فضفضة

مساء الخير

اولا شي مبروك للمنتخب

والله ورافعين راسنا يا منتخبنا

شربت قهوتي السوداء الأقحوانية

وقاعد بمكاني المفضل كاريبو كوفي

هدوء

العموم كان يطالع المباراة والحين مسيرات وقز

انا خوش ولد بعيد عن هالسوالف

شبكت النت خذيت جولتي على المدونات

فتحت مدونتي وقعدت اطالع وافكر

وافكر وافكر وافكر

جان اتمشى بين المواضيع الي كتبتها

اكتشفت شي

لا جد جد الحين حسيت فيكم

ترا مدونتي تخلي الواحد ايوووع

لووول والله مو غشمره يا جماعة

ما دريت اني مسوي كل هذا فيكم

ههههههههههه السموحة يا عيال العم

الشيطان ويحط صور اتيي بالصميم ما فيها مجال نفكر فيها

لووول

عاد اقولكم شي صارلي يومين شهيتي مسدودة عن الأكل

وايد اشياء ابي اكلها ولكن مالي خلق

لووول الي ماعطيني عين يعترف

هههههههه ناس يقولونلي هذي بداية الرجيم

بلاكم ما تدرون

انا اصوم اصوم ولكن لماا ايي اكل ارجع الي فات وفوقة زيادة

ولكن ما زلت بإنتظار هذه اللحظة

في موضوع مضيق خلقي

زبدة الموضوع

قروب فيه 6 اشخاص سلمت تقريري حق الي ماسك الشغل قبل الموعد ب 3 اسابيع

ولكن بسبب التأخير من قبلهم و يمكن عدم المسئولية

تم خصم 20 درجة من كل واحد فينا

قلبي يعورني عليها

20 درجة وايد والله وايد

لو اقدر اسحب المادة جان سحبتها من الحين

المشكله ان الدكتورة مريضة صارلها شهر مو مداومه

المعيدة راسها ياابس

والدكتور المناوبة عن دكتورتنا مهدده ان محد يسلم التقرير بروحه

لازم كل مجموعة اتييب التقرير كامل

انزين انا شنو ذنبي

انا سلمته لهم قبل الموعد بوايد

اهمه تأخروا بالتسليم شسوي بالله

الله كريم

ما زلت محبط نوعا ما

جامعة الكويت ناوين يجلطوني قبل ما اتخرج

ملاعب اليمن في اعلان بسكوت ابو ولد

هههههه عندي اخر علبة منه



والله ظريف هالبسكوت حق تنقنق

اما الحين بروح اسوي شي يرفع الموود مره ثانية

هالفترة زايد ارتباطي بالمدونه بشكل كبير

صرت من ابي اسولف او اقول شي فتحت الاب وكتبت الي بخاطري

علشان جذي لا تحسون اني ابي اكتب مني والطريج

اشوفكم على خير