Pocket full of Sun Shine- Natasha Bedingfield

جمعه اكشنيه

انا اليوم منبطه جبدي

والله هذا الي قاعد يصير مو قبول نهائيا

انا بعرف بس هذي وين صارت وين استوت

السالفه وما فيها

ان انا امس رجعت من الدوام عطيتها نومه لما المغرب

قعدت رحت بكس بعدها القهوه بعدها خذيت الربع ودزيناه شارع المطاعم

بعدين تمشينا على البحر لإن الجو صج صج حلو

والناس قاعده بالحدايق والكل مستانس

رديت البيت على ال11

جابلت النت طالعت تلفزيون

رجعت فراشي نام نام يا صبي ماكو نوم

خذيت شور وقعدت احوس

طلعت رحت القهوه قعدت شويه حطيت فلم وقعدت اطالع اذن الفير

طلعت برجع البيت درجة الحراره كانت 22

والجو ماكو احلى منه

دخلت البيت قعدت بالحديقه شويه قرصتني باعوضه مالت عليها ما ادري شمقعدها هالحزه

احم احم انت الي شمقعدك مو اهي

المهم

دخلت البيت صليت وقعدت شويتين جان انام

القاعده الديكاتيه تقول

ديكاتي اذا نام او اذا صار يوعان محد يكلمه

ولكن وزارة الأشغال او شي جذي

مصخوها

وانا بعز نومتي واقدرها على الساعه 8 ونص

احس بهزه مو طبيعيه

والله والله يا جماعه تعرفون الي احس السرير قاعد يتحرك ويدور فيني بالغرفه

صج صج حسيت الي في شي غلط

بس من كثر ما النومه كانت طاغيه علي ما كنت مستوعب الموضوع

قعدت من النوم الساعه 11 وانا كنت نايم 5

يعني ما نمت وايد بس شكله فيها دور ثاني العصر

المهم طلعت من غرفتي

وين ابوي ولا الحبيب مسافر

يالله زين

متى بيرجع الليله معناته رايح يجيك على الحلال بالبحرين ويرجع

اوكي

قعدت اسوف مع اخوي الحلو

اقوله تصدق نومتي اليوم كان فيها شي غريب ما ادري شنو

يقولي والله انت الي ما تحس

اقوله ليش

يقول بره قاعد يحفرون جدام البيت كله من اول فريجنا لما اخر شي

قتله اها السالفه جذي

جان يقول اي ما تشوفني انا قاعد من الساعه 8

وهذي الصور

بالله ما حصلتوا الا يوم اليمعه يعني

يوم الي الواحد يرتاح فيه ومحد يقوم الصبح

يعني المفروض هالسوالف تصير بأيام الدوام

لإن السيايير كلها بره المواقف ويشتغلون على كيفهم

مو جذي خلونا نحرك سسياييرنا والحاله حاله

وخربوا نومتي وعفسوا المود

stupid t-shirt

اليوم بالدوام

وصلت مبجر وقعدت اسولف مع الشباب الي اعرفهم

عاد بنص السوالف لفتتني شغله

صاحبي حاط سكارف على فنيلته

عاد انا مو ملقوف كلش

فسألته تعال يا حجي شعندك حاط سكارف خو الجو بعده

قالي لا بس جذي

هاهاهاها

انا اهني شكيت بالموضوع

واحن عليه لما خلاني اشوف

لووول مسكين استحى لما فطست عليه من الضحك

يعني يا جماعه الواحد لما بيشتري فنيله ولا شي

خو اقرا شنو مكتوب عليها

شوف يمكن فيها رسمات مو مضبوطه شي

مو بس تاخذ وتمشي

لوووول ولا لما ساعات اشوف فنيله مكتوب عليها وايد حجي

اقعد اقرا اشوف شنو مكتوب

ونص الكلام ماله معنى

موضوع طياري سريع اسمحوا لنا

my new stuff

مساء الخير يا حلوين

لوول اشفيها ماما انيسه

اليوم قلت احط لكم على قولتهم

ماي نيو ستااف

يعني ماي نيو اغراض

طبعا عندكم خبر للمتابعيني

ان فتره انقطعت فتره مو طويله وايد

الي كانت نتيجه لخلل فني

لابتوبي اخترب وجذي فشريت واحد ثاني

طبعا مو مثل مواصفات الي قبله

بس وايد حلو ماشالله عليه

خذيت
asus Eee

صغير مجكنم حق النت وسوالف خفيفه

بس مو مثل الانواع الثانيه

هذا هاردسك 80 ورام ما ادري جم وبروسيسر اتوم

الي يكون صغير

يعني اهوه مو سريع وايد ولكن حق نت وايد زين

واحلى ما فيه ان صغير

----------------------------------------


ثاني شي

بعد ما تلفوني العزيز عطاكم عمره
لوول طبعا هذا نظيف وايد

الي عندي كان منتهي حتى الكفر مشلخ

شريته اول ما نزل وضليت استخدمه لما قبل جم بس خلاص حللته
خلاص يعني عمره الإفتراضي انتهى

على اخر ايام قام ما يطلع المكالمات الي ماا رديت عليها

وخو المسجات سالفه ثانيه

يوصل المسج ويدش الإنبوكس بدون لا احم ولا دستور

ولما افتح المسجات اتفاجئ ان في مسجات وصلت وانا ما ادري عنها

فقررت اني ابيعه

طبعا كانت حساباتي على ان جهاز مكسر وحالته مزريه اييب 5 او 10

بس توقعاتي غلط بعته ب20

هي هي هي

عاد بعدين كنت مقرر اخذ سوني اريكسون

ونظرا لإن الميزانيه ما كانت تسمح بشي جايد

فقلت اخذ شي عادي

اول شي عجبني

k810

كان حلو لا بأس فيه

وقلت خلاص باخذه ويوم اليي رحت اخذه ولا يسكر المحل فقلت باجر ارجعله

بالفتره هذي دخل علي شخص عزيييييز علي وايد وايد وايد

فقالي ليش ما تاخذ
k770


قتله انا اعرف اثنين عندهم منه وشكله عادي

بس بطريقة ما وسحرنيي بأفكاره خلاني اقرر اني اخذه

والله والله والله يا جماعه من استخدمته هالجم يوم

وانا اقول حق نفسي اشلون كنا نستخدم النوكيا وهالشي الزين موجود

يعني مواصفاته بالنسبه حق التلفونات اليديده حدها عاديه

بس عجبني وانتوا شايفين اخر موضوع اشلون الصور كانت بيرفكت

فمن اليوم ورايح سوني اريكسون بدون كلام خل النوكيا يستريح

وثنكس ثنكس وايد حق الي اقنعني اني اخذه ادعيله من كل قلبي

:)

احلى جو

طبعا هاليومين الكل عايش هالجو الأكثر من حلو

مع ان رطوبه بس والله راضي بالوضع وما عندي مشاكل ولا ان يصير حر وخيسه

طبعا بما ان الجو قام يتعدل والكل ملاحظ ان السما تصير فيها غيوم وايد

عاد انا من زمان عندي حب حق تصوير الغيوم بشكل مو طبيبعي

ومن زمان نزلت بوست حاط في صور مسويهم

واليوم راح احط حصيلة هاليومين :)

اول صوره لاعب فيها شويتين هي هي هي

واحلى شي لما المطر يطشطش عليك شويه وايد حلو

بس اذا سبحك مو حلو كلش

لووووول
يالله يالله خنطلع ملابس الشتى

تهقون ملابس السنه الي طافت للحين قدي

لوووووووول الله يستر

:)

---------------------------------------

من كثر ما شمسنا وصيفنا كل واحد يتحدى الثاني بالقوه

اللوحه الإلكترونيه هذي خرفت

هالصوره اليوم ماخذينها

لوووووووووول الظاهر من كثر الحر تعودت على انها تكون فوق ال50

مو قادره تستوعب ان الجو تعدل عندنا

لوول مو راضيه تطوف الموضوع على خير

طبعا الصوره من صاحبي ساد سمايل

وطبعا لازم يعطيني التوصيه بعد كل صوره اخذها منه

يعطيني الجمله المعهوده منذ الأزل

ديكاتي ترا حقوق الحفظ محفوظه

تم طال عمرك لووول

:)

إستهلت و أمطرت

صباح الخير عليكم

اليوم وكعادتي قعدت من الصبح قمه بالنشاط والحمدلله

قعدت على صوت ازعاج

ولا سبحان الله ماشاء الله

الدنيا مطر والجو حلو ويعني كانت خوش مطره كبدايه للموسم



عاد قلت يالله خل اطلع اتمشى شويه اشوف الوضع بالخارج

والله لبست وطلبت ريوق قلت على ما اتمشى وامر اخذ الريوق واروح حق يدتي

مو خبركم ريوقها مبجر يطيح

:)

انشالله هالشتا يكون خير علينا وانشالله المطر ينزل بكثره وغزاره

والله نبي نستانس شوي

ملينا رطوبه وحر وغبار

عاد وانا طالع الصبح بسكون وهدوء وذهن صافي

واذا به اشوفلكم هذا المقطع المعبر الي يشرح هالجو الجميل بعبارات

ما ادري اشلون اوصف لكم المنظر

ولكن شوفوا

:)

انا طلعت اتمشى واشوف الجو واروح اقعد مع يدتي تعبيرا عن استمتاعي بالجو

اما صاحبنا فيعبر عن استمتاعه بالجو جذي

والله صدق من قال الناس اجناس وكل من يرا الطبيعه والإستمتاع بها من منظوره الخاص

لوووووووول اشفيني على هالمصطلحات اليوم

عموما يسعد صباحكم وجمعه مباركه عليكم

shopping

مرحباااااااااااا يا جماعه

:)

لووووول ترا الي ماله خلق يقرا لا يكمل لإن ما عندي غير بلعه وتحلطم

الكلام حقج يا جاره

لووووووول معاذ مو انت ترا

ههههههههههههههههههههه

اليوم رحت مع جوكليت الأفنيوز قلنا نتمشى ونتسوق شويتين

لاحظو اني ما قلت نبلع

لإن البلعه شي اساسي معلوم سلفا ما يحتاج اذكره

اول شي دخلنا قلنا نروح هاجن

جوكليت قال يبي برد او ملك شيك

انا خنت حيلي فقير مسجين قلت ما ابي شبعان مكثر عالغدا

واحنا نشوف شنو اكو ما اكو ولا في واحد طالب براوني

لوووووووووووووووووووووووووووووول

لا اهني اختلفت الحسبه هذي فيها براوني وشكلها يغري

حتى من كثر ما شدني شكل البراوني الموظفه بروحها قالتلي هذي براوني

لووول يعني لاحظت على ويهي اني انبهرت فيها

جان اقولها يبه انا ابي براوني

اشوف جوكليت كان مخطط على ميلك شيك ولا برد غير مشروعه وحولها براوني معاي

ترا والله انا مالي شغل

المهم كانت حلوه لا بأس فيها بس في احلى منها طبعا

انا خابر الناس تتسوق وتتمشى بعدين تاكل وتطلع

احنا غير انا اكل اخلص بعدين امشي

المهم تمشينا ولا نشوف بنك الخليج اعتقد

لوووووول حاطين مثل بوكس في دنانير شكثرهم

خو شدعوه خليت الموظف

سألته هذول صجيين ولا لأ

طبعا مو صجيين

لو فلوس صجيه جان الليله تسمعون عن سطو مسلح على الأفنيوز

:)

ولا شقال قال انترنيييت

حسبي الله عليه مؤلف الكتاب دكتور والف مليون شهاده وبحث

والكتاب مقدمته مسكته

والحبيب مو عارف يكتب انترنت

عموما الله يخلي المثقفين الي عندنا بس

بيتزا اكسبرس

ورجعنا حق بوستات البلعه

وديكاتي لا يقف عن الأكل ماشالله عليه

بالعافيه علي اولا وآخرا

المهم

اليوم تجربة مطعم بيتزا اكسبرس

موجود بالمطار والأفنيوز

طبعا يمكن في اماكن ثانيه بس ما رحتلهم

المطعم هذا في شي عجيب خلاني على غير عادتي

اي قلتوا اشلون

اول شي هذا المطعم الوحيد الي جربته مره وما ترددت اني اروحله مره ثانيه بعدها بإسبوع يمكن

ثاني شي هذا المطعم الوحيد الي ما قدرت اطلع في شي مو حلو لإن كله على بعضه حلو

لووووول الحين في ناس يقولون اي اكيد ديكاتي كان يوعان علشان جذي استمتع بالأكل

اهوه صج انا كنت يوعان ولكن الي كلوا معاي شهدوا ان المطعم حلو

انا اول مره رحت مع عيال خالتي لإن واحد منهم يدرس بره ورجع الكويت فقلت نروح نتعشى بمكان حلو وجيد

ورحنا بيتزا اكسبرس لإني حزتها ما كنت مجربه وكان مشروع حلو

والله وطلبنا واستمتعنا بالأكل

المطعم نظامه تطلب بيتزا وحده ماكو احجام و الوحده فيها 4 قطع

وهم تقدرون تخلونها نص بنص

وخبز بالثوم مالهم وايد حلو عجبني بصراحه

وحتى الباستا جيده ولكن ما وصلت الى اني اقول عنها وايد حلوه ولكن جيده

وثاني مره لما رحت كان القروب ساحق جدا

كنت انا مع ساد صاحبي ومستر جوكليت وعنصر رابع لا يقل عنا بالقوه الأكليه

طبعا انا وساد قبلها قاعدين بقهوه وشاربين عصاير وما إلى ذلك

بعدها رحنا المطار وربعنا ما وصلوا فقعدنا تنمشى ونشوف الناس المسافره والي راجعه

بعدها صعدنا المطعم وصلوا الربع وبلش الفلم

لوووووووووووول صج كان فلم

اول شي طلبنا كل واحد فينا بيتزا وخبز بالثوم و انا وساد باستا وكل واحد طلب شي يشربه

اول شي وصل خبز بالثوم

طبعا اليوع كافر الموظف ما مداه راح ورجع الي كلنا مخلصين على خبز الثوم شال صحون الخبز وحط الباستا

راح ورجع انا وساد كنا للحين بالباستا وحط البيتزات يمنا

وطيحله بالبيتزا وصار اكشن وضحك وسوالف

خلصنا من البيتزا

عاد اهني ريحنا شويه جان اقرر اني ابي حلو

طبعا ساد معاي وجنه العيد يالله فوقه

جوكليت والثاني كانوا مترددين

ولكن هيهات جان افتح المنيو واقول حق ساد بصوت والله خوش جيز كيك وخوش جوكليت وما ادري شنو

لوووووووول جان الجماعه يقولون يالله فوقه انتوا مخربينها اليوم

وكلنا نطلب حلو

انا وساد خذينا جوكليت كيك مع كرة برد كانت حدها حدها يمي

بصراحه المطعم ما يتطوف كلش

وهذا الي ياخذ الطلبات مكيف علينا من كثر ما طلبنا

ما ضل شي بالمنيو وكل شوي رايح راجع علينا ها تبون شي ناقصكم شي

اخر شي بعد خلاص ما فينا حيل الحمدلله شبعنا

اهوه مو شبعنا بس ماكو شي بالمنيو كل شي كلينا منه

قلنا هات يا حساب

احم احم تقريبا 38

حتى محد له خلق يطلع خرده دنانير كل واحد طلع الي عنده وقطه وقال تصرفوا :)

لووووووول شماكلين شمسوين انتوا

الأمريكي ومرته الي ورانا كل واحد طلب شي واحد باستا وبيتزا وحده واحنا 4 طلبنا حق قبيله

:)

يقولون انا اخرب الي معاي صج تتوقعون ؟

ديكاتي والكساد الإقتصادي

طبعا نظرا للأزمة الإقتصاديه الي صايره بالعالم

والي طاحوا بالبورصه وراحوا الأميري دايركت

والبنوك مخبوصه

وصل تأثير هذا الكساد علي خنت حيلي

يعني بالمختصر هاليومين اسهمي نازله

تقولون ديكاتي شدخله بالموضوع

اهوه حده واحد يتحلطم وياكل وشطانه

بس انا افسرها لكم

هالإسبوع كان قمة التفليس

لوووووووووووول

اي نعم اعلنت افلاسي

هالإسبوع كنت اقتصادي لأبعد الحدود

حتى طلعات ماكو بس من الدوام للبيت والعكس

اليوم كان اخر يوم من التفليس وكان كالتالي

قمت الصبح بنشاطي ونباهتي (ركزوا على نباهتي يا جماعه)المهم

خذيت شور ولبست وكشخت طبعا كشخه عالطل

المهم

وركبت السياره وهذا كان الوضع اول ما شغلتها

فقعدت احوسبها ودام اني ماخذ احصاء وانا شاطر ماشالله علي

قمت احصي قطرات البانزين (لووول صج والله لا يكون نيوتن وانا ما ادري) شفت ان اقدر اروح الدوام بس بعدها يبيله خطه ثانيه

هل اوصل او لأ ها اشلون الحين زحمه بالمحطه

طبعا اهوه مو زحمه بس الدينارين الي كنت موفرهم حق اليوم الأسود ما ابي اصرفهم فقمت ارقع الموضوع

قلت انا خل اروح واذا استجدت مستجدات الله يحلها

وطبعا تدلعت لما كان البوك مليان كنت اشرب من كيفان والمنعش

بس اليوم نتيجة للكساد الإقتصادي شربت شيرين

لا وما شريته بعد خذيته من البيت



وفعلا وبلا تردد طلعت وتوجهت إلى الكليه

لوووووول وصلنا الكليه بسلام وبأقل الأضرار

خلصت محاضرتي الأولى

واليوم حوسه علشان انتخابات الروابط

بعدها رحت كيفان شفت العداد قلت لا للحين في مجال اروح شويخ

ورحت وقعدت ادور بالمواقف لما وقفت بمكان استراتيجي

اي استراتيجي لإن الي يوقف تحت مضله قريبه بشويخ هذا يعتبر انجاز

دخلت خلصت المحاضره

وحان وقت رجعت البيت

وهم ديكاتي للحين مستخسر يقط الدينارين الباقين

قلت انشالله الطريج سالك علشان لا اوقف واايد لإن البانزين عندي يخر من الخزان من كثرته

لوووول

طلعت من الشويخ متوجها الى الرميثيه سيتي

طبعا اقص عليكم اذا قتلكم اني ما كنت دايس

بس مو مشكله انا قاعد اسعى وانشالله كل شي اوكي

وصلت صوب برج التحكم قلت يالله هانت كاهيي رميثيه

دخلت لفة الرميثيه واذا به

لووووووووول ههههاي

على دخلتي جان تصرخ السياره خلاص وصلت حدي يرحم والديك صب بانزين

وبعد تفكير و واحصاء مره اخرى ومراجعة حسابات

واقناع للنفس ومن ثم العقل ثم القلب

قررت اروح اقط هالدينارين

قلت هالدنيا فانيه ماراح ناخذ معانا شي بالقبر

يالله دينارين دفعة بلا عني(شكو دفعة بلا خو انت بتصب بانزين )وتوجهت للمحطه

ويالك الحبيب سلام بابا

قتله صب دينارين وانا كنت بقمت الأسى واليأس

بس قلت الفلس الأبيض حق اليوم الأسود

وصار هاليوم

صبيت وارتحت رجعت البيت

نمت وقعد عالمغرب

الحين ديكاتي يبي يطلع

ها يمين يسار طلعنا ب5 دنانير يالله نعمه

طبعا اليوم لا ستاربكس ولا كافيهات

حدي قهوة بوصالح ولا شي رخيص وكويس

وطلعت مع ساد ورحنا والعشى كان خفيف ايضا

إلى أن

وصل مسج الإنقاذ

رصيدك الحالي 100 دينار

فرجت يا جماعه نزلت الإعانه كلولولولولش

وارجعت الحاله اللإقتصاديه إلى ما كانت عليه

الحمدلله

لوووووووووول حشى بنك اقليمي مو ديكاتي

----------------------------------------

اليوم ما ادري شقصتهم دازين مسجات

المسج يقول

يمكنك الإتصال على 777 من النقال عند توقف الخطوط الأرضيه غدا من 1-6 ص

دازينه لي 3 مرات

وساد ما دزوله واهوه قاعد يمي

جان اسوي عمل خير وادزله المسج لووووووووول

عاد انا معاه قاعد نتناقش اذا فرضا باجر قطعوا التلفونات والنقال اشلون نتفق على الطلعه

عاد اهوه فكر واستنتج قال شوف اذا صار ما صار انت اقعد من النوم وتعال عندي على طول وطق الجرس

وانا فكرت ادق على 777 من تلفون ارضي واذا ردوا علي بقولهم كنت بجرب اذا كلامكم صج او لأ

لووووووول الا ثاني يوم ديكاتي انمسح من الوجود

مختبر احصاء

دام اني بالكلية

وعندي حضرة مختبر احصاء المليق

خل اتحلطم شويه على ما توصل الإخت معيده

لوووول

على قولتها بتروح تشرب ماي 5 دقايق وراجعه

المهم

خو ماكو صور لإن الأجهزه وايد متطوره عندنا بالكليه

انا عندي تحلطم صغيرون

انا اخر مره درست رياضيات بأولى ثنوي

لا ونجحت بالدز بعد

مقرر 11 طلعت فيع 62

ههههاي

بعد ما طفت هالسنوات كلها الحين يايين بالجامعه يقولون لي لازم تاخذ مقرر احصاء

ليش يا جماعه انا شكو انا متخصص آداب قسم اعلام شكو بالإحصاء

لا ماكو فايده القانون يطبق على الجميع

اي صدقتكم عاد

المهم بعد كدح ووصلت لي معلومات ان مختبرنا بالتربيه

وادور واحوس بالتربيه ماكو

دقيت على صاحبي يا فلان وين المختبر اخر شي طلع بالآداب

لا وانا شاد حيلي مو متريق واكلت الساعه 12 سنيكرز وبربيكان هذي حياتي

الله يصبرنا هالساعه نخلص ونرجع بيوتنا

قاعد افكر شنو الغدا يوعان بس ماكو فايده مالنا بالطيب نصيب

بس اوش اوش وصلت المعيده

باي سي يو

--------------------
تحديث

وصلت البيت ولا الجماعه مسوين سمج

انا اوكي مع السمج ولكن مو اي شي يعني

بس اليوم مسوين ميد وانا ما احبه خير شر

صغيره ومتروسه شوك ومو لذيذه

يعني انطر لما العشى والعصر نطقطق بأي شي خفيف

بس هم مو حاله هذي اننا يوعان

بس هم ما ابي اكل

ديكاتي اشفيك تتحلطم اليوم

ماادري ا

المهم مسوي خوش شي بالويك اند انشالله اتفرغ له

:)

يييز و ربعه

صارلي فترة مو متكلم عن اكل وبلعه

وما إلى ذلك

:)

قبل فترة رحت انا ومستر جوكليت الأفنيوز نتسوق

بعد ما خلصنا قلنا خل نتعشى

خو اليوع كان قاضي علي يومها صج

المهم قلنا خل نتعشى أبل بيز

انا مو ذاك الزود مع هالمطاعم تشيليز وفرايديز

يمكن الي يعجبني بس روبي تيوزداي

اما الباجي احسهم نفس الطعم ماكو فرق كبير

المهم طلبنا ميني برجر وستيك ساندويتش مع اجنحة دياي و ربيان مقلي

والطبق الي صاير وين ما اروح اطلب منه اهوه موزريلا ستيكس

اصابع الجبن

انا ادري بعمري من اطلب شي معين بكل مكان معناته اني قاعد ابحث عن الأفضل

الي عجبني للحين مال بلاك اند وايت وماك

مال ابل بيز كبيرة وما احسها عجبتني

عاد الي عنده خبره يفيدني ديكاتي صاير بس ياكل هاليومين

انا اشهد اني بتمبه

بس هم علي بالعافيه

خل ناكل على كيفنا باجر اذا كبرنا المعده تختربب وما ناكل على هوانا

:)

بلالين*

اليوم بالكليه

احد القوائم واعتقد انهم المستقله

مسوين عرس على هالبالونات

بس اشكالهم حلوه مزينه شارع الكليه

لوووول على قولتهم العرس الديمقراطي

ادري عنونا الموضوع غريب شوي

بس امس بالموضوع الي قبل هذا

الإخت جوجا قالت بلالين

يعني بالونات

فقعدت اضحك وانا اقرا كومنتها

اليوم طلعت من المحاضره وكان رفيجي معاي

جان اقوله اي شفت شارع الكليه مكشخينه حاطين بلالين

لووول جان يقول بلالين هذي من اي معجم يايبها اشلون جمعتها جذي اصلا

جان اقول بقلبي الله يهداج يا جوجا زين جذي بالله

:)