دام ان امس شفنا اللوية الي صارت على سالفة استقالة الحكومة والجرايد
من امس بليل حطت الأخبار ونبأ الإستقالة والمحللين السياسيين قام سوقهم والقنوات الفضائية الكويتية والغير كويتية انشرت الخبر وخو قناة العربية ما يبيله بعد اول وحده انشرت الخبر بعد قناة الوطن وطبعا القناة الأولى نايمه على عمرها بس الزين الي فيهم انهم الوحيدين الي نقلوا كلام بوخضور مباشر، وقناة الراي يقولون انهم اول قناة اذاعت الخبر في خبر عاجل، المهم انا ما علي من الكلام هذا كله انا قعدت افكر بالقضايا الي معلقة طبعا الكل شاف الجرايد يومها قالوا ال120 تأجل إلى وقت اخر، بليل استقالة الحكومه خوش شي ،انا مو هذا موضوعي انا ابي اتكلم عن ازالة الدواوين قبل كانوا يمشون ويهدمون بالتعديات واستغربت ان اول منطقة كانت جنوب السره انزين الحين حكومه ماميش وزراء ماميش يعني ازالة تعديات بشوفهم شنو راح يسوون هل راح يكملون او لأ لووول ،اليوم واحد من الربع يسولفلي يقولي باجر راح اييون عندنا يبون يشيلون الدوانية فقتله وانت شنو راح اتسوي يا بطل جان يقول بشخط فيهم واقولهم حكومه ماكو وزير ماكو وكل شي معلقينه يعني اخذوا شغلكم واتيسروا لووول طبعا انا بشوف ولدنا سبع ولا بس كلام والي جربها عفيه خل يقولي .
2 comments:
اول شي احب اشكرك على البوست .. و بالنسبه للازاله ما اعتقد انها راح توقف حسب تصريحاتهم بحكومه ولا بدونها . اشوه ماعندنا تعدي لول
حبر جاف
العفو اخوي لا اهو شي اكيد ماراح توقف بس صاحبي قال يبي يجرب والله حتى ما ادري شصار معاه
اي والله الحمدلله ما عندنا تعديات اللهم الجيران ماخذين مساحه جبال بيتهم ومسوينها حديقة بس ولا ماكو شي
Post a Comment