صباح ما كان بالحسبان

صباااااح الخير

صبااح الصيام

صباح الديكاتي

صباح الي انا فيني نص نومه لما الحين

صباح صباح صباح

كيف الحال

ترا حدي ما عندي شي

بس جذي فراغه لا شغل ولا مشغله

ولازم اقعد

طبعا انا مواصل حضرتي

المهم قلت يالله يا ديكاتي الحين بروح انام

انسدحت على فراشي وانا مجابل النت على ما ادوخ عدل

و اذا به

تلفوني رن آه آه تررن تررن ايوااااا

لوووووووووووول

فصلة الصبح عادي

المهم

واذا به ولد خالي

همممم شي جميل شي طيب

الو هلا ولد الخال سم طال عمرك

ولد الخال:ابي منك خدمه

ديكاتي: ما طلبت الا عزك أمر بس

ولد الخال: وحش بروحك ابيك تاخذني من المطار الساعه 10

ديكاتي: احم احم اها هيك السالفه خلاص تم تم

اها الحين ديكاتي شنو يفكر

اوكي انسى سالفة نومه طبعا لإن ماكو وقت انام

ثاني شي فكرت فيه اهوه البلعه

قلت ايي دام اني دايخ لعبتها اني اطلع مبجر

اروح اهناك تتريق وتقعد بأحد الكافيهات

وتدوره ذيج الامريكانو او اي قهوه تعدل المزاج

وتاخذ جيس جلي من السويت فاكتوري الي تحت

وتقعد تشوفف الي رايح والي راد

تقرا الجريده

تخلص

تاخذ ولد الخال وكضريبة ان مقعدني ويايبني المطار

اي نعم تعتبر ضريبه هذي

المهم

ارجعه بيتهم والضريبه اهي ان اتغدى عندهم يا سلااااااام

عاد هالطبخه الزينه

وحلاتها مجبوس بعد مع الدقوس و معبوج واشوية سلطه اخييييييه


وتحتمها بقلاااااااااص لبن افففففففف

لا لا شي مو طبيعي

قول تم هذي الخطه

ولكن

تذكرت وفطنت بعد هالتفكير الشيق ان احنا بشهر رمضان

وتكسرت مياديييفك يا ديكاتي

والحين اقعد وانت مسكر هالحلج وجابل التلفزيون

لما يصير الوقت المناسب وتطلع

:)

بس حسافة على الريوق والقهوه

ههههههههههههههههههه

صباحكم خير يا جماعه