مجمع ديسكفري و تويتري

صباح الصبح عليكم

لووول طبعا مو طيبا مني قاعد الصبح

بس الدوام الصيفي يجبر الواحد

ما مدانا ارتحنا شويتين الا بلشنا يالله شو بدنا نعمل بهيك ظرووف

عندي مادة حاسوب شكلها من اول يوم يقول انها مليقه

ومادة اعلام الله يستر منها

تمت المقدمه

لووووووووووووووول

اليوم يايبلكم صور من مجمع ديسكفري الي صاير جدام صالة التزلج

الهدف من الروحه ان نلعب بولينغ بكوزمو

ولكن لازم نطق لنا فره على المجمع

للحين في محلات ما فتحت

اهني واجهة المجمع شكلها حلو ولطيف
الديكورات من داخل شكلها حلو وبسيط ومرتب

اهني كورت المطاعم والكافيهات
في احد المحلات حق غرف نوم الأطفال

عجبني وايد

انشالله اشتري منه حق ولدي ديكاتي جونيور
:)


بعدين مريت على ملعب جول

ملعب ثيل صناعي صغير وداخلي يعني بالمججمع نفسه

طبعا مو حق الكبار ولكن شي حلو وفكرتته عجبتني

واهني اليهال يلعبون وحاطين لهم حكم بعد ولوحه الكترونيه تحسب الوقت والأهداف


واهني مكان حق العاب اليهال وخدمتهم وايد حلوه


وبعدين وصلنا كوزمو

ايييييييييييييه


طبعا الإضاءة خافته بعض الشيئ ولكن لا بأس بالنسبه حق المكان

للحين هدوء ماكو زحمه وايد

والله يعافي السلم يابلنا تذاكر مخفضه

اهني صفة الأحذية الخاصه بالبولينغ واختار المقاس الي تبيه
واهني ديكاتي في وضعية الإستعداد

لوووووووول

هااااااااااااااااااااا مستعد

تم طال عمرك

والحلو ان اذا اليهال يبون يلعبون تقدر تطلب منهم يحطون حواجز على الجانبين علشان ما تطيح الكره

طبعا ما مداني اصور اللعب لإني كنت بلعب بسرعه يالله
لوووول

الربع المشاركون باللعب

بس بصراحه وناسه

-----------------------------------------------

تابعني وشوف ديكاتي شقاعد يسوي شقاعد ياكل وين رايح وين ياي

لوووووووووول دعايه يعني

هي هي هي

من جم يوم سويتلي تويتر وحطيته اهني بالبلوق

مبدئيا مستانس عليه ولو اني مو حاس ان له هدف محدد

ولكن راح اضل استعمله لما امل منه

وعلى الأقل نحلل فلوس ال
bb

:)

my time is 04:33:24

مسا الخير

لووول لا تستانسون هذا مو التايم مالي ما سباق المارثون

لووول انا امشي ساعتين اتكسر

هالمره اركض 4 ساعات ولا فوقهم نص بعد الله يعلم شنو راح ييصير

يبووووووووي

وايد

لووووول

اليوم يا جماعه خلصت امتحانات

احم احم احم

ولكن بالنسبه حق اخر امتحان الي كان اليوم يصراحه عذبني

لا صج صج تعبت

امتحان مادة اعلام

اسمها تحرير الخبر

اول ما استلمت الورقه شغلت التايمر

ولما طلعت من القاعه طفيته وهذا التايم الي طلع

اطول امتحان قدمته بحياتي

تعبت من القعده

طبعا بنص الإمتحان طلعت توجهت إلى احلى مكينه بالكلية

هي هي هي

لووول ما اقدر اسكر حلجي ساعتين على بعض انا اسف

:)

بطاط وكاكاوين

البطاط والكاكو الاول طاروا قبل لا يطلعون من المكينه من اليوع الي حايشني

بس اشوه لحقت على بطل ماي وتويكس وصورتهم

على ما خلصت الا انا ما بعد ما فيني

انا صج كليت خفايف بس يوعااااااااااااااااااااااااااااااااااااااااااااااااان

وطيران اسرع سريع عالبيت

لووول ادري ماكو بانزين بس يوعان ما فيني صبر اروح اصب

الله وكليلكم عيونك على اول جدر تشوفه

وهني وعافيه

اليوع كافر والعطله حلوه

لوووووول خل نستانس هاليومين اسبوع الياي صيفي

:)

وشدوا حيلكم وخلوكم احسن ناس

اي اليوم مصر راح يلعبوون

امممممم يبيله اروح عند خالي اشوف المباراة

اي بس عبود قال نطلع بعد

نشوف نشوف بعدين

لووووووووووول ديكاتي قاعد يخطط حق اليوم

ذات الرداء الأحمر عزومها قويه- دلع الصبايا

صباح الخير

ذات الرداء الأحمر

لا تعليق اكثر من الي انقال

http://www.alraimedia.com/alrai/

جريدة الراي ترا فيها اخبار زينه اليوم

طلوا عليها ترا الأخبار تنمي الأفكار

امتنع عن التعليق اكثر من جذي

------------------------------------------

تعالوا تعالوا


اي اي انتوا يا بنات

اخ ممنكم اخ يا حب بعضكم للمياعه و الدلع الزايد

وطبعا الدلع والمياعه الي شفتها اليوم خلتني اجزم ان بكل الظروف ماكو مشكله انها تتدلع

اييكم الموقف

كعادتي

اليوم اصبحنا واصبح الملك لله وحده

طلعت رحت الجامعه

ادري اليوم السبت

بس عندي امتحان شسوي يعني

المهم

رحت الجامعه وصلت بخير ونزلت رحت قاعة الإختبار

وقعدت على مقعدي الظريف

والدكتور يطالعنا واهوه يضحك

وهذه الضحكه لم استطع ان اميز هل هي ضحكة" امتحان سهل"

ولا ضحكة "انا اوريكم "المهم

اخذت وررقتي وبسم الله

توكلنا على الله

وصلت نص الإمتحان

وقاعد بكل هدوء وبراة وسعة صدر وراحة بال

طبعا مو لله هالهدوء لوووول لإني متوهق بسؤال مو صج

المهم ما اشوف الا الإخت الي يمي صاحبة الأظافر الفاقعه

حاطه عيونها بورقتي

انا شفتها اخترعت قاعد اقول اشفيها تطالع جذي

المهم ديكاتي عطاها ابتسامه ورد على ورقته

لا الإخت ملزمه

طالعتها مره ثانيه ثقلي يا بنيه شبلاج انتي اليوم

رديت على ورقتي

عاد ثالث مره جان اهي تبادرني

لو سمحت لو سمحت

جان اطالعها

ممكن تعطيني (ركزوا معاي اوكي)ممكن تعطيني سح ولا خطأ

سح=صح

انا اول مره قتلها شنو؟؟

سح وخطأ

قتلها سح عاد

تقولي اي اشفيك سح وخطأ

لووول الظاهر حست اني قاعد اتطنز

جان تقولي مو وقته تعليقات الله يعافيك انت عطني المهم

لوووووووول

ديكاتي خدوووم ماشالله عليه

جان اغششها ولكن على طريقتها

ما تسمعون الا في واحد اسمه ديكاتي يهمس بصوت خفيف

سح خطأ سح سح خطأ سح خطأ

لووووووول وهذيج مو مصدقه خبر وميته ضحك

والله شر البليه ما يضحك

يعني سح ولا الثانيه سج يعني صج

ما ادري متى يكبرون

والي شاده حيلها وتتكلم جذي لا تحطين تعليق اهني ما انصحج كلش

في اثنين من الشباب ناطرين وحده تدافع عنهم

اتمنى اني اخليت مسئوليتي

------------------------------------

باجر امتحاني الأخير ولكن

اخخخخخخخ

امتحان 4 ساعات

اي نعم 4 ساعات

لا هو مختبر ولا هو كيميا

مادة اعلام ونكتب اخبار

اعتقد لو ضاق خلقي بنص الإمتحان

راح اكتب بوست واوريكم الإبداع الي انا فيه

بس في مشكله ما ادري اشلون اسوي ابلود حق صوره من البلاك بيري على موقع البلوقر

والله يسهل

FROM 777 TO 112

احسها غلط ما ادري ليش

متعودين على ثلاث سبعات وانتهى الموضوع

ليش التعقيد الزايد

يعني طالعين فيها 112

همممممم الحكومة ابخص

:)

صباح الخير لووووول

للحين تحت تأثير النومه


لووول

طبعا الصورة مركبة

المصدر من احدى الجرايد الي تتمتع بالأمانه الصحفية

و ومستر جوكليت يشهد عليها بعد

وشهد شاهد ماشفش حاجة

نشوفكم على خير

الظاهر انا قريت الجريده ودخت مره ثانيه

جاري اكمال النومه.............................. الجزء الثاني اكشن

خوخخخخخييييش

كاكا بيلعب ومصر بتتعب

موضوع رياضي بحت

لوول

ادري مو مال هالسوالف بس هذا الي صار

اليوم لعبوا مصر ضد البرازيل

انا توقعت ان المبارة تكون اكتساح للبرازيل

ولكن هيهات والفراعنه موجودين

3-4

حق البرازيل

انا قلت خل اروح قهوه يكون فيها تجمع كبير من الصعايده

علشان نعيش الدور الكروي والحدث الكبير

بصراحه وبدون اي طنازه

مصر لعبوا بشكل حده حلو

يعني لو مو البلنتي مال البرازيل جان المباراة صارت وايد احلى

اهني بداية المباراة والتجمهر الكبير

طبعا ما ادري اشلون حصلت مكان

والجو داخل الله لا يوريكم ولكن عادي عادي طاف

العموم شيشه وانا يحليلي داش

لو سمحت واحد عصير

هي هي هي

واهني احد الأهداف حق مصر العموم قام

وتصفق وتصرخ وحاله

هي هي هي
وبالنهايه اللإنقشاع التام من القهوه


لوووول

مراسلكم من معقل الصعيد دييكاتي

والله انا اعتقد اني راح اشوف مباراتهم مع ايطاليا دام مستواهم جذي زين

شكرا عفوا

:)

ديكاتي يتفنن بما هو ابخص فيه

سلااااااااااااااام

اشلوونكم

ديكاتي وعدكم

راح اخليكم تصومون قبل رمضان بشهر من كثر الأكل الي راح تشوفون

لوووووووووووووووووووول

اي نعم

من هذا المنبر ومن هذه المنصه انا اقول لا للرجيم ونعم لل بالخمس

بيني وبينكم توهقت اشلون اكتب لل بالخمس بس هذا الي طلع معاي

المهم

في الفتره الأخير ديكاتي بدأ يتخذ شكلا جديدا من الهوايات

هي ليست بالهوايه الجديد لإني كنت امارسها من فترة لفتره

ولكن بدأت تنمو لدي هذه الهواية من جديد

بعد الإطلاع على المراجع التاليه

المرجع رقم 1

المرجع رقم 2

وبعد مراجعة النفس والتفكير بجديه

قررت المحكمه حضوريا


وييييييييييييه وانا وصلت انا

سوري يا جماعه عشت لحظة محامي

المهم

قررت انا ديكاتي اني اخوض بعض تجارب الطبخ ولكن على خفيف

هي هي هي

لوووووووووول مو تضحكون قاعد اشووفكم اي اي

لا ترا مو صج ما ادري اشفيني فاصل

الظاهر كثرت على الغدا

االمهم

اليوم راح اعرض لكم اول تجربه بالنسبه لهذا الشي

وطبعا المراجع الي ذكرتها اثروا علي اني اعرض مواهبي بالمدونه مالتي


اليوم يا حلوين فكرة الطبخه اسمها كيف تحول من هذا إلى هذا

ادري ضعتوا ولكن انا راح اشرح لكم بالضبظ والتفاصيل شنو الي صار

ذات يوم من هذا الإسبوع

دخل ديكاتي البيت مسرعا على اول ثلاجه تقع عينه عليها

ولو ان كلهم ثنتين بس ما عليه

المهم قتحت الثلاجه يوعاااان ابي اكل

يمين يسار نظرة فاحصه لليمين ونظره اخرى هم بعد فاحصة لليسار

ماكو غير عيش مشخوووول

هممممممم كيف جذي عيش مشخول ما اييب الراس

قصدي ما اييب المعده الراس شكو الحين

جان ديكاتي يشغل التفكير المبدع عنده

يبنا طماط وفلفل اخضر وشوية بصل

الطماط انا احبه والفلفل الأخضر للرائحه والطعم الي مو صج والبصل اسراره ما اقولها حق احد

المهم


هالسوالف كلها تحطها بمقله وترش عليها شوية ملح وما توفر من فلفل اسود وبهارات

طبعا لإني ما اعرف شنو هذا وهذا رشيت من كل شي شويه

بعد ما نقليهم كنت مزهب من اول قطعتين برجر

وقطعتهم وحطيتهم فوق هالخلطه علشان تتشرب النكهه والطعم

وبعدين اذا حسيت كل شوي استوى تحطهم مع العيش وانت قاعد تسخنه

طبعا الإحساس شي ضروري خل احساسك دليلك علشان تبدع بالطبخه

واحساسي ما خاب طبعا

وهذي النتيجه كلها

ايييي نعم شغل ايديا وحياة عينيا

لوووووووووووووول

طبعا اعتذر عن عدم الإهتمام بمقاييس التزيين والأتكييت ولكن انا اسف واعتذر من الجميع

انا لست من عيال ماك جكن

كاااااااك

وثاني شي اليوع كافر

انا بعرف هذي الي تطبخ والله لها خلق تزين وما ادري شتسوي

يا عمي خل يستوي الأكل وماكو من الجدر لما الصحن لما بطنك

لا تطول السالفه خو

وان جان تبي تتفنن شويه بس شويه ها مو وايد حطلك شي جذي
اجار عن الخاطر

لو بإيدي جان حطيت الجدر جدامي لا بس بريستيجي ما يسمحلي

وانتظر ردودكم

هي هي هي موو خبرك البلاك بيري ماكو انت تحط كومنت اهني انا اقراه دايركت الصوب الثاني

تكنو يا ديكاتي تكنو

FUSION

مرحبا الساااع

انا ناوي على شر

لا ديكاتي ناوي على شر خلاص

لوووول من اليوم ورايح كله اكل

انا متنرفز من الإمتحانات وكله بحطلكم اكل

الي يمتن والي يزيد وزنه لا يقول كل من ديكاتي

انا انذرتكم

هي هي هي هي

يالله


اليوم تجربة يديده لمطعم صيني

والله انا قمت الاحظ شي

الاكل الصيني غالبا يكون خفيف

يعني خفيف على المعده

وحتى الطعم خفيف

لوووووول انا اكتشفت هالمعلومه لإني كل ما اكل من مطعم صيني ارجع البيت اقعد شوي بعدين احس نفسي يوعان

طبعا يفرق لما اقول مطعم صيني ولا بوفيه صيني

البوفيه اكل كثر ما تبي كيفك

هي هي هي

المهم

هذا مطعم فيوجن الي صاير يم او بالأحرا مع مطعم فيش ماركت الي على البحر

المطعم هادي ويونس والديكورات الصينية حلوه

بس للأسف ما قدرت اخذ صور كفايه

ولكن نرجع حق المضمون

مو احنا اهم ما علينا المضمون

لإن المضمون مثل ما انتوا عارفين اساس الحياة لدى ديكاتي

:)

طبعا اهني الظريفة الي يابت الشوربه تفرشلك هالأبيض هذا

لووووول ترا هذا مو انا لا تتشققون

لو انا ضعيف جذي جان من زمان مكيف

بس ماكو غير نسأل الله الدعاء

:)

لووول خدمه شغل عدل يقوولك


وبعدين شوربة دياي بالذره

ما عبجتني كلش


خفيفه ماي مايوه والذره الي فيها تنعد على الأصابع

بعدين ربيان

كان حلو بس ماصخ ولكن الصوص الي معاه مرقع الموضوع نوعا ما

وبعدها طبق الربيان

هذا صج كان حلو عجبني

على ذوق عبيدو عاد هذا

هي هي هي


واهني دياي حامض حلو على ما اعتقد


بس هم كان حلو جدا جدا

ذوق السلم ما يخون بالمره

لووول توني مدحت فيك يا سلوووم

ولكنننن

اييييه اهني لما السلم خربها

طلب تونه نيه مع عيش

يبووووووووووووووي

لووووول

انا اول شي ما كنت متشجع اني اكل كلش ولكن بعد الحنه والنجره خلوني اكل

ولكن الله وكيلكم كنت ناطر اللحظه الي ابلعها وافتك

ياااااااااااااااااااو الطعم مو شي

اول ما يلعتها خذيت دياي علشان اكسر بالطعم

واخر مره اجرب هالسوالف


عاد الحين طلب ديكاتي

لوووول لا تقولي مطعم صيني واكل خفيف تقعد تقص علي بسوالفك هذي

اي اي اكلمك انت يا ديكاتي

هي هي هي

انا نزلت عيش ولحم

ههههههاي

والله يا جماعه طعمه مثل كبسة اللحم

شغل عدل

بس ماصخ

ولكن الملح ما يردد احد


واهني عبيدو جاينييز


المطعم يعني اذا بروحله مره ثانيه راح تكون روحة مزاج وليس حبا فيه

:) تمت

-------------------------------------------

نبارك حق عبيدو يا جماعه

ترا صار عمره 20 كبر كبر ولدنا

مبروووك يا عبيد

وحق كل الي قاعدين يمك يا قلبيييييي

لووووووووووووووووووووووووووووووووووووووووووووووووووووووووووووووووووول

وانتم يا حلوين بعد ابشروا بالبوستات الي كلها اكل

خلاص ديكاتي كشر عن انيابه

مو جني صرت شرير وايد اليوم

نشوفكم على خير وشدوا حيلكم بالإمتحانات

عمر وسلمى وterminator--من الخميس وانا اضحك

اول شي سلامووون يا جماعه

:)

عمر وسلمى الجزء 2

فلم جميل عجبني وايد

خصوصا القروب الي كان معاي مشجع وايد

:)

و بصراحه حلوه تكملته للجزء الأول

وضحكت ضحك يومها

نوعا ما في قلة أدب ولكن ضحكنا

يعني مو شي لما يكون معاك يهال

انا قلت المفروض عوايل ما يروحون له بس اشوه مقطع عندنا ما قصروا ربعنا ولكن هم في مقاطع

المشكله العوايل اكثر من الشباب

----------------------------------------

لوووول

البنيه هذي عجيبه

خخخخ سايلنت طول الفلم ما تتكلم ولكن اعتقد كان لها دور في البطوله

في جم واحد انتقدووه

ولكن بإعتقادي الفلم جيد غيروا من فكرته شوي غيروا شغلات فيه

ولكن اخراجه حلو جدا

والحلو ان طلعوا شخصيه ارنولد بس طبعا مو اهوه لإن الي طلع جسمه شباب

بس الله يهداه ما طول 5 ثواني وانحاش

لوووووول

بس الفلم يستاهل

----------------------------------

تبون تعرفون ليش من الخميس الي طاف وانا اضحك

لوووووووول

انا ما ابي اقول وايد ولكن بحط لكم مقاطع

أقسم بالله ان النسل هذا راح يغير الكويت

و القبول من الله سبحانه وتعالى

وطبعا ما ادري جم مره سمعت كلمة أقسم بالله

بصراحه

مقابلة ناجحه

واشوه ان الي مسوي اللقاء ما علق على الموضوع

يتراوالي لو يايبين صالح النهام يفسر الاحلام مره ثانية باللقاء احسن

:)

والله للحين فيني ضحكة يا جماعة

سوالف ال21 سنه

اييييه

طبعا تم بحمدلله اكمالي 21 سنه

اشكر الجميع سواء الي حط كومنت او لأ

اشكركم جدا جدا جدا

والله لا يحرمنا منكم ومن سؤالكم

طبعا ديكاتي كعادته كله شاد حيله

اول ما صارت الساعه 12 رحت حق ابوي يالله هات الجنسية

يقولي ليش جان اقوله كملت 21 وبروح اصوت حق البلدي

خل اعيش الدور شويه


---------------------------------

انيي حق الهدايا الي وصلت

مثل ما قتلكم راح احط كل شي وصلني

:)

لووول مو تشيحط ولكن ابيكم تشاركوني

اول شي وصل من رفيجي العزيز

وقبل 3 ايام من عيد ميلادي

وطبعا انا احب هالسوالف

ببسيطه بس استخدمها وايد

خصوصا الباندات

:)

ثاني شي وصل

احم احم احم ورود جميله


بعدين

أمي الحنونه ما قصرت يايبتلي ساعه جميلة

شكرا يا ماما

:) اخيييه على مشاعر الامومه الي عندي

وبعدها اخوي الصغير الظريف

مسكين حتى بيوم امتحانه ما نساني فديته

لووول بفك بولند و يمها عشره

لووووول

حتى الورقة يايبها من الرزنامه

لووووووووووووووووووووووووووووووول ضحكني والله

يدري فيني بطيني فعرف اشلون يختار الهديه

وبعدين

عطر كامل بس شي عجيب بصراحه

وحده بوحده

:)

واخيرا

هذي اكثر هدية صدمتني وحطمت كياني

يوم خذيتها اختقتني العبره

لا يعني صج صج ما كنت متوقع

ما خطرت على بالي اصلا

والله يالربع ان ماكو منكم وانا اشهد

انا صج كان عاجبني وايد وحنيت نوعا ما

بس ما توقعت انهم مسوينها مفاجئة جذي

لا ولما عطونياه كانوا حاطينه بجيس مال كوكيز

عاد قتلهم مشكورين وما قصرتوا

يقولون لي انزين افتح الجيس

اقولهم ما ابي اكل وراي عشى خلوه بعدين

ولكن بعد ما يأسوا مني جان ساد يقوم ويطلع الكرتون الي داخل شوي شوي

انا قاعد اشوف هذا قوطي اسود مو معقوله كوكي

ولما طلعه شوفوا شنو طلع







اييييييييييييييييه

شقد احبنكم يالشباب

:)


تتفتفتفتفتفتف ما شاء الله ما شاء الله

:)

عن الحسد وانشالله ما منكم حاسد قولوا امين

ومشكورين مره ثانيه

:)

21 بالتمام والكمال

تم وبعون الله

والحمدلله الف الف الحمدلله

احم احم

اليوم كملت 21

او قبل ساعه اقدر اقولها

هههههههههاي


كل عام وانا بخير

ادري بوست عيد ميلادي مال السنه الي طافت كان اقوى

ولكن هاليومين صادف عندي امتحانات وتقارير

اليوم بعد قاعد اجهز تقرير مع رفيجي من بعد المغرب لما الساعه 11

والله حبيبي بعد ما قصر خلصنا التقرير وطلعنا جان يقول قول تم نتعشى

والله ودشينا بلاك اند وايت بحكم ان كنا قاعدين بستاربكس الحره

ويمنا بلاك على طول

هي هي هي كانت وجبة لذلذه بالنسبة لعمر ال20

واحنا عيال اليوم

واييكم بوست ثاني هدايا الي وصلت

:)

والي يبي يعطيني هديه ترا المجال مفتوح
:)