taken-movie

هاي بيبول صباح الخير

قود مورنينغ

:)

شحالكم شمسوين

حق الي يقول بقلبه اكيد ديكاتي بيتكلم عن اكل


الموضوع ترا ما في اكل اليوم

اليوم انا مع
3beedo

قلنا نطلع لإني حدي كنت مغموت مالي خلق

قلت نغير جو شويه

طلعنا تمشينا عالبحر جان عبيدو يقترح ندش سينما

ومالو ندش سينما ما ورانا شي

رحنا سوق شرق شفنا الأفلام طبعا لازم اتصفح المجله اقرا نبذه عن الفلم

قلنا ندش
taken

انا شفت مقاطع منه شكله حلو

عاد على حظنا ان العرض الياي باقيله ربع ساعه وييبلش

والله حجزنا وخذينا نفيشنا ودخلنا

الفلم بالمختصر حده روعه

صج كان في تقطيع شوي

بس فلم قوي والبطل كان عجييب

بصراحه نقدت على فلم جيمس بوند الي دخلته اسبوع الي طاف

هذا الفلم كان احلى حتى الاكشن كان عجيب

----------------------------------------

صار موقف بالفلم ان البطل دخل على بنات مختطفينهم ويخلونهم ياخذون مخدرات

المهم ان في وحده ماتت

وحطوا الإبره

جان عبيدو يقول اكيد جرعه زايده

لوووووووووووول اهني بلش الضحك

والله هسترنا انا معاه

اقول حق عبيدو بعد مخدرات وفي واحد ميت ماكو غير الجرعه الزايده

بعدين قتله

انت ما تشوف نص عيالنا كلهم ميتين بجرعه زايده والجرايد ما تقصر

شاب ما ادري شنو وجرعه زايده

هندي ما ادري شقصته وجرعه زايده

مراهق ما ادري شسالفته وجرعه زايده
جان اقول

يعني الحين انت يالي مقرر تفقد وتاخذ مخدرات

يعني ما عندك
limit

يخرب بيت هالشعب الي كل ما واحد ادمن الا بعد جم يوم ميت بجرعه زايده


لوووووووول ماكو كنترول كلش

خو تبي اخذ شويه مو تزيد الجرعه ونبتلش فيك

لا واليوم بالجريده كاتبين امريكا ثاني او ثالث دوله بزراعة المرجوانا

والحبايب حاطين هيئة ما ادري منظمة محاربة تجار المخدرات

التناقض ازرق ولا احمر

:)

الله يحفظنا ويحفظكم من كل شر

بس هم دربالكم من الجرعه الزايده

يوم طوييل وختامها مسك

هلاااااااااااااااو يالربع والربيعات كيف الحال

لحظه خل اقوم ابطل الليت ظلمه بالغرفه

برب ثواني

اي باك

لوووووووول

اليوم من الصبح طالع لما الحين توني داخل البيت

يبووووووووووووي شكثر تعبان

هي هي بس لازم نسوي بوست شطانه بعدين نخمد

اليوم كالعاده صباحي الدوام قمت وانا متكيسل مالي خلق

رحت الدوام خلصنا احصاء وبعدها مادة بالإدارية

والمليق باليوم هذا ان عندي مختبر احصاء من 1 لما 2

بس انا اطلع مبجر من الإداريه والحق على مختبر 12 لما 1

ولكن اليوم الله يهداه الدكتور اخرنا وايد فما وصلت بالتايم المناسب

وكانت المعيده طايره فما فهمت شي

واظطريت اقعد نص المحاضره الاولى واقعد حق المحاضرة الثانيه

صج مليت

بين المحاضرتين قعدت اسولف معاها

عن الدكاتره واشلون ان بعضهم ما يقدرون يوصلون المعلومه للطالب

وقتلها الدكاتر المفروض قبل لا يدرسون يعطونهم دوره في توصيل المعلومه واسس التدريس

خو مو كل دكتور معناته فاهم ويقدر يفهم

وبعد سولفنا بمواضيع مختلفه

طلعت من المحاضرة قلت اخاف ارجع على الخامس يكون زحمه قلت اخذ البحر

ولا هم زحمه غريبه

ولكن عند جسر المرينا طلع في حادث

كان ودي اصور بس مالي خلق ومتنرفز من الطريج

وخصوصا القيزي الي كان قاعد يتحرش بوحده جدامي افففف زهقني

المهم الظريف بالحادث

ان الي داعمين بورش ومرسيدس وجاكوار والبدلية الي بينهم الهونداي

لوووووووول

كل ما اقول حق واحد السالفه يقولي حلاته راعي الهونداي اهوه الي غلطان

جان الله يعين شنو يصلح شنو يخلي

:)

المهم وصلت البيت ولا ابوي توه بيطلع

جان ينزل الدريشه ويقولي ود اخوك المعهد

انا كنت بعفس ويهي لإني تعبان ومالي خلق

بس شفته فتح البوك اهني قلتله افا عليك بس

ما طلبت شي انا اوديه وارده اذا تبي

لوووووووووول كللش مو مصلحجي

المهم قبضنا جم بيزه

وديت اخوي

ودقيت على عبيدو وطلعنا

وبليل كان ختامها مسك حده

رحنا انا وعبيدو وجوكليت مطعم بندروزا

يا سلااااااااااااااام

عاد ما كنت متغدي فيعني اليوع كان حده

ما يبيله طقيناها بوفيه

طبعا في بعد اقسام من البوفيه بس ما قدرت اصور لإني كنت مشغول

تدرون الرجيم لزوم تاخذ بوفيه

اي هين يا ديكاتي

انا ما كليت وايد عاد كله خفايف

عاد عبيدو مو تفضحنا
:)

بس صج حلو المطعم

شغله كويس

واحلى شي عندهم مكينة البرد يا سلاااااااااااااااااااااااااااااااااام


طبعا اخدم نفسك بنفسك من اكل وحلو وحتى الشرب

ولكن بدعنا اليوم

احلى شي لما يكون يومك طويل وتختمها بشي حلو

:)

سوق السالمية(سالمية ستايل)صوب دوار الجوازات

سعر البوفيه 4 و 600 يعني قول 5

بس حلو ويستاهل

يوم الكفاح

مساااااااااااااااااااااء الورد

اليوم يوم الكفاح وعصرة المخ

اليوم ما ادري شقول

ترا حدي مقفل

بس من كثر التعب مو يايني نوم

احس في باور بس مخشوش فقلت اطلعه بالبوست هذا

اليوم طبعا مثل ما قتلكم حق الي متابعين مغامراتي

اليوم عندي امتحانين والسبب الأخ الي رفض يأجل الإمتحاان

بصراحه اليوم من كثر ما انضغطت وحسيت وايد امتحانين دعيت عليه

بس هم الله يسامحه

المهم االيوم ما نمت عدل طبعا قمت رحت الجمعيه خذيت صمونة الفيصل طبعا زعتر يعني طالع فيها بصير ذكي ليوم واحد

وخذيت باور هورس مشروب الطاقه علشان اقص على نفسي اني راح يكون عندي باور
شويه

مشكلة الإمتحانين ان احس ما اقدر ادرس شيين مع بعض صعبه

فإختصرت الموضوع

ودرست نص من الماده الأولى ونص من الماده الثانيه

والباجي على الله

واتجهت إلى الكليه وقفنا بالمواقف وقلت اراجع

والله دخلت الإمتحان الأول وقدمت طبعا خرتها شويه بس مو مشكله الإمتحان ما كان صعب وايد

طلعت اول واحد ورحت الإداريه حق لإمتحان الثاني





طبعا اهني الحاجز وتحت الطلبه الي قاعدين بالكافتيريا

ولا تسمعون الإزعاج يبووووووي

شلخونا

خو البنات شكثر يسولفون صوتهم شاق الأرض

الله يسامحك يا دكتور ما لقيت الا نمتحن اهني



لا واهني الشباب قاعدين

لوول وانا اطالع الصوره اقول كلهم دشاديش الا انا الصايع لابس جينز

هي هي يالله عادي


ولا حاطلنا 20 سؤال صح وخطأ قلت يالله على بركة الله

هي هي هي

خلصت الإمتحان ب10 دقايق ومال خلق اراجع تعبان

قلت حق الدكتور بطلع

جان يقول لما 11 ونص تقعد

والإمتحان مبلش 11

عاد انا بروحي كنت ابي البي نداء الطبيعه

وهذا يقولي انطر لما 11 ونص

يا عمي يمين يسار ماكو الحبيب ما يبي يطلعني

بس قال يالله الي يبي يطلع

ما تشوفون الا ديكاتي اول واحد قام

عطيته الورقه بغيت اقوله اخذ ورقتك فكنا بس

طلعت توجهت للسياره

وطيران إلى البيت

(الجمله هذي اهداء حق شلالات )اهي فاهمه ليش

لووووووووووووووووووووووول

المهم وصلت البيت والحمدلله الأمور جت سليمه

قعدت شويه قلت لا انا صج تعبان بس ما ابي انام

ولا اييني فون ديكاتي يالله سينما


يهببببببب محد يطوف سينما

جان اقول خل اروح حق البربر احلق لإن اللوك مال الإمتحان كان مو شي

طلعت من البربر ورحت الفنار ودخلنا فلم

nicolas cage - bangkok dangerous



الصوره خذيتها بالفلم بس خوش لقطه ولا شرايكم

انا شنو احب افلامه هالولد

صج صج مبدع يعجبني والفلم مش بطال يعني

وايد حلو ويستاهل

بس اليوم ماكو اكل علشان ما تملون كله اكل اكل اكل

هي هي
-----------------------------------



الي يدخل الإداريه ويبي موقف يشوف الحلو بو الأزرق وين واقف

تلقون لازم يمه موقف فاضي

الله يعطيه العافيه موفر علينا الدواره اول ما ادخل ادوره اهوه وينه واروح صوبه

تلقونه يأشرلي في موقف اهني

:)

الجامعه موفرين لنا كل شي لا اله الا الله عليهم

لك شو كبابات ولحمات

مساء الخير

مساء الورد

مساء كل شي حلو

ديكاتي حايشه فراغ عاطفي هاليومين

:)

طبعا وكما تعودتم على المواضيع الي كلها رجيم وصحه

مثل ما انتوا شايفين ان الجو قام يبرد ويحلى

وبالجو هذا ماكو الا تحط دوتك وفحمك وتزهب عدتك واشوي على كيف كيفك

اليوم يايلكم بأحد اقوى المشاريع الي صارت هالشهر

اسبوع الي طاف كنا مخططين انا وساد ان نشووي وشد على ايدينا مستر جوكليت بالموضوع

وصارت الصجيه يوم اليمعه

طبعا يبنا اللحم والبرجر والعرايس والطاووق

وعليهم ذيج التتبيله الي ماكو منها

وطبعا شغلنا كان هوم
made

ومستر جوكليت لازم يبدع بسوالف الصوصات (صلصات) والحمص الي ما يخورش الميه

وطبعا الشي العظيم الي كان موجود الطحينه الزينه من سالم ولد بوسالم

بالبدايه وصلت وقعدنا انا وساد نزهب العده ونقص الخبز ونعدل الشغل

قاعدين بالحديقه الي مفتوحه على الشارع وكل من يطوف ويشوفنا

وطبعا دام ماكو شغل ساد قاعد يلعب بالنار خصبقنا الله يهداه

بس بالنهايه حرق صبعه لووووووووول


وصلوا الشباب واشتغل الشغل

طبعا بداية واحنا قاعد نشب الفحم الشباب ما قدروا يصبرون

كل واحد حطله صيخ هوت دوق وحطاه على الفحم

على قولتهم تصبيره على ما يحمى الشغل

واستلم الشيف ديكاتي الدوه وجابل الصياخ

هذا استوى وهذا يبيله بعد شويه وهذا للحين

لووول المشكله لما تاكل شي مشوي ما تحس انك شبعت ولكن اييك احساس ان معدتك انترست بس

والحلو بالموضوع ان جيران ساد كل واحد يمر يسلم علينا

لووووووول لا وفي واحد ضحكني لما شافنا قاعد نشوي قال يمر صوبنا

لما مر خلص جان ساد يقول هذا عمره ما طلع من صوب بيتنا شعنده اليوم ياي صوبنا

المعنى في قلب الشاعر

هي هي هي

من كثر الي قاموا يمرون ويسلمون اخر شي احنا من نشوف واحد قمناا نسلم قبله

لا وهذا واحد جار ساد مر علينا سلم يقول حق ساد عاد انا كنت يايب جباتي بغيت اقولكم ها تبادلون

لووووووول


والجو كان حده عجيب

ولما خلصنا كل واحد خذاله ربعه بالدوانيه وانبطح

بعد هاليوم الشاق ترجع البيت تاخذلك شور صج صج تحس انك خدرت

يا سلااااااااااااااااام

ترا انا للحين ماشي بالرجيم خو المشوي ما يزيد الوزن

مو تقولون بعد

------------------------------------

اليوم طلعت مع ساد الظهر

كان في جم مشوار

بعدها رحنا على البحر

يا جماعه الإعلانات الي على البحر كلها عن الأكل

والله مليت كله اكل اكل اكل

بس خلاص

شنو هالشعب الي بس ياكل

احم احم ديكاتي انت اخر واحد تتكلم

لا بس صج يعني

والله انا بتحوشني عقده من هالأكل

متى بس نسكر هالحلج شويه

لا وساد يقولي امش باسكن خل ناكل شي

والله رحنا وصج ما طلبت شي بس قاعد اطالع ساد

والناس رايحه كل واحد لاهي بأكله

كثرة الأكل مو زينه ياما قتلهم بس محد يمسعني

لووووول قول حق نفسك اول

بس انشالله انشالله رجيم خلاص

:)

خربوها ولد بوند

اسبوع الي طاف حضرت فلم جيمس بوند

طبعا الكل يعرف سلسلة الأفلام هذي

انا ما تابعت الأجزاء القديمه كلش

بس لحقت على الجزء الأخير وقبل الأخير

الي استلم الدور فيهم الممثل اليديد الأشقر

المهم

الجزء الي طاف كبدايه كان حلو لا بأس فيه

بس الجزء هذا

انا اقول حراام عليكم

يعني خربوا الفلم بشكل كبير

يعني وين افلام الي قبل والفلم هذا

حتى لما تقعد تشوف الفلم راح تحوشك ربع ساعه يمكن راح تحس ان الفلم مليق

و صار ثقيل

طبعا بالبدايه يحط الأستون مارتن يكسرها

ونهاية الفلم بارده

يمكن غيري يقول الفلم الحلو ولكن هذا رأيي الشخصي

وطبعا بعد الفلم لازم يبيله مشروع عشى

:)

رحنا مطعم الخليج الصيني

وطبعا ما يبيله اخذ بوفيه وواديها

احلى ما في هالمطعم المأكولات البحريه

طبعا في دياي و لحم

لوووووول وما اقص عليكم انا يومها كليت دياي ولحم وسمج وربيان

تفتفتفتفتف بالعافيه علي

والحمدلله العواقب كات سليمه

لإني كنت متوقع نزله معويه او شي جذي

لووول حتى خنت حيلي ما قمت حق البوفيه الا 4 مرات بس

:)

يمعود عبالك 4 شويه

لا بس انا ما كنت اترس صحني

اي خير انشالله

هاهاهاي

وطبعا السوشي جربته ما يبيله

اهوه صج مو حلو وايد بس جربته المهم

لا وفي سلطة خس مو طبيعيه

كل ما اروح احطلي شي اخذ منها

حط عليها ليمون وملح

وبالعافيه ومطرح ما يسري يمري

:)

اقول منو رجيم بس

مقهوور

في ناس بالمجتمع فيهم شي من هالشغلتين

يا ان اهوه معقد

او ان اهوه يحب النحاسه

السالفه الي منرفزتني اليوم يا جماعه

ان الدكتور كان محدد موعد امتحان بتاريخ 24 هالشهر

اغلبية الشعبه عندهم امتحانين بنفس هالتاريخ

والي عنده امتحانين ورا بعض

عموم الشعبه اتفقوا ان نغير الموعد

والدكتور كان معانا وكل شي سليم

كانت اقتراحات التأجيل تاريخ 27 و30 وتاريخ 2 من شهر 12

صار بالبدايه تضارب إلى ان وصلنا إلى تاريخ كلنا متفقين عليه

وانا كنت ابي هالشغله من قلب لإن تاريخ 24 عندي امتحانين اثنينهم مواد تخصص

والفجه بينهم 15 دقيقه يعني ربع ساعه

واحد بالإجتماعيه والثاني بالإداريه

المشكله مو بالطريج خو مقدور عليها توصل بالتايم المناسب

بس ان ضغط امتحانين حق مثل هالمواد

يعني لو في فراغ ساعه ونص او ساعتين جان مو مشكله

الواحد يطلع من امتحانه الأول

يريح ويراجع نفسه ويستعد حق الإمتحان الثاني

المهم ما اطول السالفة

لما اتفقنا على تاريخ

جان يطمر واحد ويقول انا ما يناسبني التاريخ

قلنا مو مشكله اختار التاريخ الي يريحك واحنا معاك


يعني حتى لو بعد العيد مو مشكله

ولكن بو الشباب تنح الا يبي الإمتحان بنفس الموعد

يا اخوي غير بدل يمين يسار

لا ما ابي

وطبعا من الناحيه القانونيه اهوه من حقه لإن الدكتور ماعطينا الموعد من بداية الكورس

قوم بو الشباب وقول حق الدكتور ان انت عطيتنا موعد وانا ملتزم فيه

واي تغيير ماراح يناسبني

شنو السالفة عناد ولا عناد

يا الملييييييييييييييييييييييييييييييييييييييييييييييييييييييييييييييييييييق

ونحييييييييييييييييييييييييييييييييييييييييييييييييييييييس

بعد

يعني بتقولي من بعد تاريخ 24 ماكو ولا يوم يناسبك

حتى بعد العيد مو موافق

انا بس بعرف انت شنو مستفيد لما سويت جذي

يعني في كذا واحد مضغوطين

لو غيرنا موعد الإمتحان الواحد يقدر يعدل وضعه

بس ما اقول الا الله يسلط عليك واحد يغثك مثل ما سويت فيني

صج صج كرهته هالولد

يعني انت الحين استانست جذي

اوكي حتى لو بقول حق نفسي انا ما ادري شنو ظروف الولد

اوكي لو عنده ظروف تكون بشي معقول على الأقل

مو ان اعطيه المجال ان يختار اي يوم ولكن يصر على الموعد نفسه

قاهرني والله

,عيال الديره كلهم

لووول العنوان ماله شغل

بس الإغنيه قاعده تهز براسي

هي هي توني جيكت على بلوق يعقووبوو

لوول طلعت الصوره الي صورتها نفسها الي اهوه حاطها

:)

بس يالله دام اني كنت ملززم احطها

راح احطها

طبعا نو كومنتوووو

لووووووووول

والي قالكم امس اعلنها يبي يسوي رجيم

ابشروا بالخير

توني راجع من جوني روكتس

يا سلاااااااااااااااااااااااااااااااااااااااااااااااااااااااام

قود نايت يا حلوين

هي هي

اكلني بعد!!

لوول

بداية ونظرا للطلبات المتكرره

شكله راح اقلب المدونه للأكل فقط

وممنوع دخول ربع الرجيم

:)

شرايكم بس

-----------------------------

ادري من زمان مو كاتب شي اكشني بس مثلكم عارف

بلشنا ميدتيرمز

وطبعا الإحصاء لاعب دور كبير عندي

الله يستر

المهم

اليومين الي طافوا كانوا مسجلين بالتاريخ

ايييييييه

الله يسلمكم اول امس انا وصاحبي ساد سمايل

طلعنا رايحين القهوه

عاد صار اقتراح العشى ان من برجر كنج

ولكن

هالمره نبي نجرب التربل وابر

الي اتييكم 3 برجرات

قلنا يالله خنشوف شنو نظامها

اول الشي الصمونه صارت كبيره وايد

يعني الي حلجه فم السمكه ولا يفكر ياكلها على طول خل يشوفله حل احسن

ثاني شي بعد ما تاكلها راح تحس انك اسد من كثر اللحم الي فيها

وفوق هذا الوجبه اتيي اكبر حجم

يعني طفحني اكثر

والله على ما خلصت الصمونه الا انا بعد ما فيني حيل

انتهيت من الآخر

------------------------------

امس ايضا كان مشروع تمشي وناسه

وقعدنا بمطعم شربنا عصير وقهوه

والسوالف الحلوه هذي

المهم ان من كثر ما شربنا صار نوع من الشبع

ولكن اليوع موجود للحين

عاد قلنا انا وساد نروح شارع المطاعم

وكانت الوجهه كوردو

احنا من زمان مو ماكلين منه

وبحكم ان ما كنا يواعه وايد

طلبنا كل واحد وجبة شورما دياي

عادة لما نروح شارع المطاعم لازم تكون وجبه ومعاها صمونه

بس هالمره قلنا وجبه وحده كافي

خذينا الطلب

جم حسابك

قال 4 ونص

مو جنه وايد

المهم عطينا حسابه ورحنا القهوه

وصلنا وفتحنا الوجبات ولا بو الشباب حاط تقريبا 8 او 10 قطع صاج شورما

وداخل الخبزه الوحده بطاط بعد

وماعون بطاط جاانبي جذي

المهم احنا شفنا الوضع جذي قلنا مو مشكله خنشوف الي الله يقدرنا عليه

طبعا ساد اكل اكل لما بقت وحده جان يرفع العلم

لوول بعدين راجع حساباته وقال انا كليت كل هذا عيزت عن هالوحده جان يكملها

اما انا بقوا 3 ورفعت العلم قلت خلاص بعد ماكو مجال

وطبعا بعد هالأكل لازم تختار المشروب بعنايه فكانت هذي النتيجه

ساد اخذ جاي كشري وصلحوو وانا بريير مع ليمون

لا انا بعد حسيت للحين بيله شي قمت حطيت قلاص ثلج وليمون وماي

لوووووووووووول

ونظرا لإن يومين واحنا ناكل بشكل مو طبيعي

صرت من اشوف واحد قاعد ياكل جداميي بالقهوه

احاول اني ما شوفه

ولحد اييب طاري اكل ولا نسولف عن اكل

لإن خلاص وصلنا مرحله معقده جدا

هالإسبوع رجيم خلاص اعلنتها

:)

دوام مش على اصوله

مساء الخير عليكم جميعا

:)

اشفيه عبدالله رويشد

لووول

شخباركم شعلومكم

اليوم كان يوم دوام غريب بحد ذاته

اييه

اليوم اول محاضره مالت الإحصاء الأخ والحبيب والحلو والجميل الدكتور

شفتوا الحب اشلون صاير

المهم عاد الدكتور ياي يبي يسكر الباب

او اهوه سكراه خلص

عاد انا اتحلطمت جان يشوفني

عاد ترقيعا للموضوع جان اقوله دكتور الجو حلو ليش سكرت الباب

لوووووووول جان يضحك ويروح يفتحه مره ثانيه

عاد اهني بدا الفلم

بينما نحن مندمجون بالمحاضره

واذا به نسمع صوتا قادما من نهاية الممر

طاخ طاخ طاخ طاخ

انه صوت كعب رفيع جدا

ولشدة الصوت و شرود الطلبه عن المحاضره

انقطع الدكتور عن الشرح والجميع ينظر إلى الباب بشغف

ويستمر هذا الصوت يقترب

واذا به طلعت اول شي تهويشه مرت الفراشه الي تنظف معناته مصدر الصوت وراها بشوي

ويستمر الصوت حتى اصبح قريبا جدا

والكل في لهفه وشوق وينتظر مصدر هذا الصوت

واذا به تمر تلك الفتاة الي الميك اب فول اوبشن

والشعر دبل باااف

والنظارة
D&G

تعرفون الي عموم الشعبه تنح لمدة 3 دقايق الي حتى الدكتور مخلي الدرس ويطالع

البنت مررت شافت العموم متنح

ضحكت ومشت

خوش والله خوش

طبعا اثناء فترة المرور اسمعوا التعليقات

الي يمي : يا قلبيييييي

الي وراي : عظمة على عظمة يا ست

الدكتور احم احم نرجع حق المسأله

شوي شاف الطلبه للحين متنحين

جان يقول ديكاتي ممكن نسكر الباب لإن الظاهر الجو الحلو الي تقول عنه مأثر على مخوخ ربعك

:)

والله شنو ذنبي يا رب

كان قصدي بريئ

--------------------------------

اليوم في محاضرة الإدارة العامه

الدكتور من النوع الي مطلع وايد ويهتم بالي يصير بالعالم

فكان الموضوع عن اوباما وفوزه بالإنتخابات الرئاسيه

انا ما اهتم بالمواضيع هذي

وقعد يشرح لمدة نص ساعه

شنو مقومات الي خلت اوباما يفوز

وماكين وبوش شنو ردت فعلهم

اهوه صج عجبنيي في بعض المقاطع بس الموضوع كان ممل وايد بصراحه

فقزرتها مسجات وشخابيط

لووول

------------ --------------------

جريدة آفاق الجامعيه

اليوم وانا طالع من الآداب رايح شويخ

خذيتها قلت اتسلى فيها على ما تبدي المحاضره الثانيه

لفت نظري عناوين احسها ثقيله

وبايخه

وما ادري ليش لما قريتها استثقلتها

انا مو معترض على الموضوع كثر ما انا معترض على صيغة العنوان

اعتقد هالإسلوب صار مستهلك محتاج اسلوب او طريقة طرح عناوين بشكل موضوعي وحلو

ولكن كل واحد له وجهة نظر وكل طرف يحترم وجهة نظر الآخر

تفليصات الأمس

هاي جماعه اشلونكم شخبارك

والله والله والله معاذ مكانك فاضي

المهم

اليوم بدردش بسوالفي الديكاتيه الي تعودتوا عليها

والي بقولها بدون غرور حازت على اعجاب وايد ناس

الحمدلله :)

اهوه السوالف كلها مالت امس

بس امس رجعت تعبان وايد وما فضيت فالحين بسردها لكم وانا مجابل وايت موكا شغل عدل والمزاج كول

أمس وانا رايح من كيفان لما شويخ وقاعد اسوق وانا ملتزم

وماشي بدربي ولا يطمر على ايدي شي

whaaaaaaaaaaaaaaaaaaaaat!!

لا تكفه والسكان يفتلت من ايدي والحاله لوول ونمت على الي يمي

بعدين راح هالشي

جان اكمل ولا يطمر مره ثااانيه

shiiit!!

لووووول ولا تطلع حشره اخت الفراشه ما ادري شنو هذي

طبعا وقفت بحارة الأمان قاعد اشوف موضوعها

والله عمه بعينها بغيت ادعم مو شي لما يطمر عليك شي جذي

هاهاهاي

ولكن مصيرها كان رفسه من الجامه

ههههههههههههههههههههه

بعدين رحت شويخ خلصت محاضرتي وطيران بظرف عشر دقايق لازم ارجع كيفان عندي لاااب

خلصت من الاااب ولا مستر جوكليت متصل 4 مرات

ويييه شبلاه اول مره يدق هالكثر

المهم دقيت عليه

جان يبوق كلمتي المعهوده

جوكليت: ديكاتي قول تم قول تم قول تم قول تم

ديكاتي :لووول تم بس على شنو اول

جوكليت: قول تم انت

ديكاتي : تم افا عليك بس

جوكليت : تم نروح نتغدى بفريج صويلح

لوووووول

عاد قلت على ما يخلص جوكليت شغله اطلع على البحر لما اوصل رميثيه

المهم وانا عند اشارة شارع المطاعم والتلفون بأذوني قاعد اسولف

ادري سويت بوست اني لازم التزم بالسماعه والقواعد المروريه بس سلامتكم

انا اول واحد كسرت بالقانون بس مالي خلق

المهم وانا عند الإشاره وقف يمي جيب طوارق

المهم طالعته بنص عين جذي بس ما ركزت عدل مو داخل

شويه لفيت ويهي عدل ولا اثنين شرطه هي هي هي هي هي

المهم انا قلت دام انهم بسياره مدنيه ما يهم

قاعد اقول حق الي بالفون هاهاهاي ترا يمي شرطه

المهم قاعد اسولف والشرطه كل شوي يجدمون وانا اجدم

تعرفون الي مسوي روحي مو شايفهم عرفتوا الشعور هذا

لووووووووووووول

لفيت ويهي مره وحده ولا اثنينهم قاعد يخزوني جنهم يقولون لي ليش مو معبرنا ترا والله شرطه احنا

هههههههههاي

جان واحد منهم يأشرلي نزل التلفون يعني لا تتكلم بإيدك

لووول جان ابطل السبيكر واحطه يمي واكمل سوالف



والله عاد بعدها فوقه رحنا تغدينا بعد يوم طويل من الدراسه والتعب المو طبيعي

خوش شي

وختامها طبيعي ولابد من ذلك يكون لبببببببببببببببن

هذي ثاني مره اروحله

----------------------------

وبعدين اييكم حق الجو الي صج صج صج حلو هاليومين

الحين حلاته سياره كشف وتدزه

بس انا ابي سيكل احلى

:)

وهذي صور هاليومين

بعدسة ديكاتي يا جماعه

------------------------------

هذي السياره لكشتها بمواقف الإداريه

لووووول

ساعات اقول بنات مخهم فاضي

لوووول بس هذي مسويه حركه وماعطه شكل

شخباري توييتي

حجيه راعية السياره اذا كنتي متابعه بلوقي سوري سوينالج قصه بس سيارتج ملفته للنظر

ههههههههههههههههههههههه

شعور البرد

ايييييييه

اليوم المفروض حسيتوا بما يسمى شعور البرد

من زمان جدا ما قلت الجمله المعهوده
(انا بردان) بس اليوم قلتها وايد

الله يسلمكم قمت الصبح ولا اشوف الدنيا برا مغيمه قلت يالله شكله فيها مطره

رحت خذيت شور ولبست حق الدوام

طليت بره بسرعه ولا لا الجو بارد

غيرنا لبسنا شي طويل بس خفيف لإني قلت يمكن بعدين يرجع الجو حار

ولكن الجو عطاني واحد صفر

والله مت من البرد

الطرق كان سالك انا اطلع على البحر بس حادث واحد مر علي

والحمدلله الناس مقدره ان الوضع مطر وخطر فكل واحد ملتزم


خو الشارع كله ماي واحلى حركه لما يكون في ماي متيمع وانت بالسياره تمشي فوقه

لوووول يطشر ماي على الجنب وناسه

انا قمت اسويها كل ما اشوف ماي اليوم

لإن في وانيت دوج رام داس على الماي سبح سيارتي الله يهداه :)

اليوم طبعا كان شوي غير

اضطريت اني اغير المواقف الي اوقف فيها عادة

اليوم اول مره اركب الباص من اول من دخلت الجامعه

يحليله يوديك لما المكان الي تبيه

بس غلطتك لو ركبت باص غلط

راح تطقها مشي

انا ما جربتها ولكن جم واحد جربوها

لوووول

المهم اليوم توقعنا الدكاتره يعتذرون بس وين يا خلاف

الدكتور واصل قبلنا

خلصت والحين برجع حق سيارتي

ولا من كثر البرد الحبيب الي يمي مخلي دريشته مفتوحه

المشكله مو جذي

البلوه ان بيني وبين سيارته في فتحه ينزل منها ماي وايد

بالله اشلون اعبر انا

مو حلوه تاخذ شور بنص المواقف

ولكن تفاديت الموضوع ودخلت على كتر
لووووول


طبعا بالسياره قمت اطقطق

بس والله ما طوفتها على خير شغلت الدفايه

مع اني ادري ان اذا شغلت الدفايه ونزلت بالبرد راح امرض

علشان جذي راعيت اني ما اطول على الدفايه بس خفيف ولا اني اقعد اطقطق بالسياره

انا ما ادري شسالفتي الظاهر شيبت خلاص

هذا البرد بعد ما دخل عدل وانا قاعد اتنافض

الله يستر عيل


ايييه ولما ترجعع البيت

وقبل لا تسوي اي شي تدش المطبخ تشوف شنو مشروع الغدا اليوم

وتلقى هالجدر الزين يا سلااااااام

صج صج وقته الحين شوربة عدس مالت الروضه تذكرونها

لوول اشرب شوربتك وجابل نتك على ما يوصلون الشعب

وتتغدون

:)

Pocket full of Sun Shine- Natasha Bedingfield