ديكاتي و يوم لا ينسى

مسا الخير

قاطع صارلي فترة

ولكن مو ناسي

ولا متجاهل

ولكن الظروف كانت وايد اقوى

اليوم موضوعي مفاجآته راح تهزكم

اتوقع ان هالموضوع راح يكون اقوى شي راح اكتبه وماادري اذا راح يكون الأخير او لا

التصويت همني وايد وعرفت الناس الي تعزني

شكرا لكم

مادري من وين ابتدي الموضوع

راح ابتدي بمقدمات احسن

من فترة بدأت ببعض التغييرات

بديت التسنيع مثل ما يقولون

شريت

وحطيت وسويت

وحجزت

ودابجت

لوول لا تنصدمون ولا تفكرون
هذاا الي صار فعلا

ادري مو قاعد اعطي الكلام حقه

ولكن الصور تفيد اكثر

خصوصا بالوقت الحالي


المهم

قبل الحفلة بيوم

اتصلت على المصور

الفرقة

العطورات

الورد

الصالون

اكدت كل شي حق باجر

خلصت كل شي انشاء الله

نمت نص ساعه

قعدت

كل الي سويته قبل لا انام سحبته

وكنسلته

فجأة

وبلحظة وحده كل شي توقف

الله يعلم شنو كان بخاطري هاليوم

ما اخفي عليكم ان الدمعه كانت على طرف الطرف

انصدمت

كانت مجرد ساعات تفصلني عن هالشي

ولكن قدر الله وما شاء فعل

بمجرد حصول حالة الوفاة

تلقيت اتصالات من عمامي وكبار العائلة

التلفون ما سكت

ولكن الكل كان يطلب مني اني الغي كل شي

حفلة البنت لو كانت بتسويها كيفها

ولكن احنا ما راح نسوي شي

وعمي الكبير قال لو دخلت صالة الحريم اعتبر هذا اخر يوم بينا وبينك

سمعت كلام يعور وايد

منه كان يجرح

ولكن هم انا اعرف الاصول

لغيت الحفلة

اهل البنت ايضا لغوا الحفلة

كانت صدمة لكلينا

يوم غريب

ناهيكم عن الخسائر المادية

ولكن كان هدفي اني ما اخسر اهلي

ما خسرت احد

ثاني يوم كنت اول الناس في المقبرة

الله يشهد ان من نفس االليلة طلعت الحفلة من خاطري

ماا همتني

حتى دبلتي لما الحين ما لبستها

دشداشة الحفلة

وغترتي الي كنت مستانس عليها وشاريها بالشي الغالي

وملابسي اليديدة

لبستهم حق العزا

وانا اضحك طبعا

شنو الي خلاني اصير جذي

ما اانكر الموضوع كان صعب في بدايته

اعتقد حلو وايد ناس انهم يعيشون هاليوم

ولكن الله ما كتب

من تلقيت الخبر اتصلت وكنسلت كل الي اتفقت معاهم

كنت دافع عربون لكل منهم

احدى الفواتير ضاعة

دورت كل مكان ما لقيتها

ضاق خلقي لأن المبلغ كان كبير

حتى لو يرجعلي نصه ما كان عندي مانع

فقدت الامل خلاص راح

سبحان الله

ثاني يوم الصبح ركبت السيارة ولا اشوف الفاتورة الي ابيها جدامي ومفتوحه

الخيرة فيما اختاره الله

الناس تقولي يمكن كان راح يصير شي مو زين يومها

قول الحمدلله انها تكنسلت

والله يعوضنا خير

صرت صعيدي مجابل الجاي يومها

هذا الي كان مهدي اعصابي


ادري ابتلشتوا تعزوني ولا تباركون

ولكن هذه هي النهاية

دوكي كمل نص دينه

دمتم بحفظ الله ورعايته