مساكم الله بالخير

ومبارك عليكم الشهر

وتقبل الله صيامكم وقيامكم

لوول موضوعي اليوم ما فيه اكل

انا عقلت صرت خوش ولد انشاء الله

لووول اذكر رمضان الي طاف كنت ميننكم

بس رمضان هذا انا خوش ولد

والبوست اهداء حق خواتي

berooq8

و

dear romeo

لووول مناشبيني من زمان ما كتبت

و الاخت الثانية كل يوم تكتب بوست عن مطعم وتدزه حقي

لووول يعني انا ايماني قوي ماله داعي تختبريني

ههههههه

واييكم الموضوع الي يقولكم

نحن معشر الشباب

يعني اسم الله علينا دايما مرتبين

ومن كثر ما احنا مرتبين ما نحتاج ان نرتب غرفتنا كل يوم

الترتيب متأصل في دمنا

احم احم

الحمدلله على نعمة الترتيب

عاد ذاك اليوم قررت ارتب داري

يعني اهي صج مو عفسة بس لازم نرتبها

لما متى يعني

والله واطلع الي اكو والي ماكو وانفضها نفضة سنعه

الله يا اني طلعت بلاوي

الله يا اني كنت اخش البطاط عن اخواني ولقيته ومنتهي تاريخة

لووول الله يا طلعت صوري وانا صغير من تحت الكواليس

لووول صج والله ليش مصورين قبل ما يعرفون يصورون

احس مصوريني في بنيد القار والله

بس يالله الحمدلله

والله طلعت اشياء شخباري يعني

اول شي كرت بو ربع دينار مال كتكو

هههه تذكرونه

كانوا يحطونة داخل جيس البطاط

كان عندي منهم وايد والله

وعندي الماوس الاثري بو كره

ههه ايام كنت ابطلها انظف الكره علشان ما تعلق

ولا لما يكون مالي خلق اقحص بالكره

ولكن العجب العجاب

اكتشفت ان عندي عطور ماشاء الله

اشكال والوان

من مجاميعو والله

يعني انا ما احتاج اشتري عطور كلش ملش

وهذا غير الي ما فتحتهم لما الحين

هههه لما كنت بأمريكا شريتلي من ابروكرومبي

اشوه عندي وايد

والله التنظيم والترتيب زين

ولكن الحلو ان نستمر جزانا الله خير

هههه

نشوفكم على خير يالربع