ابداعات سوق الكويت

صبااااااح الخير

اليوم يايبلكم بعض السوالف الظريفه الي بسوق الكويت

مو قتلكم بالبوست الي طاف اني رحت اهناك

ولكن قلت اخلي هذاك البوست وطني بحت

اما هذا حق الضحك

:)

اول شي

لوول السيجا ام شريط

اصلا ما ادري اذا في اشرطه لها

بس اهم شي مكتوب عليها اصلي

يعني دربالكم مو بو طقه

اديديداس

يقولك اصلي شد بلاده ما يتعامل

انا عاد كنت خابر في اديباس

بس هذي يديد علي

حتى ماك عندهم استخدامات وستثمارات ثانيه

يعني موبس مطاعم

وانتوا بكرامه حتى جواتي

:)
اهني اعتقد صوب سوق الحريم لقيت خوش شي

ومطلوب هاليومين:)


لوووووول الشماغات الملونه الي هابين فيهم

وسعرهم دينار

يعني لو تكاسره تاخذه ب750

يا بلاش يا بلاش


اما هذا جوكليت لما شافه يقولي شنو هذا رقي صغار

لووول

ولكن لما سألنا طلع هذا باذنجان اخضر

اول مره اشوفه

احنا الأسود وساعات يصير مر هالمره اخضر الله يستر

--------------------------------

احم احم يانا الغيث

الوالد قرر يجدد اشتراك النت كلولولش
:)

عيدي يا كويت

اول شي كل عام وانتوا بخير

والله يحفظنا لنا كويتنا ويحميها من كل شر قولوا امين

:)

اخخخ المشاعر الوطنيه مطفحه عندي اليوم

لووووووووووووول

طبعا ديكاتي سابق للاحداث دوما

لووول بس المجالات الي اهوه يحبها طبعا

فأمس رحت مكانين مختلفين عن بعض تمام الإختلاف

علشان اشوف مظاهر الإحتفال بالعيد الوطني

اول شي رحنا الأفنيوز

:)

طبعا صباحي ماكو ناس وايد الجو هادي

احم احم وديكاتي لابس الزي الشعبي

يا ويلي علي بس

المهم

اول شي عندنا هذا الاخ الي يشتغل بالتنظيف بالأفنيوز

واهوه يمسح الأرضيه جان الكش على ايده هذي

لوووووول كاشخ ولدنا

بعدين اتجهنا إلى بروي بروي عالم جميل

اووو عالم جميل هذي مو مالت زين

المهم بروي كان عندهم الحدث الاكبر

والي يبي يودي عياله ترا مزهبين خوش جوائز اهناك

واهني السوالف الي مسوينها



لوووول اهني الزرافه ترا شكلها عجيب

احسها مفهيه دايخه

:)


واهني واحد من الي يشتغلون

والله خوش ابتسامه عليه من الصبح تفتح النفس

مو نفس الي بمحل سفيرا استغفر الله احس شالعينه من الفراش غصب

:)
--------------------------------------------

ننتقل إلى سوق الكويت

:)

عاد هالمكان صج عجيب كثر ما تحوس فيه ما يخلص

يا سلاااام ولا هالشارع لووول

لازم كل عيد اكون موقع فيه

شارع الغربللي

او شارع المسقف




اهني ساحة الصفاة ترا حدها خوش بس فاضيه وايد
مدينة الكويت من الأفق البعيد
لووول انا كويتي انا انا قول وفعل :)
لووول وهذي طاقيات العيد الوطني

:)

انشالله الصور يازتلكم

لوووول على قولة الدكتور احنا لازم نرضي الزباين

:)

نشوفكم على خير يا ربع وربيعات

------------------------------------------

واخيرا مظاهر الإختفال

ولكن على طريقة ديكاتي



لووووووووووول عبالكم بعد كل هالدواره الواحد ما يحكه اليوع

واهني بيتزا هت هم محتفلين

وصباح الخير

وكل عام وانتوا بخير جميعا

morning-benjamin button

صباااح الخير

:)

طبعا الله خلق النهار للعباده وتعمير الآرض

والليل للراحه و النوم

طبعا وواحد مثلي لازم يحافظ على هذي الأشياء

لووووووول مو جني مواصل

المهم

امس انا مواصل جان يدق علي مستر جوكليت ها تروح بكس نقعد

قلت يالله فرصه بالجو الحلو هذا

والله وطلعنا وطبعا لازم زحمة الدوامات تحوشك

ولكن الجو هم حلو وانا كنت منطلق بالسوالف

:)

وصلنا بكس قرينا الجريده وطبعا تضيق الخلق ماكو شي يوسع الصدر

على طاري الجرايد ذاك اليوم جوكليت قاعد يقرا احدى الجرايد جان يقول

الحين بأمرييكا والربع لما يساوون مناورات يسمونها بلاك ايجل

ولا بلاك فورس يعني شي من هالمسميات القويه اما احنا


لوول( فزعه2 )لا ومرقمينهم بعد

بعدين قلت دام ماكو شي جان اييب قهوتي واقعد اطالع برزن بريك

والجو كان هادي صج واستتمتعنا بالمشاهده

--------------------------------------------------------

الظهر طلعنا انا وساد سمايل

قعدنا نتمشى ودار الحديث التالي

قاعد نقول الحين احنا ليش مجتمعنا يحوشه مرض اذا التزم بالشي

وبصراحه انا وساد عايشين هالشغله

يعني لما يكون الشارع 80 احنا نمشي 90 او 100

اذا كان الشارع 120 احنا نمشي 130 او 140

ما ادري ليش لوووول

لما تروح تبي تشتري شي

يقولك اخذ هذا وادفع هالكثر زياده وتاخذ شغله ثانيه معاه

مع انك مو بحاجته ولكن ليش انهم مسوين عرض لازم تاخذ

لووول نفس مره بغيت اشتري تلفون جان يقولي زيده 30 واخذ تلفونين الي تبيه والثاني سعر مخفض جدا

لووووول طبعا دوده ما تقدر فلازم تاخذ

:)

ما ادري يا جماعه هل انتوا جذي بعد؟

بعدين رحنا السينما حق الفلم العجيب

بنجامين بوتون

الفلم كقصه اول مره اشوف مثلها يعني قصته فيها ابداع حلو جدا

الأدوار هم حلوه والشخصيات الي كانت تمثل يعني متعوب عليه

على قولت جوكليت مثل هالقصص واالأفلام ما تشوف منها وايد فإستمتع فيها

بصراحه الفلم حلو ويستاهل بس مو تسوون مثلي وتروحون وانتوا مواصلين

لوووووول لإن الفلم طويل وايد تقريبا 3 ساعات الا ربع

طبعا انا غفيت مرتين داخل

بس ساد مناشبني كل شوي مقعدني

والله دخت صج دخت

ولكن فلم حلو ويستاهل
---------------------------------

الفتره اليايه ما ادري شنو راح يصير لإن ما راح اجدد اشتراك النت

ولكن راح اشوفلي صرفه

:)

نشوفكم على خير

روبي الثلاثاء

المقصود ب روبي الثلاثاء

يعني
ruby tuesday

هالله هالله هذا اهو المطعم الي صوب الأكوابارك

لووول شدعوه ديكاتي خو الناس تعرف

:)

المهم اول امس انا مع مسترجوكليت رحنا على بو ان مشروع عشى

ودخلنا والإستقبال حلو وكل شي تمام

واحلى ما فيهم الديكورات الي معلقينهم بالسقف

لوووول

طلبنا البرجر والسوالف اللظيف

وطبعا لازم اجرب اصابع الجبن

وبصراحه اصابع الجبن الي عندهم اقدر اقول عنها انها صج حلوه

يعني من زمان ما اكلت مثلها بصراحه

:)
اما منيو العاصير الي عندهم فعجيب
لووول يعني اهمه حاطين لك من يوم الأثنين إلى يوم السبت كل يوم عصير شكل

لما وصلوا يوم الأحد شكلهم توهقوا فقالولك تقدار تختار اي عصير من الأيام الي طافوا

:)


اما صمونة البرجر فكانت شي عجيب

اللحم حلو وكل شي فيهم تمام

الاااااااااااااااااا

طبعا مستر جوكليت لازم يفصل البرجره حبه حبه

يطلع الطماط والمخلل والسوالف الي ما يبيها

وأثناء قيامه بهذه العمليه

وجد على احدى المخللات شعره

:)

لوووووووووووول طحنا عليهم

ولكن انا ما ردعني شي كملت اكلي خلصت الحمدلله شبعت

وشربت عصيري

والحين صار دورهم

طبعا مستر جوكليت يوزني يقول ناد المنجر مالهم

:)

والله عاد شدعوه استحيت

دام اهم شي ترست معدتي ماكو شي راح يشوش على تفكيري

والله واناديه

جان اقوله الحين سيرفسكم حلو واستقبالكم حلو واكلكم هم حلو الا شي واحد

قالي شنو

جان اوريه المخلله

لووووول طبعا اتوهق

جان يقول اي هذي يمكن رمشه او من الحواجب

لووووول المشكله ان الشعره طويله شوي شدعوه رمش او حاجب هذا طولها

وطبعا اثنين من الي يشتغلون واقفين معاه

فالناس تطالع طاولتنا شنو الموضوع

لووووووووول

وانا قاعد اشرحله وهذاك متوهق جان يشيل الصحن ويعطيه الجرسون قاله وده داخل

واحنا اسفين وبعد شغله مو بإيدنا

انزين الشغله مو بإيدك انا شكو اككل شي مو نظيف او في شعر بالله

لوول قلت انا مو راعي مشاكل بس كافي ان عطيته لفتت نظر

عاد جان اقول حق المدير انزين ييب الحساب

جان يعفس ويهه مو عاجبه

ولكن بادلته بنفس النظره

فحس الشر طالع من عيوني

لووووووووووول

لما ياب الفاتوره

واحنا اسفين وما ادري شنو اخر شي ولا طلع ماعطينا خصم

لوول يالله طلعنا منهم بفايده

بس تجربه جيده ولكن المطعم بعد هالموقف

اعتبره عادي جدا واذا بروحله مو حبا فيه ولكن تغيير فقط

-----------------------------------------------------

يقولكم السؤال الي دار بيني وبين مسترجوكليت

اوكي الحين احنا اكلنا من مطعم

واكتشفنا شعره بالأكل

ليش تلوع جبدنا ونتنرفز

مع انها كلها شعره يعني؟

طبعا انا والسلم جاوبنا على هالسؤال وطبعا بالنهايه ما كنا نقبل ان يصير هالشي

لإن هالإنسان الي طاحت من الشعره ما تعرفه

ولا تدري عنه شي

غير عن اكل البيت لما والدتك او اختك او احد يصيرلك يطبخ

وانتوا شرايكم شتقولون؟

وعكه ميكانيكيه

هي هي هي

هاااي جميعا

الكل يدري ان الأسنان تمثل العمليه الميكانيكيه لهضم الطعام

واهي المرحله الاولى

لووول ادري مو حصة علوم

ولكن مقدمه للموضوع فقط

اليوم قلت بما اني مواصل خل اروح حق الأسنان خل يرقعون حشوتي الي طاحت

اهوه مكان الحشوه ما يعور بس لما اكل عليه اي شي اقوم اناقز

والله شديت عزمي ورحت

طبعا دام اني مواصل فلازم يكون رقمي واحد

اهوه صج رقمي واحد ولكن الدكتوره الي سجلت عندها متأخره

يعني تنقعت شويتين

دخلت إلى الغرفه جان اشوف الكرسي المرعب مالهم

اففف حاشتني الكآبه

قتلها المشكله وقتلها شتسوي بعد

لوول لإن لما قتلها الحشوه طاحت قالت حق الممرض زهب انجكشن

انا عيوني طلعت

هوب هوب شنو انجكشن خو كلها حشوه بتحطينها وتهوسين عليها وخلصنا

لووول جان تقول اوكي

بالبدايه سألتني اي ضرس

قتلها شوفي اهوه يا الأخير او قبل الأخير

بس اتوقع قبل الأخير

لووول جان تطالع قالت يا حظي الأخير اشفيك مضيع

لوول قتلها خو كله عوار ما اقدر اثبت

قتلها شوفي ترا انا اول مره اسويها واغسل سنوني 3 مرات بساعه

جان تقولي اخيه والله انك شاطر

قتلها والله مو مني بس بصراحه انتوا تخرعون


:)

صدمتها

هي هي هي

المهم حطت حشوتها وما ضل قطن ما حطته بحلجي

وحياتكم يمكن 7 دقايق وانا مبطل فمي

الي طلعت احس حلجي كبر

بس الحمدلله امان

لا وقبل لا اطلع جان اقولها انزين الحين يصير اكل

جان تضحك

قالت خو بسم الله تونا مخلصين مداك قلت باكل

لووول بصراحه انا ما كنت يوعا ولكن قلت خل اسأل تحسبا لأي طاريئ

طبعا قالت اكل عادي بس لا تشرب شي ملون علشان ما تصبغ الحشوه

عاد قعدت افكر يبيله اسوي حركه اصبغها

ممم اشرب شاني علشان احمر ولا مشروب الطاقه علشان اصفر

لا بس الأصفر يبين وصخ مو شي

لووول عادي فصلت بس ما سويتها

وانا طالع تقولي اخذ مسكن يمكن يحوشك عوار

قتلها لا يمعوده ماكو عوار ما ابي المسكن

وترجع تقولي خو اخذه انت ما تدري

وانا اقولها مو محتاجه

اخر شي جان اقولها عطيني عطيني دام مال حكومه مو مشكله

شلختني الا تاخذ مسكن


رجعت البيت

فقلت لازم اتأكد هل شغلها اوكي يعني حطت الحشوه عدل او لأ

هي هي هي

جان احط هالطبقين جدامي واطيحله

واكل على الحشوه

طبعا على ابو ان بتأكد اذا اوكي ولا لأ خلصت نص العلبه

ولكن الحمدلله جت سليمه

الحين نرجع حق نشاطنا الأكولي

:)

أين العدل بالموضوع؟

الموضوع هذا يعتمد على تعليقاتكم

ولا تخافون ديكاتتي ما خرف ولا ضربت فيوزاته

ولا وصلت إلة مرحلة الإلحاد

ولكن التفكير بقضيه معينه شي حلو

خصوصا لما تتواجه الآراء والأفكار الي راح تقولونها


ورجاءا لا تبخلون علينا لإن صج هالسالفه فكرت فيها وايد

واييكم الموضوع

الحين انا انسان مسلم

معناته انخلقت والإسلام موجود فيني بحكم ان اهلي مسلمين وإلى نهاية الشجره

للحين احنا واضحين

وبخلاف ذلك هناك انسان يهودي ومسيحي

هذا الإنسان اليهودي والمسيحي صار على هالديانه بحكم البيئه او اهله

حلو احنا ما اختلفنا لما الحين

الله سبحانه وتعالى راح يدخل المسلم الجنه واليهودي والمسيحي النار

وهذي ما تحتاج تفصيل

اوكي الحين انا انخلقت مسلم راح ادخل الجنه واهوه انخلق مسيحي او يهودي ويدخل النار

وين العدل بالموضوع هذا

اهوه شنو ذنبه لما انخلق على هذي الديانه

طبعا رجاءا حق المتعصبين لا تدخلون يمين ويسار اخذوها مثل ما انا كتبتها بدون حالات شاذه

يعني لو انا مسيحي راح اظن ان ديني صحيح واليهودي والمسلم كذلك

كل واحد يقول ان دينه اهوه الصحيح

بالنهايه وين العدل لما انا انخلق مسلم وغيري يهودي ومسيحي ؟

اتمنى ان تكون النقطه وصلت

واذا في شي مو واضح عطوني كومنت

والموضوع كله على سبيل النقاش لا اكثر

اليومين الي طافوا من هنا وهناك

ترا القطاعه شينه يا ديكاتي

ولكن

من بلشت العطله ماكو غير نوم وسهر ولا طالع

طبعا طالع مو لله

يعني لازم يكونون مكدشيني

اول امس العايله الكريمه سافروا وديتهم المطار

وطبعا وكعادة مجتمعنا لازم بالعطله يكون المطار زحمه

لما رحت المطار شفت منظر عجيب

لووول كان ودي اصور بس كانت صعبه شويه

ولكن عند باب المطارشلة من الحجيات قاعدين بشكل دائري

وبالنص حاطين قدو او شيشه مو مبين

وااااااا خزياااه يا جماعه

يعني قاعدين بمكان يمثل واجهة الكويت بالنسبه للسياح

والناس تمر وتشوفهم

بس شنقول حريم كبار

حتى المسئولين ما قدروا عليهم

خلصنا من المطار وطاف اليوم على خير

------------------------------

اليوم الي بعده

طلعت الصبح حق جم مشوار وبالليل

طلعت مع الزميل والصديق (ركز على زميل وصديق)لوول

طلعت مع معاذ

هي هي هي اهوه صج كله مطفرني ومشلخني بس هم خوش ولد

رحنا قعدنا بقهوه والجو حلو وطحناله سوالف ولعب ونت

وبنص القعده انضم لنا
3beedo

وهم سوالف وطبعا لازم نصور

على قولة معاذ انا صاير محرر صحفي بس امشي واصور

لووول

بعدها طلعنا من القهوه رحنا قهوه ثانيه علشان نلعب
ps3

ادري ماكو شغل بس شباب شنسوي بعد


اهني بسيارة معاذ من كثر ما يدوس الصوره كله تهتز ما طلعت واضحه

:)

وطبعا الحلوين اثنينهم عذبوني

واثنينهم كانوا متعشين

انا مو ماكل شي من الصبح

فلما صار بليل فصلت قمت اهلوس من اليوع

واحن عليهم يوعان ويوعان

وهم محد وداني مطعم اخر شي اضظريت اطلب من مطعم قريب يم القهوه

لووول طبعا اول ما وصل الأكل على قولتهم مالي حس مشغول بالأكل

عاد اهمه قعدوا يناجرووني

:)

----------------

امس انا وساد وجوكليت

رحنا سينما

هالفلم انا شفت التريلر ماله عالسريع

بس يا جماعه الشخصيه ظريفه وشكلها حلو

فلم الفار بو اذون كبار

لوووول الفلم لا بأس فيه بس هم انا عجبني وايد لإن الفار هذا شي عجيب

لدرجة ان يقدر يطير بأذونه

:)

طلعنا من سينما الفنار رحنا الأفنيوز

تمشينا ورحنا مطعم مياس لتناول وجبة الغدا

واالله انا كنت مكلم نفسي وقايل اني مسوي رجيم

علشان جذي ما اكلت وايد

واكل هالمطعم كان عادي جدا ما في شي زود

بعدين تمشينا ورجعنا حق المطاعم وكلينا من دندرمه

على قولة ساد اصل الإسم سوري والي يشتغلون فلبينو بالله وين صارت هذي

والله لا بأس فيه هم مع ان كل الي موجود فنيليا وجوكليت

والقفاش ملوتهم مثل العود مال الطبيب بما يبي يفحص بلاعيمك

بس هم اكلت اهم شي نحلي

وبعدها هم
3BEEDO

كان موجود بالأفنيوز

صرت اشوف هالولد اكثر من ما اشوف ابوي

:)

احتفال بعيد الكويت الوطني بس على طريقتهم

لووول

لا لا صج مبدعين الي عندنا

اول شي سؤال يطرح نفسه

الثلاثه اشلون تنكتب بالإنجليزي

جذي 3 صح

لووول ولكن اعتقد ان الي عندنا يختلفون معاي بالرأي

لووول شوفوا الربع شمسوين

ترا انا مالي شغل

بس الي علي نقلت الواقع كما هو بدون تحريف ولا تزوير

:)

والله شر البليه ما يضحك

ديكاتي -انطلاقة تدوينيه بدون توقف

احم احم احم

لووول انا مو متعود اكتب عن هالسوالف

ولكن اقدر اقول اني كملت شوط كبير بالمشوار التدويني

واقدر اقول اني حققت نجاح ما كنت اتوقعه بالنسبه حق مدونه صغيره وسوالفها عاديه

طبعا اولا واخرا الفضل حق كل الي يتابعون المدونه

والي يحطون تعليقات تخلي الواحد يكمل وما يمل

:)

اهئ اهئ لا لا تبجي

هي هي خنقتني العبره

بس اليوم اقدر اقول اني طفت اكثر من سنه من فتحت هالمدونه

وكتبت 224 موضوع في مختلف الأشياء

لووول يمكن 200 موضوع عن الأكل وال24 الي باجيه تناتيف

وطبعا حشيت بوايد ناس وتطنزت وضحكت

ولكن كله على سبيل المزاح واسف اذا جرحنا احد مني مناك

يعني الواحد يخطأ بس هم الواحد ما يقدر يمسك نفسه اذا شاف شي يضحكه

طبعا اخوي الصغير والوالد الله يخليكم لي

ادري شلختكم بالمدونه بس هم امون صح

ومجموع زوار المدونه من اول ما فتحتها
37850

ممم ترا خوش شي مو

:)

وايضا ما انسى الربع الي شاركو بالصور والأفكار الزينه

وشكر خاص جدا جدا جدا جدا جدا جدا

حق الدزاينر الي سوالي هالثيم الحلو وايد

وبصراحه ابدعت

ولو انه يقولي شكله مو حلو خل نغيره بس انا اصريت عليه

وابي رايكم بالتصويت الي راح احطه على اليمين

والسلام مسك الختام

-------------------------------

انتقال من شخصيه الي فوق

إلى شخصيه ديكاتي الأصليه

للوووول

الا اقول بذمتكم ما بدعت بالي كتبته فوق

هي هي هي عبرت عن مشاعري عدل

اخيييه عاد الحين صج صج يوعان

نشوفكم على خير يا جماعه

:)

جولة بالفحاحيل* السعيد:)

يو يو يو بويز اند قيرلز كيف الحال
:)

ذاك اليوم انا مع شقيقي العزيز ساد سمايل

قررنا نروح اسواق الفحيحيل الشعبيه

لووول ادري ماكو شغل بس ملينا من الروتين وماكو شي نسويه

طبعا احنا رحنا يوم اليمعه

معناته الوافدين اهناك تارسين المكان

المهم وصلنا والحمدلله لقينا خوش موقف

وابي انوه عن شغله

الي يقول التكاسي الجواله شكثرها اهني عندنا صوب السالميه وربعها

انا اقول روح فحيحيل وشوف التكاسي الجواله على اصولها

والله شارع ما تلقى في الا جم سياره عاديه ولا الباجي كله تكاسي

لا ويتفنون بالهرنات

حتى لو انت تمشي يم الرصيف يطقلك هرن

لوول يمكن عباله راح اغير رايي اخلي سيارتي واركب معاه

المهم دخلنا الى السوق الشعبي مالهم

طبعا لأول وهله تشوفونه راح تتذكرون سوق المباركيه

بعدين اتييكم اسامي المحلات الي صج صج ما ادري اشلون عطوها هالأسامي

انا وساد صرنا بس نمشي ونقرا اساميهم ونضحك

لا الوضع كان صج مو طبيعي اهناك

واتييكم الصور

خو هذا اسم افتكار من قريته وانا احسه قاعد على جبدي

فقلت لازم ارجعله واصوره

شنو غثيث اسمك يا اخي

لووول اما على قولة ساد

هذا الأرنب الجائع بس نسخة فحيحيل
:)

لووول وطبعا مو زين تمرون وتشمون ريحته اففففف كلش مو زين

اهوه الإسم بروحه يعفس المعده هالمره اكل منه

والله مالك امل

لووول اما هذا احلى شي حصلناه بأحد المحلات

انا شايفه من قبل بس هالمره سمحت الفرصه اني اصوره

انا اقول بس الله يخلي نعمة العقل

بس بعرف منو الفاضي الي مخترع هالغوري

البنك الوطني مالك امل تدش تسحب

والله عندهم فلوس هذول

لوول تهقون نزلت اعانتهم

:)

-------------------------------

صور الغيوم هذا شي لابد منه

------------------------------

صورة شارع سالم المبارك بعد افتتاح هلا فبراير قلبي طاير من الفرحه هلا

اووووو لووول جني غنيت الغنيه كلها