احلى جو

طبعا هاليومين الكل عايش هالجو الأكثر من حلو

مع ان رطوبه بس والله راضي بالوضع وما عندي مشاكل ولا ان يصير حر وخيسه

طبعا بما ان الجو قام يتعدل والكل ملاحظ ان السما تصير فيها غيوم وايد

عاد انا من زمان عندي حب حق تصوير الغيوم بشكل مو طبيبعي

ومن زمان نزلت بوست حاط في صور مسويهم

واليوم راح احط حصيلة هاليومين :)

اول صوره لاعب فيها شويتين هي هي هي

واحلى شي لما المطر يطشطش عليك شويه وايد حلو

بس اذا سبحك مو حلو كلش

لووووول
يالله يالله خنطلع ملابس الشتى

تهقون ملابس السنه الي طافت للحين قدي

لوووووووول الله يستر

:)

---------------------------------------

من كثر ما شمسنا وصيفنا كل واحد يتحدى الثاني بالقوه

اللوحه الإلكترونيه هذي خرفت

هالصوره اليوم ماخذينها

لوووووووووول الظاهر من كثر الحر تعودت على انها تكون فوق ال50

مو قادره تستوعب ان الجو تعدل عندنا

لوول مو راضيه تطوف الموضوع على خير

طبعا الصوره من صاحبي ساد سمايل

وطبعا لازم يعطيني التوصيه بعد كل صوره اخذها منه

يعطيني الجمله المعهوده منذ الأزل

ديكاتي ترا حقوق الحفظ محفوظه

تم طال عمرك لووول

:)

إستهلت و أمطرت

صباح الخير عليكم

اليوم وكعادتي قعدت من الصبح قمه بالنشاط والحمدلله

قعدت على صوت ازعاج

ولا سبحان الله ماشاء الله

الدنيا مطر والجو حلو ويعني كانت خوش مطره كبدايه للموسم



عاد قلت يالله خل اطلع اتمشى شويه اشوف الوضع بالخارج

والله لبست وطلبت ريوق قلت على ما اتمشى وامر اخذ الريوق واروح حق يدتي

مو خبركم ريوقها مبجر يطيح

:)

انشالله هالشتا يكون خير علينا وانشالله المطر ينزل بكثره وغزاره

والله نبي نستانس شوي

ملينا رطوبه وحر وغبار

عاد وانا طالع الصبح بسكون وهدوء وذهن صافي

واذا به اشوفلكم هذا المقطع المعبر الي يشرح هالجو الجميل بعبارات

ما ادري اشلون اوصف لكم المنظر

ولكن شوفوا

:)

انا طلعت اتمشى واشوف الجو واروح اقعد مع يدتي تعبيرا عن استمتاعي بالجو

اما صاحبنا فيعبر عن استمتاعه بالجو جذي

والله صدق من قال الناس اجناس وكل من يرا الطبيعه والإستمتاع بها من منظوره الخاص

لوووووووول اشفيني على هالمصطلحات اليوم

عموما يسعد صباحكم وجمعه مباركه عليكم

shopping

مرحباااااااااااا يا جماعه

:)

لووووول ترا الي ماله خلق يقرا لا يكمل لإن ما عندي غير بلعه وتحلطم

الكلام حقج يا جاره

لووووووول معاذ مو انت ترا

ههههههههههههههههههههه

اليوم رحت مع جوكليت الأفنيوز قلنا نتمشى ونتسوق شويتين

لاحظو اني ما قلت نبلع

لإن البلعه شي اساسي معلوم سلفا ما يحتاج اذكره

اول شي دخلنا قلنا نروح هاجن

جوكليت قال يبي برد او ملك شيك

انا خنت حيلي فقير مسجين قلت ما ابي شبعان مكثر عالغدا

واحنا نشوف شنو اكو ما اكو ولا في واحد طالب براوني

لوووووووووووووووووووووووووووووول

لا اهني اختلفت الحسبه هذي فيها براوني وشكلها يغري

حتى من كثر ما شدني شكل البراوني الموظفه بروحها قالتلي هذي براوني

لووول يعني لاحظت على ويهي اني انبهرت فيها

جان اقولها يبه انا ابي براوني

اشوف جوكليت كان مخطط على ميلك شيك ولا برد غير مشروعه وحولها براوني معاي

ترا والله انا مالي شغل

المهم كانت حلوه لا بأس فيها بس في احلى منها طبعا

انا خابر الناس تتسوق وتتمشى بعدين تاكل وتطلع

احنا غير انا اكل اخلص بعدين امشي

المهم تمشينا ولا نشوف بنك الخليج اعتقد

لوووووول حاطين مثل بوكس في دنانير شكثرهم

خو شدعوه خليت الموظف

سألته هذول صجيين ولا لأ

طبعا مو صجيين

لو فلوس صجيه جان الليله تسمعون عن سطو مسلح على الأفنيوز

:)

ولا شقال قال انترنيييت

حسبي الله عليه مؤلف الكتاب دكتور والف مليون شهاده وبحث

والكتاب مقدمته مسكته

والحبيب مو عارف يكتب انترنت

عموما الله يخلي المثقفين الي عندنا بس

بيتزا اكسبرس

ورجعنا حق بوستات البلعه

وديكاتي لا يقف عن الأكل ماشالله عليه

بالعافيه علي اولا وآخرا

المهم

اليوم تجربة مطعم بيتزا اكسبرس

موجود بالمطار والأفنيوز

طبعا يمكن في اماكن ثانيه بس ما رحتلهم

المطعم هذا في شي عجيب خلاني على غير عادتي

اي قلتوا اشلون

اول شي هذا المطعم الوحيد الي جربته مره وما ترددت اني اروحله مره ثانيه بعدها بإسبوع يمكن

ثاني شي هذا المطعم الوحيد الي ما قدرت اطلع في شي مو حلو لإن كله على بعضه حلو

لووووول الحين في ناس يقولون اي اكيد ديكاتي كان يوعان علشان جذي استمتع بالأكل

اهوه صج انا كنت يوعان ولكن الي كلوا معاي شهدوا ان المطعم حلو

انا اول مره رحت مع عيال خالتي لإن واحد منهم يدرس بره ورجع الكويت فقلت نروح نتعشى بمكان حلو وجيد

ورحنا بيتزا اكسبرس لإني حزتها ما كنت مجربه وكان مشروع حلو

والله وطلبنا واستمتعنا بالأكل

المطعم نظامه تطلب بيتزا وحده ماكو احجام و الوحده فيها 4 قطع

وهم تقدرون تخلونها نص بنص

وخبز بالثوم مالهم وايد حلو عجبني بصراحه

وحتى الباستا جيده ولكن ما وصلت الى اني اقول عنها وايد حلوه ولكن جيده

وثاني مره لما رحت كان القروب ساحق جدا

كنت انا مع ساد صاحبي ومستر جوكليت وعنصر رابع لا يقل عنا بالقوه الأكليه

طبعا انا وساد قبلها قاعدين بقهوه وشاربين عصاير وما إلى ذلك

بعدها رحنا المطار وربعنا ما وصلوا فقعدنا تنمشى ونشوف الناس المسافره والي راجعه

بعدها صعدنا المطعم وصلوا الربع وبلش الفلم

لوووووووووووول صج كان فلم

اول شي طلبنا كل واحد فينا بيتزا وخبز بالثوم و انا وساد باستا وكل واحد طلب شي يشربه

اول شي وصل خبز بالثوم

طبعا اليوع كافر الموظف ما مداه راح ورجع الي كلنا مخلصين على خبز الثوم شال صحون الخبز وحط الباستا

راح ورجع انا وساد كنا للحين بالباستا وحط البيتزات يمنا

وطيحله بالبيتزا وصار اكشن وضحك وسوالف

خلصنا من البيتزا

عاد اهني ريحنا شويه جان اقرر اني ابي حلو

طبعا ساد معاي وجنه العيد يالله فوقه

جوكليت والثاني كانوا مترددين

ولكن هيهات جان افتح المنيو واقول حق ساد بصوت والله خوش جيز كيك وخوش جوكليت وما ادري شنو

لوووووووول جان الجماعه يقولون يالله فوقه انتوا مخربينها اليوم

وكلنا نطلب حلو

انا وساد خذينا جوكليت كيك مع كرة برد كانت حدها حدها يمي

بصراحه المطعم ما يتطوف كلش

وهذا الي ياخذ الطلبات مكيف علينا من كثر ما طلبنا

ما ضل شي بالمنيو وكل شوي رايح راجع علينا ها تبون شي ناقصكم شي

اخر شي بعد خلاص ما فينا حيل الحمدلله شبعنا

اهوه مو شبعنا بس ماكو شي بالمنيو كل شي كلينا منه

قلنا هات يا حساب

احم احم تقريبا 38

حتى محد له خلق يطلع خرده دنانير كل واحد طلع الي عنده وقطه وقال تصرفوا :)

لووووووول شماكلين شمسوين انتوا

الأمريكي ومرته الي ورانا كل واحد طلب شي واحد باستا وبيتزا وحده واحنا 4 طلبنا حق قبيله

:)

يقولون انا اخرب الي معاي صج تتوقعون ؟

ديكاتي والكساد الإقتصادي

طبعا نظرا للأزمة الإقتصاديه الي صايره بالعالم

والي طاحوا بالبورصه وراحوا الأميري دايركت

والبنوك مخبوصه

وصل تأثير هذا الكساد علي خنت حيلي

يعني بالمختصر هاليومين اسهمي نازله

تقولون ديكاتي شدخله بالموضوع

اهوه حده واحد يتحلطم وياكل وشطانه

بس انا افسرها لكم

هالإسبوع كان قمة التفليس

لوووووووووووول

اي نعم اعلنت افلاسي

هالإسبوع كنت اقتصادي لأبعد الحدود

حتى طلعات ماكو بس من الدوام للبيت والعكس

اليوم كان اخر يوم من التفليس وكان كالتالي

قمت الصبح بنشاطي ونباهتي (ركزوا على نباهتي يا جماعه)المهم

خذيت شور ولبست وكشخت طبعا كشخه عالطل

المهم

وركبت السياره وهذا كان الوضع اول ما شغلتها

فقعدت احوسبها ودام اني ماخذ احصاء وانا شاطر ماشالله علي

قمت احصي قطرات البانزين (لووول صج والله لا يكون نيوتن وانا ما ادري) شفت ان اقدر اروح الدوام بس بعدها يبيله خطه ثانيه

هل اوصل او لأ ها اشلون الحين زحمه بالمحطه

طبعا اهوه مو زحمه بس الدينارين الي كنت موفرهم حق اليوم الأسود ما ابي اصرفهم فقمت ارقع الموضوع

قلت انا خل اروح واذا استجدت مستجدات الله يحلها

وطبعا تدلعت لما كان البوك مليان كنت اشرب من كيفان والمنعش

بس اليوم نتيجة للكساد الإقتصادي شربت شيرين

لا وما شريته بعد خذيته من البيت



وفعلا وبلا تردد طلعت وتوجهت إلى الكليه

لوووووول وصلنا الكليه بسلام وبأقل الأضرار

خلصت محاضرتي الأولى

واليوم حوسه علشان انتخابات الروابط

بعدها رحت كيفان شفت العداد قلت لا للحين في مجال اروح شويخ

ورحت وقعدت ادور بالمواقف لما وقفت بمكان استراتيجي

اي استراتيجي لإن الي يوقف تحت مضله قريبه بشويخ هذا يعتبر انجاز

دخلت خلصت المحاضره

وحان وقت رجعت البيت

وهم ديكاتي للحين مستخسر يقط الدينارين الباقين

قلت انشالله الطريج سالك علشان لا اوقف واايد لإن البانزين عندي يخر من الخزان من كثرته

لوووول

طلعت من الشويخ متوجها الى الرميثيه سيتي

طبعا اقص عليكم اذا قتلكم اني ما كنت دايس

بس مو مشكله انا قاعد اسعى وانشالله كل شي اوكي

وصلت صوب برج التحكم قلت يالله هانت كاهيي رميثيه

دخلت لفة الرميثيه واذا به

لووووووووول ههههاي

على دخلتي جان تصرخ السياره خلاص وصلت حدي يرحم والديك صب بانزين

وبعد تفكير و واحصاء مره اخرى ومراجعة حسابات

واقناع للنفس ومن ثم العقل ثم القلب

قررت اروح اقط هالدينارين

قلت هالدنيا فانيه ماراح ناخذ معانا شي بالقبر

يالله دينارين دفعة بلا عني(شكو دفعة بلا خو انت بتصب بانزين )وتوجهت للمحطه

ويالك الحبيب سلام بابا

قتله صب دينارين وانا كنت بقمت الأسى واليأس

بس قلت الفلس الأبيض حق اليوم الأسود

وصار هاليوم

صبيت وارتحت رجعت البيت

نمت وقعد عالمغرب

الحين ديكاتي يبي يطلع

ها يمين يسار طلعنا ب5 دنانير يالله نعمه

طبعا اليوم لا ستاربكس ولا كافيهات

حدي قهوة بوصالح ولا شي رخيص وكويس

وطلعت مع ساد ورحنا والعشى كان خفيف ايضا

إلى أن

وصل مسج الإنقاذ

رصيدك الحالي 100 دينار

فرجت يا جماعه نزلت الإعانه كلولولولولش

وارجعت الحاله اللإقتصاديه إلى ما كانت عليه

الحمدلله

لوووووووووول حشى بنك اقليمي مو ديكاتي

----------------------------------------

اليوم ما ادري شقصتهم دازين مسجات

المسج يقول

يمكنك الإتصال على 777 من النقال عند توقف الخطوط الأرضيه غدا من 1-6 ص

دازينه لي 3 مرات

وساد ما دزوله واهوه قاعد يمي

جان اسوي عمل خير وادزله المسج لووووووووول

عاد انا معاه قاعد نتناقش اذا فرضا باجر قطعوا التلفونات والنقال اشلون نتفق على الطلعه

عاد اهوه فكر واستنتج قال شوف اذا صار ما صار انت اقعد من النوم وتعال عندي على طول وطق الجرس

وانا فكرت ادق على 777 من تلفون ارضي واذا ردوا علي بقولهم كنت بجرب اذا كلامكم صج او لأ

لووووووول الا ثاني يوم ديكاتي انمسح من الوجود

مختبر احصاء

دام اني بالكلية

وعندي حضرة مختبر احصاء المليق

خل اتحلطم شويه على ما توصل الإخت معيده

لوووول

على قولتها بتروح تشرب ماي 5 دقايق وراجعه

المهم

خو ماكو صور لإن الأجهزه وايد متطوره عندنا بالكليه

انا عندي تحلطم صغيرون

انا اخر مره درست رياضيات بأولى ثنوي

لا ونجحت بالدز بعد

مقرر 11 طلعت فيع 62

ههههاي

بعد ما طفت هالسنوات كلها الحين يايين بالجامعه يقولون لي لازم تاخذ مقرر احصاء

ليش يا جماعه انا شكو انا متخصص آداب قسم اعلام شكو بالإحصاء

لا ماكو فايده القانون يطبق على الجميع

اي صدقتكم عاد

المهم بعد كدح ووصلت لي معلومات ان مختبرنا بالتربيه

وادور واحوس بالتربيه ماكو

دقيت على صاحبي يا فلان وين المختبر اخر شي طلع بالآداب

لا وانا شاد حيلي مو متريق واكلت الساعه 12 سنيكرز وبربيكان هذي حياتي

الله يصبرنا هالساعه نخلص ونرجع بيوتنا

قاعد افكر شنو الغدا يوعان بس ماكو فايده مالنا بالطيب نصيب

بس اوش اوش وصلت المعيده

باي سي يو

--------------------
تحديث

وصلت البيت ولا الجماعه مسوين سمج

انا اوكي مع السمج ولكن مو اي شي يعني

بس اليوم مسوين ميد وانا ما احبه خير شر

صغيره ومتروسه شوك ومو لذيذه

يعني انطر لما العشى والعصر نطقطق بأي شي خفيف

بس هم مو حاله هذي اننا يوعان

بس هم ما ابي اكل

ديكاتي اشفيك تتحلطم اليوم

ماادري ا

المهم مسوي خوش شي بالويك اند انشالله اتفرغ له

:)

يييز و ربعه

صارلي فترة مو متكلم عن اكل وبلعه

وما إلى ذلك

:)

قبل فترة رحت انا ومستر جوكليت الأفنيوز نتسوق

بعد ما خلصنا قلنا خل نتعشى

خو اليوع كان قاضي علي يومها صج

المهم قلنا خل نتعشى أبل بيز

انا مو ذاك الزود مع هالمطاعم تشيليز وفرايديز

يمكن الي يعجبني بس روبي تيوزداي

اما الباجي احسهم نفس الطعم ماكو فرق كبير

المهم طلبنا ميني برجر وستيك ساندويتش مع اجنحة دياي و ربيان مقلي

والطبق الي صاير وين ما اروح اطلب منه اهوه موزريلا ستيكس

اصابع الجبن

انا ادري بعمري من اطلب شي معين بكل مكان معناته اني قاعد ابحث عن الأفضل

الي عجبني للحين مال بلاك اند وايت وماك

مال ابل بيز كبيرة وما احسها عجبتني

عاد الي عنده خبره يفيدني ديكاتي صاير بس ياكل هاليومين

انا اشهد اني بتمبه

بس هم علي بالعافيه

خل ناكل على كيفنا باجر اذا كبرنا المعده تختربب وما ناكل على هوانا

:)

بلالين*

اليوم بالكليه

احد القوائم واعتقد انهم المستقله

مسوين عرس على هالبالونات

بس اشكالهم حلوه مزينه شارع الكليه

لوووول على قولتهم العرس الديمقراطي

ادري عنونا الموضوع غريب شوي

بس امس بالموضوع الي قبل هذا

الإخت جوجا قالت بلالين

يعني بالونات

فقعدت اضحك وانا اقرا كومنتها

اليوم طلعت من المحاضره وكان رفيجي معاي

جان اقوله اي شفت شارع الكليه مكشخينه حاطين بلالين

لووول جان يقول بلالين هذي من اي معجم يايبها اشلون جمعتها جذي اصلا

جان اقول بقلبي الله يهداج يا جوجا زين جذي بالله

:)

تناتيف جامعية

استعداد حق الأنتخابات



انا اقول خل اروح محاضرتي احسن
:)

تصدقون عاد اليوم كان دوامي

كيفان شويخ كيفان

والله متعب بصراحه ما توقعت جذي

يعني لما رجعت كيفان حق اخر محاضره حسيت نفسي تعبان

لوووول

بس الحل عندي وانا ديكاتي

الحل بالصوره هذي


ولك عصير كيفان وما يهزك ريح

باااااااااااارد يسرسح واستعدت قوتي ونشاطي

ورجعت حق المحاضرة الأخيره بكل جأش وجداره

وفي نفسي اقول يا انا يا هالمحاضره

واقتحمت باب القاعه لإثبت عزيمتي على ما قلت

وها هو ديكاتي يصعد السلم بكل ثقه وثابت الخطى

عموما الدكتور اعتذر وررجعت البيت

:)


اليوم احد القوائم طالعين لهم بفنتك يديد

معلقين بالونات برتقاليه على السيارات


طبعا في كذا سياره حاطين عليهاا بس ما قدرت اصور غير وحده

الي يشوف صفة السيايير وعليهم بالونات

عباله سحب سوق الميره

لوووول

ودمتم سالمين

i hate paper

يعني فوق ان الجرح صغير وايد وما يبين

بس العوار والألم شي مو طبيعي

اففففف

شنو وضع بايخ لما يصير جذي

المشكله انها تصير بدون قصد

مجرد ورقه بحال سبيلها وحشتها بالغلط

اخ يا دودو

تحرق الله ياخذها

لوول لازم تشاركوني بالأفراح والأ حزان

آآخ يا صبعي آخ

يالله قولوا معاي كلكم

آآخ يا صبعي

هل انا فائق الذكاء ام هم الأغبياء

ثاني يوم دوام

اليوم كانت محاضراتي بالإداريه والإجتماعية

طبعا الجو قلب غبار

الحساسيه خذت مفعولها من يومين

اليوم دخلت محاضرتي الأولى بالتخصص

بحكم انها اول ماده لي بالتخصص توقعت اشوف طلبة فاهمين اهمه شنو قاعد يدرسون

او على الأقل فاهمين تخصصهم شنو يتطلب وشنو نظامه من المواد الأولى الي خذوها

لكن اليوم شفت شي خلاني اقول اشلون طلبت جامعه هذول

الدكتور بلش المحاضرة وعطانه الورقه مالت التعليمات وكل شي فيها واضح

والدكتور ما قصر شرحها بالتفصيل

ولكن لازم يطلع واحد بسؤال حسباله طالع فيها يعني

الدكتور ذكر ان كل بحث يشترك فيه 3 طلاب

الحبيب: دكتور عندي سؤال (عباله سؤال قوي ومهم)البحث جم واحد يشترك فيه

مو يا غبي قبل شوي قالك 3 ليش تسأل مره ثانيه دام انك مو منتبه

الثاني دكتور راح تاخذ غياب ولا لأ

الثالث دكتور الإمتحان صعب ولا سهل
الله ياخذ ابليسك تونا اول يوم تسأل عن الإمتحان

الدكتور ذكر ان المذكره ناخذها من مركز التصوير بكيفان

الرابع دكتور يعني اروح حق مال التصوير اقوله ابي مذكرت الماده مالتنا بس

تكفاااااااااااااااااااا يعني بتروح تقوله تبي مذكرت الماده الي بالقاعه الي يمنا مثلا

لا لا الشباب صدموني اليوم

يعني ما اقول الكل بس الغالبيه قاعد يقط اسأله جذي

انا لبرهه فكرت يمكن قاعد يستعبطون او ان من صجهم

افف والله حروني صج

ردينا على طير ياللي

مساكم الله بالخير جميعا

ادري قطعت فتره ولكن كان هناك مشاكل فنيه

بس الحين تداركنا الموضوع

هاليومين راح اعدل اوضاعي ونرجع نحش ونقرق
:)

لووول طبعا العنوان لأني رجعت حق العالم التدويني

والسبب الثاني ان اليوم ردينا حق الدوامات والدكاتره

اليوم وصلت الكليه وانا منشرح الصدر رايح اتلقى العلم

لا وابشركم الدكاتره ما داوموا ورجعت البيت خائب الأمل وما تلقيت علم

وصلت الآداب دخلت وطبعا لازم الترحيب الحار من ربع القوائم عبالهم انا مستجد للحين

لوووول

اليوم لاحظت شي غريب ان المستجدين احس بسرعه يبين على ويههم انهم مستجدين

ذكروني بايام الصبى لما كنت مستجد

لووووول

كنت اروح اسأل وين القاعه والكافتيريا وشاد حيلي شايل كتابي

والحين طرق النوت والقلم وبس

وطبعا البوست ما يحلى الا مع بعض الصور
هذا شارع الكليه مسمينه اهني وقت الذروه يصير اهوه والأفنيوز واحد

بس انا خوش ولد مؤدب ما اتمشى فيه انا يالله ادخل محاضرتي وامشي

:)

ربع القوائم بإنظار الفريسه الي اهوه المستجد خنت حيلي ما يدري ان نواياهم مو حسنه

وهذا السكوير العجيب هادي احسن من الثاني وهذا يمه المكتبه تمام والكافتيريا جباله

يعني الوضع اهني كول

عاد اليوم الصبح كان الجو صج صج حلو انا واقف بالدور الثالث عايش الجو

بس الظهر اخترب طبعا للأسف

شفتوا القعدات الي مظلاتهم لونهم وردي اتوقع اهني كان مقر ابله خرروفه وربعها

لووول وباجر انشالله اوافيكم من شويخ

واي الواحد ما بقى يقرق شويه

والله انا اذا ما تكلمت يحوشني كبت لازم اطلع البي بخاطري



:)