صباح الخير والنفس الحلوه
صباح الورد والبرد اللطيف
صباح النور والشوارع بتسكر
صباح الياسمين والقمه الظريفه
صباحج خير يا كويتنا
اخيييييييه احييي فيني شعور الوطنيه والولاء
صبحكم الله بالخير جميعا فردا فردا
اليوم ومثل ما العموم يدري وعارف ان وصول رؤساء وملوك الدول الخليجيه
والله علشان اكون صريح جدا ترا انا مو مع ان يعطونا اجازه اليوم
ولكن دام ما تبون تعطونا اجازه المفروض تكون هناك خطه مروريه محكمه
بصراحه حد ام الوهقه
الحين يبون يكودونا نحن الشعب الموقر على جم شارع او دائري والباجي يسرونهم
احنا يوم البروفا ما وصلنا بيوتنا الا جريب العصر
يعني هل كيف يصير هذا
لووول احنا مع كل الشوارع والدوائر الي موجوده وهم مسوين زحمه
هل مره بتسوون سين وجيم
يالله شنقول بعد كلها جم يوم ما عليه
عموما ترا في خريطه حق الشوارع المفتوحه والسالكه
طبعا هين اذا كان في شي سالك بس هم يالله
انا كان بالود احطلكم لنك حق الخريطه بس النت الي اهني بالمره مو مساعدني
المهم
عاد انا شنو الي صار معاي اول شي نمت مبجر شحلالاتي والله
بس الموشي اني قعدت السااعه 4 وشي
صدووووووووووووووق
نام يا يمه شمقعدك
لا ماكو نوم
انزين شنسوي مني مناك
جك بوووم ولا معاذ بالقهوه
اها خوش خوش
والله وقلت دام اليوم مؤتمر وحاله
خل نطلع مبجر
بس ديكاتي شدعوه عليك مبجر طالع الساعه 5
المهم
والله واخذ وشور والبس
انزين ما بقى شي على الصلاة اشلون ما لون
والله وجان اقعد شويتين ويطق براسي ابي جاي
عاد امس متعشي يريش وونخي
يعنني البطن حد امه منتفخ
بس يعني ياي ابي اكشخ فيها من بعد اليريش والنخي وجان اسويلي جاي الإفطار الإنجليزي لووووووول
احسه مو راكب مع الي كليته امس بس يالله
على على هالأكل المفروض جاي كشري اخيييييه
المهم والله واصلي والحمدلله واطلع
الشوارع هاديه والأمور مستتبه
وطبعا لازم العده معانا من مسباح الي توني شاريه والجناط الي يشوفني يقول طالع كشته
علشان مو عبالكم كاشخ المسباح ب5 بس يعني بو طقه ههههههه
عاد اقولكم
والله وصلت صوب الجامعه
لووووووول يعني طالع فيها الطالب المجتهد
بس للأسف البوابه مسكره ولا كان بالود اجابل الحارس شويه على ما يصير حزة الدوام
لووووووووووول ماكو شغل صح
وجان اروح القهوه حق الأخ الظريف معاذ والحين قاعدين وسط الجو الحلو والهادي وماكو احد
والأن السؤال هل يصمد ديكاتي لما الدوام الساعه 9 ونص
ادعو الله العلي القدير ان يصبرني حتى موعد الدوام
والله يستر من طلعة بعد الدوام
والسلام عليكم ورحمة الله وبركاته
محدثكم من المنطجه الحره ديكاتي ولد ام ديكاتي دوت كوم
شبلاي فاصل عالصبح
وصباحكم خير مره ثانيه واسعد الله ايامنا وايامكم وعساه يوم مليئ بالعمل والإجتهاد والتفحيط والتقحيص اللاإرادي
5 comments:
اتوقع ان ديكاتي راح ينام بالمحاضرة لووول
ياااربي من الفير بالقهوة
حدكم مووو صج
احنا ردينا البيت
احلا شي ان مدرستي من المدارس اللي نزل فيها قرار تقصير الدوام لـ 11 : ))
يعني حرررة لووول
شنو اسم هالقهوة ووين صايرة بالتحديد ؟
وهل يوجد بها هبلي ببلي او ما يطلق عليه : شيشة ؟؟
أخيييييه عليك انت و معاذ قهوة الفير
لووووووووول حد الوناسه المكان فاضي
طبعا الزحمة حاشتنا الصبح و الحين الظهر راح تحوشنا اكثر بعد ما صكوا الشوارع... بس نصيحة هاليومين مالكم غير شارع الخليج العربي فااااااااضي
هالنومه الخايسه الييي ماحبها وعز الدوام اطق روس ليييييييييش
ماتدري :>
انا عن نفسي ماداوامت و حطيت راسي ونمت لووول
و المؤتمر احلا شي فيه زينوا الشوارع و عدلوها
Post a Comment