنا

طبعا تخطيط سريع سريع جدا ما توقعت ان هالشي يضبط جذي

والله وننطلق والجو جميل ومعاذ كابتن الرحله وعبيدو الدي جي وانا مستمع و منشكح

واهني عدتنا واهم شي الجوازات
ودرب الرحله كان حده جميل وبديع

طبعا لما الحين احب الغيوم

وعاد والله خوش صور صورت اهناك


والله بذمتكم هالصور مو المفروض اشارك فيها بالمعارض

لوووووووول ترا كلها كامرة مالت التلفون

وصلنا الحدود و طفنا الجوازات على خير

وصلنا المطعم

خو الكباين مقسمه بشكل صغير حدها

يعني بالغصب شالتنا

لووووول عاد احجامنا زينه في نسبه وتناسب


المنيو تبع الطلبات

مطاعم القريه

عاد الخفجي صج قريه

و اول شي ينزل اللبن والدقوس

لووول الشباب لازم يسوون حركاتهم الفعتووهه


وتأتي المفاجأة الكبري

ههههههههههههههه

لحق ما تلحق الله وكيلك

ولو ان مو ذاك اليم يم

يعني حده عادي مافي شي زود بس اكلت عدل لإني فترة الإمتحانات كان نظامي الغذائي مو صحي

الي يسمعك الحين هذا صحي يعني

المهم

وبعد الاكل اتييك ذيج القهوه الزينه
طبعا مع القهوه لازم نحلي بشي

واتييك الكنافه الي صح استمتعت فيه

ولو اني مو ذاك الزود مع الكنافه بس هذي عجبتني


وبهذا يكون ديكاتي كافئ نفسه

والحمدلله على كلل حال

ولو ان في دكتور عطاني نتيجه ما توقعتها بس مو مشكله بطوفها حقه

لوووووول بطوفها حقه شقصدك اخ ديكاتي ها

وانشالله انتوا تخلصون على خير وتستمتعون وكل عام وانتوا بخير

محدثكم من عقر فراشه من على المخده ديكاتي ولد ام ديكاتي

فصلة ما قبل الإمتحان الأخير

صباح الخير

@@

مبقق عويناتي

امس حضرتي سهران مع الشباب و لإن اصلا ما فيني نومه

وقلت ما تسوى انام شويه واقعد تعبان و بجذي ما راح ادرس

فقررت اقلب النومه

وتم بحمد الله انقلاب النومه

وقعدت الساعه 7 المغرب

طبعا اهم شي كان حزتها اني اكل لإني 12 ساعه نايم

والله واكلت وعينت من الله خير

ودرست وبعدين حسيت تأُثير ال12 ساعه لازق بالجدار الدماغي مال راسي ويبيله شي يفجه

وجان اعطي نفسي بريك والبس واروح كاريبو واخذ ذييج القهوه الي خلت كياني وضميري ودماغي يصحون

قعدت شوي قريت وكليت حلو ورديت البيت

خلصت دراسه

وطبعا كما هو معروف البوست والكتابه والنت ما يحلى الا حزت الكديش

قلت الحين اجابل الابتوب شويه

علما بأن امتحاني الساعه8 الصبح

انشالله عاد اضل بالقوة والنشاط هذا حتى حينه

---------------------------

اما هالصوره لعبت بحسبتي

اهي ما ضحكتني شكليا ولكن داخليا خلتني اكركر من الضحك

يعني الصوره تعبر عن جمال الذوق والفن ايام قبل

لووووول الله يذكركم بالخير

يا جماعه ترا والله فيها سر هالصوره مو طبيعيه ترا كلش

فيها شي يدغدغ المشاعر

finals & bb

مساء الخير

بوست سريع

توني راجع من امتحان فاينل

اليوم كان اول يوم

وانشالله الأثنين عندي امتحانين بعد الله يعين ويسهل

احب لما ارجع من الإمتحان على طول اخذ شور بس الإخت الشغاله قاعد تغسل الحمام يعزكم الله

انا اول مره اشوف احد يغسل هالحزه

المشكله عندها حصانه بالبيت ما اقدر اقولها شي

قلت اكتب بوست على ما تخلص

في قديم الزمان في ايام الإمتحانات كانوا يحطون عند القاعه يرجى اغلاق الهاتف النقال

ولكن مع التطور العلمي والتكنولوجي والهبه الكويتيه تغير هذا المفهوم بعض الشيء وصار


لووول طبعا في فعتووه كاتب بعد البلاك بيري ونوكيا

ديربالكم ترا الهاتف اذا مفتوح يعتبر شروع بالقتل اقصد بالغش

تصدقون قاعد الاحظ نفسي ان حزة الإمتحانات كل شي يصير حلو

يعني اول شي التدوين احس الإمتحانات اهي الي ردتني حق المدونه

وثاني شغله السوني صرالي جم شهر مو مشغلها

بس صارت الإمتحانات صارت السوني حلوه

والله ما خليتها بخاطري ركبتها ولعبت شويه


<<لما يقول شويه يعني ساعتين وانت صاعد لا ولما ابي ادرس يعني بدش جو دراسه خلاص اروح اسويلي ليمون حار مع نعنع يا سلااااااااام


طبعا اقرا كلمتين واشرب جقمتين

لووووووول والله ما ادري اشلون راح تقزر هالإمتحانات

احم احم جنه الشغاله خلصت

يالله استأذن خل اروح اخذ شور يصحصحني مره ثانيه

نشوفكم على خير