بليل طلعت مع رفيجي بعدين ييت برجع البيت قلت ها اليوم الإمتحان مو شي ومالي خلق اقعد بالبييت
الساعه 11 جان ادق على
3beedo
لووول هذا الولد احسن ما فيه ان اي حزة ادق عليه اقوله خل نطلع ما عنده مشاكل
وهم احلى شي فيه ان يتكلم ويسولف يعني الطلعه معاه ما تمل منها
(اي شعليك عبيدو قمنا نرفع سوقك)
المهم والله خذاني ورحنا تمشينا على البحر
وعلى قولته ابو مخليه مواصل يجابل عمال في البيت يقول قاعد مع العمال وحاط لابتوبي يمي
والله كشخه العبد
والله تمشينا ونسولف لما يعنا جان يقول عبيد يالله خل نروح ماك
قتله اوكي واحنا ماشين جان اشوف كنتاكي قتله خنروح كنتاكي من زمان مو ماكل منه
.jpg)
تدرون بعد تسمم وما ادري شنو بس اشتهيته فرحنا والله وطلبنا وقعدنا ناكل بس حلقات البصل ماكان اوكي كلش الظاهر شغل تالي الليل ما يضبطونه
لوول خو انا وعبيدو اخر ناس بالمطعم العمال قاموا يطالعونا جنهم يقولون يالله طلعوا نبي نسكر
.jpg)
.jpg)
المهم طلعنا وهم اتمشينا على البحر بعدين رحنا عالم المانجو شربنا عصير
.jpg)
طبعا عبيد العصير العجيب ماله افوجادو مع حليب وعسل
لووول وبالقهوه يشرب شمام بدون ثلج والله طلباته غريبه هالولد
والله ما قصر طلعني من جو الكئابة والملاقة مالت الإمتحان
انا من اول ما شفته وانا قاعد اقول هذا خوش ولد
لوووووول ولا لمن عبيدو فصل الا يقط قوطي العصير بالزبالة شنو هالنظافه الي حلت عليه مره وحده
لووول ويطق فلشر بالشارع وينزل الدريشه وانا احذف القلاصات واحد دخل والثاني زادت قوة الحذفه جان يروح وره الزبالة
بعدين عاد رجعنا قطني على سيارتي ييت بنزل جان اقوله اكرمك الله بوحسين
لوول جان يقولي منو بوحسين والله من كثر ما انا دايخ نسيت اسمه
صج صج نسيته بس تذكرت والله فشله طالع معاه صارلي ساعتين واخر شي انسى اسمه
بس عادي نمون عليه لووول اي واحد ضايق خلقه بليل يدق على عبيدو ترا عادي
يستقبل طلبات 24/7
لووول
6 comments:
ما زودتنه برقم تلفونه هي هي
و في واحد كله بنام لووول
chocolate
لوول اذا تبي رقم تلفونه راسلني على الإيميل
لووول منو هذا الي كله بينا تعرفة؟
حليله والله خوش رفيج ..هذا ينطبق عليه مثل الصديق وقت الضيق والله لا يغير عليكم ويخليكم حق بعض ..ووفق ربي بالامتحانات
:)
بس عندي ملاحظة قد البلوطة على بلوقك ...لو تغير لون الخلفية تكو نمريحة أكثر للعين وقت القراءة..اللون الأسود متعب وشوي وأنت كيفك ولك حرية الاختيار ...وتقبل مروري وتعليقي وملاحظتي:)
om mod
والله كان في بالي من فترة اغير شكل البلوق بس بصراحه اذا بسوي شي لازم اسوي شي متعوب عليه ما ابي واحط وبس وانشالله التغييرات يايه
وحياج الله بالبلوق بلوقج :)
لووووووول بعد لو تحط رقم تلفوني مانام عيل كل واحد يدق من صوب ظايق خلقي :>
بس مستر جوكليت كل ما نبي اييي ويانه نايم نايم نايم
يالله عوافي عوافي:>
وحاضرين يا ديكاتيو ;)
3beedo
ما اقول الا على راسي يا العبد
Post a Comment