مساء الخير
بوست سريع
توني راجع من امتحان فاينل
اليوم كان اول يوم
وانشالله الأثنين عندي امتحانين بعد الله يعين ويسهل
احب لما ارجع من الإمتحان على طول اخذ شور بس الإخت الشغاله قاعد تغسل الحمام يعزكم الله
انا اول مره اشوف احد يغسل هالحزه
المشكله عندها حصانه بالبيت ما اقدر اقولها شي
قلت اكتب بوست على ما تخلص
في قديم الزمان في ايام الإمتحانات كانوا يحطون عند القاعه يرجى اغلاق الهاتف النقال
ولكن مع التطور العلمي والتكنولوجي والهبه الكويتيه تغير هذا المفهوم بعض الشيء وصار
لووول طبعا في فعتووه كاتب بعد البلاك بيري ونوكيا
ديربالكم ترا الهاتف اذا مفتوح يعتبر شروع بالقتل اقصد بالغش
تصدقون قاعد الاحظ نفسي ان حزة الإمتحانات كل شي يصير حلو
يعني اول شي التدوين احس الإمتحانات اهي الي ردتني حق المدونه
وثاني شغله السوني صرالي جم شهر مو مشغلها
بس صارت الإمتحانات صارت السوني حلوه
والله ما خليتها بخاطري ركبتها ولعبت شويه
<<لما يقول شويه يعني ساعتين وانت صاعد لا ولما ابي ادرس يعني بدش جو دراسه خلاص اروح اسويلي ليمون حار مع نعنع يا سلااااااااام
طبعا اقرا كلمتين واشرب جقمتين
لووووووول والله ما ادري اشلون راح تقزر هالإمتحانات
احم احم جنه الشغاله خلصت
يالله استأذن خل اروح اخذ شور يصحصحني مره ثانيه
نشوفكم على خير
6 comments:
شنو الفرق بين الهاتف النقال والبلاك بيري او النوكيا
الي كاتب هالورقه مخه ضارب لوووول
حزة الامتحان كل شي يصير حلو
حتى تنظيف وترتيب يصير حلو
وكل شي يطري على بالي بس نخلص ننساهم ههههههه
موفق اخوي :)
good luck :)
موفق يا رب
:)
اهم شي النقال والبلاك بيري
يعني البلاك بيري يشتغل بواير مثلا ؟ :p
حتى البلاك بيري نقال لووول
وخل عنك السوني وهالخرابيط
جابل كتبك وعن الشطانه
اي والله صاج
كل شي يحلووو ههههههه
الله يوفقك ويسهلك ياارب
ولا تشغل البلاك بيري هاا ;P
كااااااااااااك
بلاك بيري ها
انزين ليش ما تحط سوني اريكسون
xP
=========
على طاري .. الشغلات تحلى ايام الامتحانات
لان الواحد يدور اي عذر عشان لا يدرس
لووول صدقني
شفت افلام متخلفة على معفنة على كل شي
يطلعون بالتلفزيون ايام هالامتحانات النكد
xD
========
nice post
وموفق بالامتحانات
=)
Post a Comment